وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 الحل النهائي في ثواني للسيليوليت وبقع البشرة مع خبيرة التجميل رانيا و أسئلة و أجوبة كتير

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
21092011
مُساهمةالحل النهائي في ثواني للسيليوليت وبقع البشرة مع خبيرة التجميل رانيا و أسئلة و أجوبة كتير


الحل النهائي في ثواني للسيليوليت وبقع البشرة مع خبيرة التجميل رانيا و أسئلة و أجوبة كتير





أنا فرحي بعد شهر، وعايزة أفرد شعري، رغم إني عارفة إن المواد الكيميائية مضرّة للشعر، ولكن أنا ما عنديش حل تاني لأن شعري مجعد جدا، وعايزة أبان بشكل حلو خصوصا في الأيام الأولى من الزواج؟
طبعا أنا ضد الفرد تماما، ولكن اللي عايز يفرد شعره لازم يروح عند حد متخصص لفرد الشعر، وفيه أماكن كتيرة مشهورة لفرد الشعر سواء بالكرياتين أو غير الكرياتين، وبعد كده بيكون فيه حمامات كريم مخصّصة بعد فرد الشعر بينصح بها المصفف؛ وده بيكون طبقا لنوع الفرد اللي هيعمله للشعر وحمام الكريم المناسب له، فكل اللي أقدر أنصحك به هو إنك تروحي لمكان مضمون وسمعته طيبة.

• أنا عايزة أعرف إزاي أشقّر وجهي؛ لأن الفتلة بتسبّب التهاب لبشرتي؟

أنا مع التشقير ولكن بافضل إنه يتكرر كل أربعة شهور أو ستة شهور فقط، ولكن مش كل شهر، وبنستخدم كريمات التشقير الموجودة في السوق وسعرها بيتراوح بين 40 : 50 جنيها، وفيه ناس بتستخدم البودرة الخاصة لتفتيح الشعر وتحطّ معاها أكسجين؛ والطريقة دي مش وحشة ولكنها كمان مش جيدة، والأفضل إننا نلجأ لكريمات التشقير؛ لأن المواد بداخلها بتكون أطرى وأنعم على البشرة.

• أنا جسمي مش مظبوط وفيه سيليوليت.. أعمل إيه؟
كنا اتكلّمنا قبل كده عن لسان البحر لعلاج السيليوليت وده بنطحنه ونستخدمه، وعلشان يجيب نتيجة كويسة لازم نكرره مرتين في اليوم يوميا لغاية ما يجيب نتيجة، أما لو مش عايزة تستخدمي لسان البحر ففيه ماسكات تانية هنعملها مع بعض في حلقة مخصّصة عن السيليوليت، كمان ممكن تستخدمي الفرشة الخاصة للسيليوليت مع الماسكات الطبيعية اللي هنقول عليها، ودي هتجيب نتيجة إن شاء الله، بس أهم حاجة هي الاستمرارية؛ لأن أحيانا ممكن نداوم عليها لمدة سنة لحد ما النتيجة تبان.


• عايزة أعرف أجيب منين فُرش الماكياج؟
الفرش بنشتريها من المحال المخصصة لبيع أدوات الماكياج أو من الصيدليات الكبيرة، وبانصح إن الفرش تكون بشعر طبيعي مش شعر بلاستيك؛ لأنه بيكون ناعم أوي على البشرة.


• عايزة أعرف إيه الأفضل لإزالة شعر الوجه هل بالفتلة ولا بالشمع؟
إزالة شعر الوجه ممكن يكون بالفتلة أو ممكن بالشمع، ولكن الشمع لازم يكون عند حد مضمون جدا، ولازم نتأكّد إن قبل ما نعمل وشنا إنه يكون فيه قطعة شمع جديدة علشان لو حد قبلنا استخدمها ومثلا وشه فيه التهاب ممكن تتنقلنا، كمان لازم يكون حد متخصص؛ لأن الشمع ده بيكون ساخن جدا، ولازم يتحط على الوش بحرص شديد، وأنا مش بافضل إننا نستخدم الشمع على البشرة بشكل دايم؛ وده لأن شد الشمع على الوش ممكن مع الوقت تسبب تجاعيد للبشرة؛ يعني ممكن نكرره كل 3 شهور على الأقل أو 6 شهور.


• عندي بقع قديمة، وحبوب كتيرة، وعندي خط في رقبتي؟
زي ما قلنا قبل كده على موضوع البقع إننا بنحط خليط من العسل مع الخميرة ونستمر عليه فترة، وبعد فترة أسبوعين مثلا هنزوّد عليهم حبوب اللقاح؛ لأنها بتعمل تطهير للبشرة وإبادة لأي حاجة فيها، ونفس الماسك ده هنستخدمه للبقع وكمان على أي مكان فيه حبوب، وهنستمر عليه إما يوميا أو يوم بعد يوم، وده على حسب حجم الحبوب في البشرة، والتركيبة دي بتنفع للبشرة الدهنية ولكل أنواع البشرة، وممكن بعد فترة تبدأ تحط عسل النحل مع زيت كبد الحوت، وده فعّال جدا خصوصا للحبوب اللي بتكون زي الدمامل.

وبالنسبة للبقع بعد ما نستعمل خليط الخميرة والعسل زي ما قلنا لو لسه فيه بقع هنعمل ماسك الفجل البلدي، وهو عبارة عن مقادير متساوية من عصير الفجل وعصير الليمون وشرش اللبن الزبادي، وهنخلطهم مع بعض، ونحطّهم في التلاجة لمدة 48 ساعة، وبعدين نبدأ نستخدمه على أماكن البقع.


• أنا استخدمت الليكوسيد وجاب نتيجة كويسة، بس وقّفته بعد أسبوعين علشان بيطلع في المناطق دي حبوب حمراء وقلقتني أوي؟
الحبوب الحمراء دي لو ظهرت بسبب إزالة الشعر يبقى مافيش مشكلة، لكن لو التهبت يبقى ممكن تستخدميه وتوقفي أسبوع، وتستعملي كريم بانثينول، وبعدين ترجعي تستعملي الليكوسيد تاني.


• أنا باستعمل ماسك الزبادي وماسك الرز هل أستخدمهم في يوم واحد ولا كل ماسك لوحده، مع العلم إن بشرتي فيها حبوب؟

بالنسبة للبشرة اللي فيها حبوب يُفضِّل إنها ما تستخدمش الزبادي، وهتكتفي بماسك الرز فقط للتفتيح، والروتين هيكون بإنك تعملي ماسك الخميرة والعسل، وبالليل قبل النوم تعملي ماسك الرز للتفتيح، وابعدي عن الزبادي ما دام البشرة فيها حبوب.

• عندي المنطقة حول الفم غامقة؟ وفيه حبوب في منطقة الذقن بتطلع حاجات بيضا؟
أهم حاجة بالنسبة لمشكلة الغمقان حول الفم إننا بعد ما نغسل أسنانا نغسل المنطقة حول الفم كويس أوي؛ لأن الفلورايد بيسبب غمقان في الجلد.

وبالنسبة للحبوب أهم حاجة إننا مانقرّبش ليها نهائي أو نلعب فيها، وزي ما قلت قبل كده ماسك الخميرة والعسل من الحاجات الفعّالة جدا للحبوب لأنها بتنشفها جدا، وبالليل قبل النوم نحط ماسك الرز هيهدّي البشرة.


• ماسك الرز وحَبة البركة أستمر عليه أد إيه؟ وهل ينفع أعمله وأحفظه في التلاجة؟
ماسك الرز وحَبة البركة بيعملوا نتيجة هايلة أوي للتفتيح وعلاج الحبوب وبنستمر عليه من شهر لـ3 شهور، والماسك ده ما ينفعش نحفظه في التلاجة نهائي يعني لازم نعمله يوميا قبل الاستخدام مباشرة، كمان فيه وصفة تانية للرز هي إننا بنغلي 3 ملاعق رز في مقدار مية، وبعدين نصفّيه وناخد المية نحطها على بشرتنا مرتين أو 3 يوميا، وهيجيب نتيجة هايلة وهيخلّي البشرة صافية جدا، وده من الماسكات اللي ممكن نحتفظ بيها في التلاجة لمدة 3 : 4 أيام، وبنستعملها الصبح أو بالليل ونشطفها بعد 10 دقائق، هيجيب نتيجة هايلة ونقدر نحطه على أي منطقة سواء بشرة الوش أو بشرة الجسم.
م ن ق و ل
كاتب الموضوع : نفرتيتي
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

الحل النهائي في ثواني للسيليوليت وبقع البشرة مع خبيرة التجميل رانيا و أسئلة و أجوبة كتير :: تعاليق

موضوع رائع تسلم ايديكى
:نورتونى :
 

الحل النهائي في ثواني للسيليوليت وبقع البشرة مع خبيرة التجميل رانيا و أسئلة و أجوبة كتير

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: العنايه الكامله بالجسم والبشره والشعر :: العنايه بالبشره والجسم Skin and body Care-
انتقل الى: