منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
روان
مشرفه عامه
مشرفه عامه
رقم عضويتك : 2672
عدد المساهمات : 11113
الاوسمه :
العمل/الترفيه : طالبه جامعيه
01092011



- أوّل حاجة بالنسبة للحلل؛ فأفضل حاجة إنك تجيبي حلل استانلس ستيل مصرية الصنع، كمان ونبتعد عن المنتجات الصينية إلا لو جودتها عالية، وكمان ممكن تستخدمي المنتجات التركية اللي جودتها عالية.

لكن عامة المنتجات المصرية هايلة جدا، وهتعيش معاكي لفترة طويلة؛ وفيه ماركات زي يونستيل أو 6 أكتوبر، ومهم جدا إن أي عروسة يكون عندها طقم استانلس قوي جدا، وبلاش الألومونيوم لأنه مضرّ بالصحة.

- بالنسبة لأسعار الاستانلس ستيل فهي أغلى من الألومونيوم، ولكن إحنا ممكن نكتفي فقط بالحاجات الضرورية جدا؛ يعني ممكن العروسة تجيب 6 حلل بأحجام متفاوتة للاستعمال العادي، وممكن تجيب معاهم حلة أو اتنين بأحجام أكبر، وده علشان تقدري تعملي كميات كبيرة لو عندك عزومات، أو علشان تستخدميها في تسييح الزبدة.

بالنسبة للحلل الصاج فهي كويسة، ولكن عيبها إنها لو اتقشّرت ما ينفعش نطبخ فيها تاني؛ لأن بكده الطبقة الداخلية بتظهر ودي بتكون غير صحية، ولو عندك حلل صاج يبقى ممكن تستخدميها في السلق فقط علشان تقدري تحافظي عليها فترة أطول.

- من الأطقم المهمة كمان هي الأطقم الحرارية؛ زي البايركس أو الأوركوبال أو البورسلين، والأطقم دي ميزتها إنها بتدخل الفرن، وشكلها بيبقى شيك لما تتحط على السفرة؛ لأن فيه منها الزجاجية أو الفخارية أو البورسلين، والأطقم دي مهم إن أي عروسة يكون عندها منها.

- مهم جدا لكل بنت إنها تشتري الحاجات الضرورية واللي هتستخدمها فقط؛ يعني بلاش تكتّري من أطقم الحلل بلا داعي؛ لأن ده بيسبب كركبة في المطبخ وبتكون غير مستخدمة؛ فالأفضل إنها تكتفي باللي هتستخدمه علشان مطبخها يكون رايق وبسيط وشيك، يعني زي ما قلنا نكتفي بالطقم الاستانلس وأطقم الأركوبال والبايركس فقط.

- بالنسبة لأطقم الصيني طبعا كل بنت بتجيب من الأطقم دي وبتكون غالية جدا، وبنخلّيها مرصوصة في النيش بدون استخدام علشان الضيوف، وأنا بانصح كل عروسة إنها تستخدم الأطقم دي، وتنوّع ما بينهم في بيتها وتعمل شكل من التجديد والتغيير؛ يعني مثلا كل شهر تغيّر من شكل مطبخها، وترص طقم جديد من الأطقم اللي عندها علشان تكون استخدمت كل حاجة هي جايباها.

- لو عندك أطقم غالية، وخايفة تستخدميها علشان ماتتكسّرش ممكن إنك تستخدميها في المناسبات والأعياد؛ وده أكيد هيعمل روح جديدة في جو البيت.

- احرصي كمان إنك تجيبي من الأطباق اللي بتكون كبيرة وشكلها مختلف زي الأطباق البيضاوية أو المربعة، واحرصي إنها تكون بألوان فاتحة وزاهية.

- بالنسبة للكاسات كمان حاولي تغيّري وتجدّدي في أشكالها، والأهم من ده إنك تستخدميها سواء للميه أو للعصاير، وتقدّميها لأولادك ولزوجك وليكي؛ لأنكم أَوْلى الناس باستخدام كل ما هو شيك وغالي.

- من الحاجات المهمة جدا اللي لازم نهتم بيها هي فوط المطبخ؛ لأن فيه ناس بتستخدم حاجات غير لائقة للمطبخ، ودي طبعا بتكون حاجة مش لطيفة نهائي، وأنا بانصح كل بنت تحرص على شراء كمية مناسبة من الفوط الخاصة بالمطبخ وتخلّيها للاستخدام اليومي، وتيجي في آخر اليوم تغسلها وتسيبها لحد ما تنشف، ولازم طبعا كل فترة نجمع الفوط دي ونغسلها في الغسالة؛ علشان تكون دايما نظيفة، وريحتها حلوة، وجاهزة للاستخدام في أي وقت.


مع التحيه

لا تنسوا التقييم
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

جامد جدا الموضوع وبجد استفدت منه كتير
[ندعوك للتسجيل في المنتدى أو التعريف بنفسك لمعاينة هذه الصورة]
avatar
الله موضوع مهم جدا لكل بنوته عروسه

شكرا ليكي يا قمر
:بارك الله فيك: وربنا يسعد يارب حبيبة قلبى
تسلم ايديك على الموضوع حلو كتير وجزاكى الله كل خير
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى