منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
المتواجدون الآن ؟
ككل هناك 28 عُضو متصل حالياً :: 2 عُضو, 0 عُضو مُختفي و 26 زائر :: 1 روبوت الفهرسة في محركات البحث

ديانا دودو 100, يوستينا كليوباترا

شاطر
استعرض الموضوع السابقاستعرض الموضوع التالي
avatar
كليوباترا
ملكه المنتدى
ملكه المنتدى
رقم عضويتك : 1
عدد المساهمات : 70338
الاوسمه :
العمل/الترفيه : طبيبه اسنان
07102011
تجهيزات البيبي لامهاتنا واميراتنا حديثي الولاده

الموضوع ده يا بنات اهداء لكل الامهات الجداد بس انا عايزه اطلب طلب ده موضوع تفاعلي بمعنى اللي هنزله من تجربتى باذن الله وهدمجه بصور بس عايزه ردودكم الحلوه والاهم اسئله تفتح التواصل بينا وكل ما تسالونى هدور وارد بالتالي هيبقي موضوع مفيد جدا لكل ام جديده هستني اسئلتكم وهبدا حالا معاكم دوره تجهيز مولودك الجديد من الالف للياء والتعامل مع السره وخلافه وحتى تعليم الاطفال الامتناع عن الحفاضه وغيره بجد عيزه تشجيع حلو علشان ده مش هيبقي اول واخر موضوع عايزه نستمر في مواضيع بتهمنا ده اداء لكل امهات المنتدي الجداد وبالاخص حبيبي علياء ورور ومشكلاتهم باذن الله نحلها سوي يا اميرات باقتراحاتنا ومشاورتنا
نتظرونى بالحلقه الاولي وكله هيكون هنا باذن الله


عدل سابقا من قبل كليوباترا في 09.10.11 12:41 عدل 1 مرات
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
تعاليق
avatar
طبعا يا بنات مش هتكلم علي الحمل هتكلم تجهيز الهدوم قبل الولاده في شويه ملاحظات مهمه
اختاري المقاسات مش كلها واحده بمعنى لو هتجيبي مثلا 10 سلوبتات متجيبيهمش
كلهم يا بنات مقاس رقم واحد لا شكلي علشان اول ما بيتولد حجمه بيفرق بعد
اسبوعين علطول ربنا يحرصهم وشويه تلاقي اللي جبتيهم كلهم بيترموا بعد شهر
هاتى احسن بالشهور
الجلاليب او السلوبتات اللي من غير رجل ديه افضل من اللي برجل لانها لما بتصغر مش بتتقفل من تحت شوفوا شكلها معايا

بالنسبه للعدد مش اقل من 6 ل 10 حسب الامكانيات وكمان ممكن يتقسموا علي مرتين علشان ساعات بنشتري ونتفاجئ بعد الولاده ان الحاجات صغيره او كبيره

السلوبتات اللي برجلين شويه لما البيبي بيكبر شويه يا بنات علشان بيبقي ضعيف اوى انك تدخلي ايده ورجله فنقوا اسهل حاجه علي اد ما تقدروا لانهم بيبقوا صغيرين وجسمهم طري اوي هاتى اللي ليه رقبه واسعه علشان ميضايقشي منها مهمه اوي ابعدي عن الدانتيل عند الرقبه وعلشان ميحززشي جسمهم يا حبيبي بيبقي حساس مووووووووت
ممكن نجيب اللي يكفي مبدئيا بس ونكمل بعد الولاده علشام مفيش حاجه تترمي
طبعا لو شتوي يا بنات لازم تجيبي طواقي وكمان بلوفرات صغيره علي اد النونو القمر وشرابات يا حبيبي الدفئه مهم اوي ولو في الصيف وعوا تحرروهم البرد خطر علي البيبي زي الحر بالظبط يا بنات يعنى العرق والحر خطر بردوا بلاش تفتسوهم من الخوف وازاى تعرفي انه مدفي
او بردان متقلقوش هتجسي ايده بيبان علطول ولبسيه لحد ما تحسيه ايده اتدفت لكن ميعرقشي


الملايات او اللي بيتلف فيها البيبي مش للتغطيه اسمها اللفه بتاعت زمان ممكن تكون بطلت بس في نظري ليها اهميه كبيره انها بتلمى البيبي فيها بمعنى ايه بتلفيه كويس بيها بتدي ليه سمك وحجم وبتمسك جسمه علشان بيبقي ضعيف وطري اوي عايز يتسند وتلفيه كويس اوي

اللينك ده هيفيدكم جدا يا بنات شوفوه فيه طريقه اللف
http://www.childclinic.net/parenting/holding_baby.html طريقة لف
الطفل خطوه خطوه

يعتبر لف الطفل حديث الولاده من التقنيات الهامه التي تضمن هدوء الطفل و دفئه و راحته
للأطفال الذين لا يحبون اللف يفضل استخدام كيس النوم لا يفضل لف الاطفال الذين ينامون بجانب امهاتهم لكي لا يتعرضوا لزيادة التدفئه




يلبس الطفل ملابس خفيفه تحت القماط او اللفه اذا كان الجو حارا
و ملابس ثقيله في حالة برودة الجو يجب ان نتجنب تغطية القماط او اللفه راس الطفل أو اذنه أو ذقنه لتجنب التدفئه الزائده و لتجنب خطر الأختناق
المقال ده لقيت فيه فايده كبيره يارب يفيدكم
ما هو اللفّ بالقماط؟ ما هي حسناته وسلبياته؟

إن تقميط المولود الجديد هو تقنية قديمة العهد تهدف إلى جعل الطفل يشعر بالأمان وكي تحملينه بسهولة ويسر. وبالرغم من أن هذه العادة قد اندثرت في البلاد الغربية لأنها لم تعد أسلوباً مفضلاً هناك، فإن الكثير من الشعوب الشرقية والقبائل ما زالت تميل إلى هذه الطريقة في لفّ المواليد الجدد.

من أجل تقميط الطفل حديث الولادة، قومي ببسط ومدّ غطاء (شرشف) من القطن بشكل مسطح مع ثني بسيط لزاوية واحدة: ضعي طفلك ووجهه مقابل الغطاء مع إبقاء عنقه على الثنية. لفّي زاوية اليسار من الغطاء حول جسمه ودسّيها تحته إلى أسفل. أحضري الزاوية السفلية فوق قدميه، ثم لفّي الزاوية اليمنى حوله، مع ترك وجهه وعنقه فقط في الخارج غير مغطيين. إياك أن تغطي وجه طفلك بالشرشف لما قد يسبّبه ذلك من سخونة وارتفاع في الحرارة أو يؤدي إلى الاختناق نتيجة نقص الأوكسجين. انتبهي إلى عدم جعل طفلك يعاني من الحرارة الزائدة: فالغاية من لفّ الطفل بالقماط هي جعله يشعر بالأمان أكثر من تدفئته. تجنبي استخدام حرام أو بطانية في هذه العملية أو إحكام اللفّ بمواد إضافية، وتأكدي من أنها لم تحكمي لفّ طفلك ولم تشدي عليه الغطاء وإلا فإنك تقطعين عنه جريان الدورة الدموية. اتركي أضلاعه حرّة خوفاً من حدوث "خلع الورك" لدى بعض المواليد الجدد.

تخلق عملية التقميط ضغطاً بسيطاً حول جسد طفلك فتمنح المواليد الجدد شعوراً بالأمان لأنها تعكس الضغط الذي كانوا يشعرون به داخل رحم الأم. يثير اللفّ بالقماط لدى بعض الأطفال الرغبة في النوم بينما لا يستمتع آخرون به. عليك الامتناع عن لفّ طفلك بالقماط عندما يبلغ الشهر الأول من العمر ويبدأ بركل الأغطية، فهذه إشارة على عدم رغبته في أن يكون ملفوفاً أو أنه لم يعد يرتاح للمسألة.

تمّت المصادقة الطبية على المقالة لموقع "بيبي سنتر آرابيا" من الدكتورة رندة بشناق


تابعونى با لنات لسه بس اصلي تعبت وعايزه انام بس انتظرونى بكره يارب الموضوع يعجبكم يا بنات يارب لسه هكلمكم علي انواع الببرونات والتيتينه وغيره والبامبرز وانواعه ونفاضل سوي ونسال بعض عايزين تفاعل واسئلتكم هي اللي هتساعدنى وتكرنى بالمهم كله قبلاتى قبلاتى قبلاتى
avatar
الله عليكى يا كوكى لو فى حاجه نسئل دلوقتى ولا لما تخلصى الموضوع؟
avatar
ربنا يخليكى ياكوكى
احنا معاكى ولو فى اى معلومه او استفسار
هنضيفه ان شاء الله
فى انتظار البقيه
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى