وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 لمشمش لعلاج القشرة ومشكلات الشعر.. والزهرة الزرقا لتفتيح الجسم وبالفديو كمان

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
03092011
مُساهمةلمشمش لعلاج القشرة ومشكلات الشعر.. والزهرة الزرقا لتفتيح الجسم وبالفديو كمان


























عصير المشمش المجفف
هنجيب المشمش المجفف وننقعه في مية سخنة لمدة ساعتين، وبعدين نغليه ونسيبه في المية منقوع من بالليل لحد الصبح، وبعدين نضربه في الخلاط كويس أوي، وبكده نكون عملنا عصير مشمش مغذّي ولذيذ، بس طبعا لازم نراعي إننا ما نزوّدش كمية المية مع المشمش علشان يكون سُمكه حلو يعني لا سميك أوي ولا خفيف أوي.

العصير ده بيكون طعمه مختلف عن المشمش الطبيعي وكمان غير قمر الدين، وممكن لو ما ضفناش عليه سكر هيكون طعمه رائع.

ماسكات المشمش المجفف لأنواع الشعر المختلفة
المشمش من الحاجت اللي ممكن نستخدمها لمختلف أنواع الشعر بس باختلاف الإضافات اللي ممكن نضيفها علشان يبقى ملائم لكل أنواع الشعر، وكمان ممكن نضيف عليه إضافات علشان نعالج القشرة.

ماسك المشمش للشعر الجاف والتالف والمصبوغ
المقادير:


  • ملعقة صغيرة حمام كريم أو بلسم
  • مقدار من عصير المشمش المجفف


الطريقة:
هنخلط المكونات مع بعض ونقلّبهم كويس أوي، ونحط من الخليط على شعرنا من الجذور ولحد الأطراف، وهنسيبه لمدة 15 دقيقة وبعدين نشطفه بالمية فقط.

الماسك ده هيساعد على ترطيب الشعر جدا وتغذيته، وكمان هيدّي له لمعة قوية جدا ورونق وحيوية، وطبعا الماسك ده هينفع مع الشعر الجاف والتالف والمصبوغ




ماسك المشمش للشعر الدهني وعلاج القشرة
الماسك ده من الماسكات اللي ممكن نستخدمها للبشرة والشعر بنفس المكونات من غير ما نحط أي إضافات، ودي هتنفع للبشرة الدهنية والمركّبة والعادية، وكمان للشعر الدهني والشعر اللي فيه قشرة.

المقادير:





  • قطعة كبيرة خميرة بيرة
  • ملعقة كبيرة عسل نحل
  • 1/ 2 كوب عصير مشمش
  • 1/ 2 ليمونة


الطريقة:
هنقلب الخميرة مع العسل، وبعدين نحط عليهم عصير الليمون، ونقلّبهم كويس لحد ما الخميرة تدوب تماما، وبعدين نحط عصير المشمش.

هنغسل شعرنا كويس وناخد من الماسك ونحط على الجذور فقط، وممكن على الشعر بس مسحة خفيفة جدا، ونسيبه لمدة 15 دقيقة وبعدين نشطفه بالمية.

بالنسبة للبشرة هنحطه على بشرة نضيفة ونسيبه لمدة نصف ساعة أو أكتر، والماسك ده هيساعد الناس اللي عندها حبوب صغيرة على البشرة؛ لأنه بيزيلها وكمان بينعم وينشط وبيخلّي البشرة رايقة جدا.


دي شوية نصايح لكل عروسة عايزة تخس
من المعروف إن فيه أنواع من الأغذية والخضراوات والأكلات اللي بتساعد على حرق الدهون بشكل قوي وسريع، وطبعا أطباء التغذية عندهم المعلومات الأكيدة، ولكن أنا هحاول أساعدكم إننا نعرف الأغذية دي زي إيه.

يعني مثلا من الخضراوات اللي بتحرق الدهون: الباذنجان، والقرنبيط، والقرع العسلي، والكرنب، الحاجات دي بتساعد على الحرق جدا خصوصا لو عملنا منها شوربة.

وطبعا أنواع كتيرة من السلطات بتساعد على حرق الدهون خاصة لو فيها بقدونس وكرفس، وزي ما قلنا قبل كده في حلقة فاتت إننا ممكن نجيب بذور البقدونس والكرفس ونخلطهم ونغليهم ونشرب منهم يوميا مرتين أو ثلاثة أكواب، المشروب ده بجد هيساعد على حرق الدهون بشكل قوي جدا.

كمان من الخضراوات اللي بتساعد على الحرق زي الخس والخيار والجزر والطماطم والجرجير واللفت والكرات والهندباء، والعشبة دي بيكون فيه منها الفريش والمجفف.

ومن الفاكهة كمان اللي بتساعد في الحرق زي البرتقال واليوسفي والجريب فروت الأحمر والأصفر والتوت والبطيخ.








ماسك الطين والزهرة الزرقا لتفتيح الجسم
المقادير:


  • ملعقة صغيرة طين مغربي
  • قطعة كبيرة خميرة بيرة أو 3 ملاعق كبيرة خميرة جافة
  • ملعقة متوسّطة زهرة زرقا


الطريقة:
هندوّب الطين في شوية مية، وبعدين نحط قطعة الخميرة وندوّبها تماما لحد ما نحصل على خليط ناعم قوامه زي الشوربة اللزجة، وبعد كده نحط الزهرة الزرقا.

الماسك ده بنحطّه على الجسم كله بعد ما ناخد الشاور، وكمان على المناطق الحساسة ونسيبه لمدة 20 : 30 دقيقة وبعدين نشطفه بالمية، وبعدها نحط مرطبات على جسمنا زي مثلا زيت اللوز الحلو أو لبن بودرة وندوّبه في ميه وندهن به الجسم، ونسيبه ربع ساعة وبعدين نشطفه.

هنكرّر الماسك ده لمدة 3 أيام متتالية وبعدين نوقفه خالص؛ وده لأن الزهرة من الحاجات الشديدة على البشرة، وعلشان كده بنستخدمه على بشرة الجسم فقط ومش على الوجه؛ لأنه بيساعد على تفتيح وتنعيم البشرة، وبعدها هنبدأ نحط ماسكات مرطبة ومنعمة للبشرة.
كاتب الموضوع : مريم2899
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

لمشمش لعلاج القشرة ومشكلات الشعر.. والزهرة الزرقا لتفتيح الجسم وبالفديو كمان :: تعاليق

موضوع جميل اوى يا مريوم تحفه
 

لمشمش لعلاج القشرة ومشكلات الشعر.. والزهرة الزرقا لتفتيح الجسم وبالفديو كمان

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: العنايه الكامله بالجسم والبشره والشعر :: العنايه بالبشره والجسم Skin and body Care-
انتقل الى: