وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 ضيفي تجربتك وساعدينا في تجهيزات المولود الجديد والتعامل معاه بالتفصيل لامهاتنا واميراتنا حديثي الولاده

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3 ... 8 ... 14  الصفحة التالية
كاتب الموضوعرسالة
07102011
مُساهمةضيفي تجربتك وساعدينا في تجهيزات المولود الجديد والتعامل معاه بالتفصيل لامهاتنا واميراتنا حديثي الولاده


تجهيزات البيبي لامهاتنا واميراتنا حديثي الولاده

الموضوع ده يا بنات اهداء لكل الامهات الجداد بس انا عايزه اطلب طلب ده موضوع تفاعلي بمعنى اللي هنزله من تجربتى باذن الله وهدمجه بصور بس عايزه ردودكم الحلوه والاهم اسئله تفتح التواصل بينا وكل ما تسالونى هدور وارد بالتالي هيبقي موضوع مفيد جدا لكل ام جديده هستني اسئلتكم وهبدا حالا معاكم دوره تجهيز مولودك الجديد من الالف للياء والتعامل مع السره وخلافه وحتى تعليم الاطفال الامتناع عن الحفاضه وغيره بجد عيزه تشجيع حلو علشان ده مش هيبقي اول واخر موضوع عايزه نستمر في مواضيع بتهمنا ده اداء لكل امهات المنتدي الجداد وبالاخص حبيبي علياء ورور ومشكلاتهم باذن الله نحلها سوي يا اميرات باقتراحاتنا ومشاورتنا
نتظرونى بالحلقه الاولي وكله هيكون هنا باذن الله
كاتب الموضوع : كليوباترا


عدل سابقا من قبل كليوباترا في 09.10.11 12:41 عدل 1 مرات
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

ضيفي تجربتك وساعدينا في تجهيزات المولود الجديد والتعامل معاه بالتفصيل لامهاتنا واميراتنا حديثي الولاده :: تعاليق

نورتونى يا احلي بنات تسلموا ليه يارب علي مروركم اسالي يا علياء اللي عنده اي استفسار ياريت هيخليني يفتح الموضوع احسن مستنيه استفسارتكم وهنزل الجزء الجديد انهرده باذن الله
موضوع جامد جدا وبجد مميز
ماشى يا كوكى
1- هى اللفله دى هى الكوفرته

بالنسبه للمقاسات مثلا لو جبت 6 فلنات بكم اجيب اتنين مقاس زيرو واتنين مقاس (2) وواتنين مقاس(3) ؟؟ 2-
3- والمقاسات دى تقعد معاه لغايه شهر خامسه يعنى ساعتها هيبئا عنده خمس شهور قولى بس اروح اقول للراجل عايزه مقسات ايه بحيث انها تقعد معاه لغايه اخر الشتا
وانا بأذن الله هلبس الفلنه النص وفقويها الكم وبعدين البيجامه او السلوبيت وبعدين بطانيه او كوفرته كده كويس ولا اتقل فى الهدوم
والسلبوتات اللى من غير رجلين دى موجوده عندنا فى المحلات انتى جبتى منها قبل كده ؟ وشكرا ليكى يا كوكى
انوش يا حبيبتى منورانى يارب تستفيدوا كلكم يارب

وادي يا بنات لفه تانيه كمان هي اصلا مجهزه ومقفوله من تحت



يا بنات السلوبتات الصيفي اهه

والشتوي



هتكلم معاكم في لوازم الاستحمام شويه

اولا البانيو هاتيه مش غويط وكمان في سفنج بحجم البيبي يا بنات بتتحط في البانيو علشان ميتزحلقشي من ايديكي ف يالاول مفضلشي يستحمي ف صابون او كولونيا خمس خمسات وحاجات تانيه هقولكم عليها بس الحموم وانك تمسكيه عايز حد معاكي لانه بيبقي صعب شويه


ياريت تشتري صندوق او رفوف خاصه لحاجات البيبي عندك في الحمام علشان الترتيب ويبقي اسهل ليكي


او تجيبي يا حبيبي بانيو متكامل زي ده



حقيقة ممكن ان تجعلي من وقت استحمام الطفل وقت مـمتع لك وله

لا تحممي الطفل إلا بعد ان يسقط الحبل السري،، ففي الفترة التي يكون الحبل بها متواجد تنظفي ابنك او ابنتك بالطريقة التالية:

1- غسل وجهه يوميا

2- مسح رقبته يوميا

3- تنظيف منطقة السرة والاعتناء بها

4-تنظيف ومسح منطقة البامبرز جيدا

وهذا جميعه باستخدام بشكير صغير ناعم جدا مع قليل من الشامبو الخاص بهم
في هذه المرحلة من العمر الزيوت والباودر واللوشين غير محبذ استخدامهم والسبب حتى لايتعرض جلده للحساسية ويعمل على اغلاق مسامات الجلد الصغيرة وأيضا اظهار البثور الصغيرة (pimples) والطفح الجلدي
(heat rash)








1-عند وقت الاستحمام عليكِ أن تراعي ألا يكون الطفل جائع أو متعب.،

2- اعلمي من عندك بالبيت أنك سوف تحممي طفلك حتى لا يتم مقاطعتك أو فتح باب الحمام أثناء استحمامه.،

3- قبل البدء وادخاله الى الحمام يجب عليكِ أن تحضري الماء الدافيء على ألاتتعدى حرارة الماء عن 36 درجة مئوية وأن تتاكدي من عدم وجود مجرى للهواء وأن يكون المكان أيضا دافيء

4-حضري واجمعي اغراض الطفل قبل الوقت:

المنشفة والبشكير الصغير الخاص للتنظيف
البانيو الصغير
الشامبو والصابون
وكأس الماء (الكيله)أو ابريق







6- احملي طفلك حملة الكرة بين يديكي وذراعيكي لمساعدتك كما هو موضوح بالصور وعليكي تحميمه من رأسه على أخر اصبع في قدميه

7-اغسلي وجهه ورقبته بالماء النظيف ،،، نظفي منطقة عيونه بالمسح بدءا من الزاوية الداخلية باتجاه
زاوية اذنيه مع مسحهما أيضا مهم جدا في هذا العمرألا تستخدمي نكاشات الاذنين للطفل بل امسحيهما بالبشكير الصغير الناعم

8- ابدئى تنظيف رأسه بالشامبو الخفيف سواء كان على رأسه شعر أو لم يكن لكن عليكي استخدام الشامبو الخالي من المعطرات fragrance-free shampoo لا تضعي اكثر من نقطة او نقطتني من الشامبو
افركي رأسه بخفه شديدة بأطراف أصابعك








9- -اشطفي أو اغسلي رأسه من الشامبو بالماء الدافيء باستخدام الكأس ثمَ نشفي رأسه ولفيه بالبشكير

10- اكشفي النصف العلوي من جسمه استخدمي البشكير الصغير مع القليل من الصابون لتنظيف يديه وذراعيه وصدره وظهره ثم اشطفيه بالماء مع التاكد انه لم يتبقى أي شي من اّثار الصابون فبقايا الصابون تسبب الجفاف والتهيج لجلد الطفل الرقيق ثم قومي بتجفيف هذا الجزء جيدا

11-اكشفي النصف السفلي من جسم الطفل و ابدأي رجليه و قدميه مع مراعاة تنظيف ما بين أصابعه ثم نشفي ما بين أصابعه جدا وتأكدي من ذلك

13-وأخيرا تنظيف منطقة الحفاضة اذا كان مولودك ذكر ومختون (مطهر) حديثا فلا تستخدمي الصابون في هذه المنطقة نهائيا حتى يلتئم جرحه ونظفي المنطقة التي على جوانبها والمحيطة بها , أما اذا المولود أنثى فنظفي المنطقة الحساسة من الامام الى الخلف مهم جدا حتى لاتنتقل الاوساخ ومهم جدا ألاتفركي هذه المنطقة فهي حساسة جدا

14- كوني حذره في حمل ابنك وهو ماء فهو خفيف سريع الانزلاق

15-لبسي ولفي ابنك قبل أي شيء عليك فعله حتى لا يبرد

16- واّخر شيء تبعد اتمام جميع المهمات ويرضع وينام أفرغي البانيو الصغير من الماء ونظفيه جيدا ثم عرضيه للهواء



[size=21]]
@a.l.y.a.a كتب:
ماشى يا كوكى
1- هى اللفله دى هى الكوفرته

بالنسبه للمقاسات مثلا لو جبت 6 فلنات بكم اجيب اتنين مقاس زيرو واتنين مقاس (2) وواتنين مقاس(3) ؟؟ 2-
3- والمقاسات دى تقعد معاه لغايه شهر خامسه يعنى ساعتها هيبئا عنده خمس شهور قولى بس اروح اقول للراجل عايزه مقسات ايه بحيث انها تقعد معاه لغايه اخر الشتا
وانا بأذن الله هلبس الفلنه النص وفقويها الكم وبعدين البيجامه او السلوبيت وبعدين بطانيه او كوفرته كده كويس ولا اتقل فى الهدوم
والسلبوتات اللى من غير رجلين دى موجوده عندنا فى المحلات انتى جبتى منها قبل كده ؟ وشكرا ليكى يا كوكى



بصي يا علياء يا حبيبتى اتغيرت الحاجات كتير انا بنوتى الااخيره دلوقتى عندها 5 سنين فى حاجات كتير نزلت وهتلاقي يا حبيبتى حاجات كتير اوي في المحلات المتخصصه للاطفال بس روحي للمتخصص في السن الصغير مش محل اطفال عام كل الاعمار اختاري للبيبيهات اكتر وهحاول اجيب ليكم محلات الهدوم بتاعت الاطفال بالتفصيل بس هما كتير اوي فغالبا هتلاقيه مش صعب وده صدقينى افضل كتير من الي برجلين لانه بيصغر ومش بنقفله بعد شويه وبيبقي شكله رخم لو مش لاقياه مش قضيه هاتى السلوبتات العاديه السن بيبقي مكتوب علي السلوبتات بالسن وفي بالارقام فاسالي البنت اللي بتبيع ده لسن كام هتقولك وخدي بالك المكتوب ساعات بيبقي مش بالظبط يعنى انا جبت حاجات مكتوب عليها سنه بس من السعوديه مامتى كانت جيباه كنت بلبس في سنه ونص حسب حجم البيبي فكبري وهاتى الزيرو قليل لانه ده بالاخص مش بيلحق يتلبس الواسع شويه احسن من الضغير علشان ميترميش انا بيصعب عليه المصاريف اوي بيبقي في ضغط علينا جامد انا عارفه ربنا يعينا جميعا يارب

بالنسبه للملايات اللي بتتلف بيها مش كوفرته لا لا بتبقي اخف واطري قطن وفوقيها بيتلف بكوفرته عادي هي بتبقي قطن وساعات ليها راس بيدخل راسه فيها بدل الطاقيه علشان متتزحلقشي قولي للبايع لفه مش كوفرته هتلاقي فرق كبير لما تشوفيها

انتى بتجيبي سلوبتات برجلين احسن بكتير من البجامه هتزهقك وبطنه هتتعري فاهمانى السلوبيت احسن من البيجامه ممكن تجيبي ههقولك حاجه حلوه احلي من السلوبيت اللي برجلينن هاتيه بكم بس من غير رجلين تمام وتجيبي بنطلونات هتلاقي في قطيفه وقطن وصوف تمام ليه علشان السلوبت متقعديش تقلعي وتلبسي البنطلون اسهل في التغيير والكابسونات بس تتفك ده تجربتى لو حد عنده تجربه احدث يا بنات يقول بس في الاول ده بحسه احسن
مهمه اوي البنطلونات اقصد اللي من غير رجلين مش كمان اللي فوق ده لا التانى بيبقي بكبسونه من تحت من غير رجلين زي الكت بالظبط بس رخم بردوا لانه لما بيقصر مش بيتقفل فاهمانى لكن اللي في الصوره ده مش عارفه متوفر ولا لا ده احلي طبعا لانه بين الجلبيه بتاعت زمان والسلوبيت

باللنسبه للكميه حلو اوى كده كفايه بس الاهم تجسي ايده وتشوفي العرق مع الوقت هتستوعبي في اطفال بتتحر واطفال بتلبس اكتر من كده لانه بيبقي بردان جدا فبتلف يا حبيبي بالبطانيه كمان رفيعه بدل الكوفرته وبعدين بطانيه كبيره فاهمانى جسي ايده وشوفيها ساقعه ولا ايه وشوفي الععرق خدي بالك الحر وحش جدا للبيبي زي البرد بالظبط

يارب يا حبيبتى اكون فيدتك مستنيه اسئلتكم يا بنات
 

ضيفي تجربتك وساعدينا في تجهيزات المولود الجديد والتعامل معاه بالتفصيل لامهاتنا واميراتنا حديثي الولاده

استعرض الموضوع السابق استعرض الموضوع التالي الرجوع الى أعلى الصفحة 

صفحة 2 من اصل 14انتقل الى الصفحة : الصفحة السابقة  1, 2, 3 ... 8 ... 14  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: قسم الأم والطفل :: الحمل والتربيه السليمه Pregnancy and children care-
انتقل الى: