حمااااااااااااتي

استعرض الموضوع السابق استعرض الموضوع التالي اذهب الى الأسفل

avatar
sweetmannga
اميره برونزيه
اميره برونزيه
رقم عضويتك : 5636
عدد المساهمات : 1291
الاوسمه :

مُساهمةsweetmannga


هاااااي يا اميرات كل رمضان وانتو طيبين وينعاد عليكم بالخير انشاءللة انا كنت عايزة اقتراحتكم اصل عندي عزمة غدا لاهل خطيبي ومش عارفة اعملهم اكل اية عايزة حاجة جديدة وسهلة فكروا معاية ووروني اقتراحتكم اه نسيت اقولكم فكرولي كمان في التحلية اللي بعد الغدا ههههههههه معلش بقي اصلي غرقانة في شبر مية شكرا ليكم

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

حمااااااااااااتي :: تعاليق

avatar
مريم2899
اميره مرشحه للاشراف
اميره مرشحه للاشراف
عدد المساهمات : 522
الاوسمه :
العمل/الترفيه : بدرس

مُساهمة في 29.08.11 16:33 من طرف مريم2899

انتى ممكن تعملى سمك بانيه مع صوص تارتار

والطريقه :

سمك بانيه مع صوص تارتار
المقادير:


  • 1/ 2 كيلو شرائح سمك فيليه
  • 2 ملعقة كبيرة ثوم مفروم
  • 1/ 2 كوب عصير ليمون
  • كوب بقسماط
  • 1/ 2 كوب لبن
  • ملح وكمون
  • كوب دقيق
  • بهارات
  • بيضة


مقادير صوص التارتار:


  • 1/ 2 كوب مايونيز
  • 1/ 4 كوب خيار مخلل مقطّع صغير
  • بيضة مسلوقة ومهروسة
  • ملعقة صغيرة سكر
  • ملعقة صغيرة خل
  • ملح


الطريقة:
1- اخلطي الثوم والملح والكمون والبهارات وعصير الليمون مع بعض، وتبّلي فيهم السمك بعد ما تغسليه كويس، وسيبيه في التتبيلة لمدة ساعتين.

2- غطّي شرائح السمك بالدقيق.

3- اخلطي البقسماط مع البيض واللبن، وممكن تتبليهم بشوية ملح وفلفل، وغطّي السمك بالخليط ده، وبعد كده اقليه في الزيت؛ لغاية ما يبقى لونها دهبي.

4- لتحضير صوص التارتار، اخلطي كل المكونات مع بعضها، وشيليها في الثلاجة شوية، وبعد كده قدّميها مع السمك، وممكن تزيّنيها بشرايح الليمون.





والحلو ممكن تعملى بسبوسه او كنافه او ام على انتى ومزاجك وممكن تعملى

كريب بالفاكهه



والطريقه :





كريب بالفاكهة
المقادير:


  • 3 بيضات
  • 1/ 4 كوب زبدة سايحة
  • 1/ 2 ملعقة فانيليا
  • 1/ 2 لتر لبن دافئ
  • كوب ونصف دقيق
  • 1/ 2 ملعقة ملح
  • 1/ 2 كوب سكر
  • 1/ 4 كوب زيت


الطريقة:
1- اضربي البيض بالمضرب الكهربي على السرعة الأولى لغاية ما يبقى سائل، وبعد كده ضيفي عليه الملح والفانيليا، وبعد كده زوّدي سرعة المضرب، وابدئي في إضافة الزيت بشكل تدريجي، وبعد كده ضيفي الزبدة تدريجياً، وبعد كده ضيفي السكر بالراحة مع استمرار الخفق لغاية ما تتأكدي إن كل المكوّنات ذابت مع بعضها تماماً.

2- بعد كده وقّفي المضرب، وضيفي كل كمية الدقيق على الخليط، وبعد كده شغّلي المضرب مرة تانية على السرعة الأولى؛ لغاية ما الدقيق يمتزج تماماً مع العجينة، وبعد كده ابدئي في إضافة اللبن الدافئ تدريجياً، واضربي المكونات مع بعضها كويس جداً؛ علشان تتأكدي إن مافيش فيه أي تكتلات، وبعد كده صفّيه بالمصفاة، وسيبي العجينة على جنب لمدة 15 دقيقة.

3- بعد كده هاتي طاسة، وحطّي فيها طبقة رقيقة جداً من الزيت، وامسحي أي زيادة من الطبقة الدهنية بالمنديل، وسخني الطاسة على النار، وبعد كده افردي عليها طبقة رقيقة جداً من عجينة الكريب؛ بحيث ما يزيدش سمكها عن 1/ 4 سم.

4- حطي الكريب على النار لغاية ما العجينة تتماسك، ومش هتاخد منك أكتر من دقيقة، وبعد كده اقلبيها على الناحية التانية علشان تاخد لون، وبعد كده ارفعي الكريب من الطاسة وكرري نفس الطريقة مع باقي الكمية.

5- احشّي الكريب بأي خليط فاكهة عندك، زي الخوخ أو الفراولة أو الموز، وممكن تخلطيهم مع بعض وتحشي بهم الكريب، وعند التقديم ممكن تقدّمي معاه صوص شيكولاتة



وابقى قولى لى ايه اللى حصل فى العزومه وهيعجبها الاكل ولاايه؟؟؟؟؟؟؟؟؟؟؟؟
روان
مشرفه عامه
مشرفه عامه
رقم عضويتك : 2672
عدد المساهمات : 11113
الاوسمه :
العمل/الترفيه : طالبه جامعيه

مُساهمة في 29.08.11 16:54 من طرف روان

http://www.wasafatcleopatra.com/t18056-topic

اعمليلهم البصل دا مع الاكل كنوع من المقبلات

واعملي تبوله لبناني او فتوش
اطباق مقبلات مع الاكل العادي

الحلو ممكن تعملي كرات الشيكولاته

انك تعملي كيكه اسفنجيه تخبزيها وتطلعيها تبرد
وتقطعيها حتت صغيره جدا وتعجني لسفنج
لحد ما يبقي طري كدا وتحطي عليه كريمه وتعجنيه كويس وممكن تعجني جواه مكسرات برده بس مش كتير اهم حاجه الكريمه مع العجينه

وتكوريهم كور كدا وتغطسيهم جوا شيكولاته سايحه عملاها في حمام مايه
وترشي عليها شيكولاته فارماسيه

بتبقي رووووووووعه
مع الشاي او البيبسي
avatar
sweetmannga
اميره برونزيه
اميره برونزيه
رقم عضويتك : 5636
عدد المساهمات : 1291
الاوسمه :

مُساهمة في 29.08.11 17:11 من طرف sweetmannga

تسلم ايدكم يابنات علي فكرة ياروان انا فكرت اعمل البصل دة وكمان فكرت في الكيكة اللي بالشيكولاتة دي تقريبا انت قريتي افكاري هههههههه شكرا كتير ليكم
روان
مشرفه عامه
مشرفه عامه
رقم عضويتك : 2672
عدد المساهمات : 11113
الاوسمه :
العمل/الترفيه : طالبه جامعيه

مُساهمة في 29.08.11 17:18 من طرف روان

sweetmannga كتب:تسلم ايدكم يابنات علي فكرة ياروان انا فكرت اعمل البصل دة وكمان فكرت في الكيكة اللي بالشيكولاتة دي تقريبا انت قريتي افكاري هههههههه شكرا كتير ليكم

هههههههه سبحان الله القلوب عند بعضها
ممكن كمان تعملي سمبوسه بالموزيريلا والزتون الاسود والفلفل تجنن
وكمان تجيبي عجينه الكانيلوني او تعمليه في البيت

استعرض الموضوع السابق استعرض الموضوع التالي الرجوع الى أعلى الصفحة

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى