منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
المتواجدون الآن ؟
ككل هناك 24 عُضو متصل حالياً :: 0 عضو مُسجل, 0 عُضو مُختفي و 24 زائر :: 2 عناكب الفهرسة في محركات البحث

لا أحد

أكبر عدد للأعضاء المتواجدين في هذا المنتدى في نفس الوقت كان 1001 بتاريخ 24.03.13 0:13

ماسكات للتخلص من المسام الواسعه

صفحة 2 من اصل 5 الصفحة السابقة  1, 2, 3, 4, 5  الصفحة التالية

استعرض الموضوع السابق استعرض الموضوع التالي اذهب الى الأسفل

01092011

مُساهمة 

default ماسكات للتخلص من المسام الواسعه





أسباب المسام الواسعة
المسام الواسعة دي ممكن تكون طبيعة في البشرة، أو ممكن تظهر نتيجة للحبوب الموجودة في البشرة وعلاجها بطريقة مش صحيحة، وممكن كمان من استعمال الماكياج الكتير بطريقة خاطئة؛ وده لأن فيه بنات وهي بتحطّ الماكياج بتضغط على بشرتها جامد بالأسفنجة، وده بيسبب المسام الواسعة مع الوقت.

من الحاجات المعروفة جدا والمفيدة للمسام الواسعة هي الطماطم، ودي بتعتبر قابض هايل للمسام.

لوسيون البرتقال والليمون
من الحاجات المفيدة كمان للمسام الواسعة هو لوسيون البرتقال والليمون، وده لوسيون هايل علشان تحصلي على بشرة زي الأطفال، وكمان بيدي نصف أو ربع درجة أفتح للبشرة، واللوسيون ده عبارة عن:


المقادير:

* برتقالة
* ليمونة
* كوب ماء


الطريقة:
هناخد بشر البرتقال والليمون ونخلطهم سوا، ونحطّهم مع المية على النار لحد ما يغلوا؛ بحيث إن كوب الماء يقل النصف بعد الغليان.

بعد كده هنصفّي اللوسيون ده ونحطّه في برطمان زجاج، ونخلّيه في الثلاجة لمدة 4 : 5 أيام، ونستعمل منه كل يوم بالليل قبل النوم، أو ممكن بالنهار بس طبعا ما نتعرّضش به للضوء المباشر أو الشمس أو البخار.

واللوسيون ده بيرطّب البشرة جدا وبيغذّيها وقابض هايل للمسام.

كمان من الحاجات القابضة للمسام الواسعة هي مية البنجر، ودي طريقتها إننا بنسلق البنجر، وبعد كده بناخد المية وبنستعملها للمسام، ودي بتكون مفيدة جدا.


ماسك الأرز يقبض المسام ويُفتِّح البشرة
الماسك ده ليه طريقتين: إما بنخلط الرز مطحون مع مية ونسوّيهم على النار زي المهلبية، أو بناخد ملعقة رز عادية على كوب ماء صغير وبنغليهم على النار لمدة 15 : 20 دقيقة وبعدين نصفّيه، وهيطلع سائل لزج ونحطّه في برطمان زجاج، وممكن نخلّيه في التلاجة لمدة من 4 : 5 أيام، ونستعمل منه يوميا، وده بينعم البشرة جدا وبيفتّحها وقابض هايل للمسام.

مكعبات الثلج بالخيار
فيه حاجة كمان ممكن نعملها للمسام الواسعة هي مكعبات التلج، بس تكون من مواد معينة؛ يعني مثلا ممكن نعمل مكعبات تلج من عصير الخيار ونستعمله يوميا، أو ممكن ماسك الليمون والمية وحبوب اللقاح وده عملناه في حلقة فاتت، بس أنا مش بانصح إننا نحط ماسكات متلجة على البشرة في فترة الصبح؛ يعني ممكن نحطّها ساقعة لكن مش متلجة، ونخلّي المكعبات دي بالليل بعد ما تكون البشرة اتعرّضت للشمس والإجهاد، وكمان نحاول قبل ما نحط عليها المكعبات إننا نعرّضها لكمية مية كتيرة؛ زي مثلا إننا ناخد شاور أو نغسل وشنا كتير؛ لأن ماينفعش تكون البشرة سخنة أو دافية من الشمس ونعرضها فجأة للتلج.



روتين استخدام ماسكات المسام الواسعة
أهم حاجة إننا ماينفعش نستخدم كل الماسكات دي مع بعض؛ يعني هنختار ماسك واحد ونستمر عليه.

بالنسبة للمرأة العاملة أو الطالبة ممكن تستخدم ماسك الرز أو الخيار أو مية الورد لو هتحط منه الصبح، لكن ماتستخدميش الليمون؛ وده لأن ماسك الرز بيجف بسرعة على البشرة، وبيكون سهل وسريع إننا نعمله الصبح، وبعد كده تقدر تحط ماكياج خفيف قبل ما تنزل.

بالنسبة للماسكات اللي ممكن نحطها بالليل هيبقى ماسك الليمون أو الطماطم أو البنجر، وده طبعا علشان ماينفعش نتعرّض بيهم للضوء زي ما قلنا.

الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

ماسكات للتخلص من المسام الواسعه :: تعاليق

مُساهمة في 02.09.11 23:31 من طرف nada tamer

هو مسك اللوسيون ده بناخد قشر البرتقال واليمون بس صح؟؟

الرجوع الى أعلى الصفحة اذهب الى الأسفل

مُساهمة في 02.09.11 23:33 من طرف روان

اها القشر بس نبشره بالمبشره وناخده نحطه جوه المايه ونغليه

الرجوع الى أعلى الصفحة اذهب الى الأسفل

مُساهمة في 03.09.11 20:39 من طرف nada tamer

شكرا اوى ي قمر بس كنت عايزه اسءلك ع حاجه انا عندى الحبوب فى وشى بتسيب اثر وبتعمل بقع سواد وبشرتى دهنيه اوى وكنت
عايزه حل سريع عشان عندى فرح وشفت اعلان فى التليفزيون عن غسول كلين كلير
للحبوب السوادء ياترى ده كويس ولا لا؟؟

الرجوع الى أعلى الصفحة اذهب الى الأسفل

مُساهمة في 04.09.11 23:19 من طرف روان

@nada tamer كتب:شكرا اوى ي قمر بس كنت عايزه اسءلك ع حاجه انا عندى الحبوب فى وشى بتسيب اثر وبتعمل بقع سواد وبشرتى دهنيه اوى وكنت
عايزه حل سريع عشان عندى فرح وشفت اعلان فى التليفزيون عن غسول كلين كلير
للحبوب السوادء ياترى ده كويس ولا لا؟؟

بصي يا قمر انتي هتجيبي المرهم دا من الصيدليه تحطيه علي اثار الحبوب فقط مش الحبوب
Contractubex
سعره تقريبا ب 12جنيه

اانا الصراحه مش بحب كلين اند كلير لان بشرتي مركبه ويعني معنديش دهون
فبيشد وشي اوي
انما انا اعرف كذا واحده بشرتها دهنيه واستخدمته وشكرت فيه


الرجوع الى أعلى الصفحة اذهب الى الأسفل

مُساهمة في 05.09.11 1:08 من طرف كليوباترا

فعلا يا جماعه ربنا يجازيكي خير يا روان انا جربت المرهم تحفه ربنا يكرمك يارب

الرجوع الى أعلى الصفحة اذهب الى الأسفل

صفحة 2 من اصل 5 الصفحة السابقة  1, 2, 3, 4, 5  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى