تورتة الايس كريم بالهنا و الشفا

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

نفرتيتي
رقم عضويتك : 2
عدد المساهمات : 18504
الاوسمه :

مُساهمةنفرتيتي

اولا تورته الايس كريم بالفراوله



كيكة اسفنجية
ايس كريم فانيليا
ايس كريم فراولة
فواكه مسكرة (كريز أو فراولة ( الطريقة)نحضر طبق غويط مقعر (على هيئة نص دائرة )

افرش الطبق بورقة كبيرة فويل (يعنى ابطن الطبق بالفويل كويس قوى)

اقسم الكيكة الاسفنجية من النص بالسكينة

اجيب النص الاول واضعة على الفويل فى الطبق بحيث ياخد شكل الطبق و يكسية تماما

وممكن طريقة تانية للتقطيع بأنك تضعى امامك النص الاول بتاع الكيكة و بعدين تقطعية

شرائح عريضة و تبتدى تاخدى كل شريحة و تحطيها فى الطبق فوق اللى قبلها وهكزا لحد ما تكسى الطبق بدون فراغات بقدر الامكان

بالمعلقة ننزل اول طبقة ايس كريم ونفردها كويس ثم نضع بعض حبات من الفواكة المسكرة

ثم نضع طبقة من نوع تانى من الايس كريم و نفردها كويس و برضة بعض حبات من الفواكة المسكرة ثم نضع الطبقة الاخيرة من الايس كريم وتكون من النوع الثالث ونفرد كويس بظهر المعلقة

نجيب النص التانى بتاع الكيكة الاسفنجية و نقطعة بالسكينة على هيئة دائرة نغطى بيها الطبق كويس و نضغط عليها علشان تثبت كويس فى الايس كريم

ندخلها الفريزر لمدة 3 ساعات وعند التقديم نطلعها
ونقلبها على طبق او سرفيس وهى حتتقلب معاكى على طول ما تخافيش
نشيل من عليها الورق الفويل و يا اما تزوقيها بالكريم شانتية
او ممكن تجيبى صوص الفراولة و تنزليهم على هيئة خطوط رفيعة

ثانيا تورته ايس كريم بالشيكولاته



المقادير

2 عبوة كريم شانتيه - 2 علبة آيس كريم بودرة شوكولاتة- 4ملاعق كاكاو كبيرة - 2و 3/2كوب لبن مثلج -2 باكو بسكويت سادة -كوب لبن متوسط محلى بالسكر و الكاكاو و يكون ساخن - شوكولاتة مبشورة - مكسرات .

الطريقة

1-يرص البسكويت السادة في صينية طبقتين فوق بعض.
2-بعد ذلك نسقي البسكويت باللبن الساخن.
3-نتركه لفترة ثم نضع الصينية في الفريزر لمدة ساعة.
4- نضرب الايس كريم البودرة مع كوب و 3/2 لبن مثلج حتى يحدث التماسك .
5- و بعد ذلك نضع الايس كريم على البسكويت الموجود في الصينية ونتركهم في الفريزر مدة 3 ساعات.
6- نحضر كوب لبن مثلج و نضرب الكريم شانتيه و الاربع ملاعق كاكاو سويا, و نقوم بضربهم جيدا حتى يحدث تماسك.
7- نخرج الصينية و ندهن الايس كريم المتماسك بالكريم شانتيه.
8- نرش الشيكولاتة المبشورة على وجه الصينية وكذلك المكسرات.
9-و بعد ذلك تترك في الفريزر لمدة ساعة ثم تقدم .


تورته ايس كريم بالمكسرات



المقادير :

1- كيكه اسفنجيه بارده تماما.
2- كوب ونصف ايس كريم الفانيليا.
3- كوب ونصف ايس كريم فاكهه او شيكولاته حسب الرغبه.
4- 2 كوب كريم شانتيه للتجميل .
5-فاكهه الموسم .
6-مكسرات مفرومه.


الطريقه :

1- تقطع الكيكه 3 دوائر بالرض بسكين حاد . ثم يبطن قاع الصنيه بورق المونيوم على ان يغطي الورق حواف الصنيه ليسهل قلبها .
ثم توضع دوار من الكيك ه الاسفنجيه و تغطى بالايس كريم .
ثم تغطى بدائره ثانيه من الكيك وتوضع بعد ذلك في الفريزر الثلاجه.

2- تغطى الدائره الثانيه بالصنف الاخر من الايس كريم وتغطى بالدائره الثالثه وتعاد الى الفريزر مره اخرى حتى تتجمد تماما .
ثم تقلب التورته على طبق التقديم وينزع ورق الالمونيوم عنها ويجمل الوجه والحواف بوردات من الكريم شانتيه .
ثم عند التقديم ترش بالمكسرات وتجمل بالفواكه المشكله ( حسب الرغبه)

****************

طريقة عمل الكيكه الاسفنجيه :

المقادير :
1- 8 بيضات .
2- كوب ونصف سكر بودره .
3- 2 كوب دقيق وفانيليا .
4- ملعقه صغيره بكنج بودر .

الطريقه:
1- نشغل الفرن قبل بدء العمل .
2- يضرب البيض مع السكر مده لاتقل عن ربع ساعه بالمضرب الكهربائي او مضرب العجن حتى يصبح كالقشده ثم يضاف قليل من الفانيليا .
3- يضاف البنكنج بودر الى الدقيق وينخل.
4- ويضاف الدقيق النخول الي خليط البيض قليلا قليلا ويحرك اثنا الصب بملعقه حشب الي ان ينتهي المقدار.
5-يصب الخليط الي الصنيه المدهونه بالزبده واامبطنه بالدقيق .
6- توضع الصنيه في الفرن لمده 40 دقيقه .
7-تقلب على منخل سلك وتترك حتى تبرد بعيدا عن تيار الهواء يفضل استخدامها في اليوم التالي.


تورته ايس كريم بالفواكه




الطريقه

نبطن الصينيه بورق الزبدة من القاع والجوانب
نبدا بتحضير اول طبقه من الايس كريم ....بالفراوله
نخفق محتويات علبتين ايس كريم فراوله مع كوب ونصف لبن الى ان يصبح قوامه مثل الكريم شانتيه
(ملحوظه : مكتوب على العلبه ان المحتويات تخفق مع كوب لبن او ماء ...يفضل تقليل كميه اللبن الى ثلاث ارباع الكوب حتى يكون كثيف ولا يتكون فيه بللورات ثلج ويظل متماسك عند تقديمه)
نصب الايس كريم فى الصينيه ونساوى الوجه جيدا وندخلها الفريزر تجمد لمدة ساعتين

نحضر الطبقه الثانيه ....بالفانيليا
بنفس الطريقه
انا خلطت معاها فواكه مسكرة وممكن تستغنى عنها
طلعى الصينيه من الفريزر وصبى فوقها الطبقه الثانيه وساوى الوجه جيدا ودخليها تجمد

حضرى الطبقه الثالثه ...بالكاكاو
بنفس الطريقه وضعيها فوق الطبقه السابقه وضعى فوقها طبقه الكيك الاسفنجى واضغطى عليها برفق
دخلى الصينيه الفريزر 4-5 ساعات

طلعيها من الفريزر
اقلبيها
انزعى ورق الزبدة من عليها وبكدة هاتكون طبقه الفراوله هى اللى فوق
حضرى الكريم شانتيه بالطريقه المدونه على العلبه
اقسمى الكميه نصفين
نصف اضيفى له بودرة الكريم كراميل واخفقيه جيدا هاتلاقى لونه اصبح اصفر
والجزء الثانى اتركيه ابيض
ادهنى وجه التورته بالكريمه الصفراء وزينيها بالشرائط بالكريمه البيضاء باى شكل تحبيه على حسب ذوقك وابداعك
وجملى الوجه بالشيكولاته المبشورة والبندق
جملى الجوانب
اما باصابع البسكويت مثل الموضح فى الصور
او شيكولاته فيرميسيل او مكسرات مفرومه على حسب رغبتك
دخليها الفريزر تجمد لحين التقديم

ممكن تلونى الكريم شانتيه بقليل من بودرة الجيللى لاعطاء لون روز خفيف ونكهه الفراوله

التزيين والشكل النهائى فيه مجال واسع لابداعك

وادى الشكل النهائى لها

مجمع و منقول

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
تورتة الايس كريم بالهنا و الشفا :: تعاليق
avatar
????
زائر

مُساهمة في 23.02.10 1:28 من طرف ????

ميرسي جدا جميله جدا
avatar
كليوباترا
ملكه المنتدى
ملكه المنتدى
رقم عضويتك : 1
عدد المساهمات : 72553
الاوسمه :
العمل/الترفيه : طبيبه اسنان

مُساهمة في 23.02.10 1:35 من طرف كليوباترا

العفو بس ما تكليش منها كتير ليبقى المننتدى هوه اللى طخنك ههههههههههههه
om-moomen
اميره جديده
اميره جديده
عدد المساهمات : 16
الاوسمه :

مُساهمة في 08.11.10 16:48 من طرف om-moomen

تحفه بجد تسلم ايدكى انا هجربهم كلهم الاولاد هيحبوها جزاكى الله خيرا
بس ممكن طلب انا عندى حنه للشعر وعايزه استعملها ومش عارفه طريقه ليها ممكن حد يفدنى انا عايزاها تكون مفيده لشعرى لانه خفيف وشكرا على تعاونكم معانا بجد البيج ده هايل جدا ومعلوماته رائعه
emy ghanem
اميره فضيه
اميره  فضيه
رقم عضويتك : 9301
عدد المساهمات : 4048
الاوسمه :

مُساهمة في 08.11.10 16:59 من طرف emy ghanem

وااااااااااااااااو جميلة تسلم ايدك

صفحة 1 من اصل 2 1, 2  الصفحة التالية

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى