منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
avatar
فاطمة الزهراء
اميره فضيه
اميره  فضيه
رقم عضويتك : 2609
عدد المساهمات : 4841
الاوسمه :
23082011


طبعا العيد قرب ومافيش عيد من غير حلوياته ومننا الى بتعمله فى البيت والى بتشترىه جاهز

وبالنسبه للعمايل فى البيت ففى طرق ومقادير مختلفة وكتير جدا

ايه رأيكم كل واحده تعمل حاجه تنزلنا طريقتها والصور كمان

وانا ان شاء الله حبدأ بكره وكل ماعمل حاجه حنزلكم الصور والطريقه باذن الله
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

avatar
يارب يخليكي يارب يا احلي فطومه بصراحه موعودكزش بعتمد علي ماما ومش بعمل بصراحه تسلمي يا رب يا حبيبتى انا عارفه ان حجتك تحفه يمكن اتشجع واقلدكم وتبقي اول سنه اعمل يارب يخليكي لينا يارب
avatar
ربنا يخليكى يارب يا كليوباترا
انا عن نفسى لما بكون فى مصر باعتمد على ماما لكن هنا مين الى حيعملى لازم اعتمد على نفسى
انا انهارده بعمل البتى فور ادعولى يتظبط ويطلع حلو لحسن انا معوده الناس هنا انى ادوقهم وحيبقى شكلى وحش قوى لو ماطلعش حلو
ان شاء الله اول ما اخلص حنزلكم صوره وطريقته باذن الله
يالا الى عملت حاجه تقولنا عملتها ازاى يا اميرات
avatar
هو مافيش حد غيرى عمل ولا ايه يابنات

على العموم انا الحمد لله عملت البيتى فور ومبدئيا هو شكله طلع حلو بس الاهم طبعا هو الطعم وانا اكيد لسه مادوقتش فربنا يستر

طريقتى الى عملته بيها

المقادير

نص كيلو زبده

كوب وربع سكر بودره

4 بياض بيض

4 اكواب دقيق
بس انا زودت شويه المره دى لان الجو كان حر والزبده سايحه فزودت عشان العجينه تكون متماسكه شويه واعرف اقطعها

ولو عايزه تعملى بالشوكولاته حتقليلى كمية الدقيق شويه وتستبدليه بالكاكاو

الطريقه

بمضرب البيض نضرب الزبده مع السكر كويس جدا المفروض بمضرب البيض الكهربائى بس لو بتاعك اتحرق زى بتاعى اعمليه باليدوى زى مانا عملت بس حيتعبك شويه وبعدين نضيف بياض البيض بيضه بيضه ونضرب
وبعدين نضيف الدقيق ونعجن بايدنا

نحط العجينه فى التلاجه شويه عشان تكون متماسكه وانا بقطعها وبعدين اطلعها واقطعها

لو عندك المكنه ولو مافيش زى حلاتى ممكن تعمليه ببتاعة الكريم شانطيه ولو انكسرت منك زى حلاتى ممكن تقطعيها بقطعات البسكوت او تشكليها بايدك زى ماعملت

تحطيها فى الفر ن على درجة حراره 160 _ 180 درجة مئوية
وتعرفى انه استوى لما تقلبيه وتلاقيه لونه احمر شويه من تحت هو لونه مابيغيرش جامد من فوق

وتسيبيه فى الصينيه لحد مايبرد وبعدين تشيليه هو فى الاول بيكون طرى شويه وبعدين بينشف والخطوه دى مهمه جدا فى الغريبه كمان لانك لو شلتيها سخنه حتتفرول فى ايدك

لما يبرد ترصيه فى علبه بلاستك محكمة الاغلاق عشان مايطراش منك

الصور ان شاء الله انزلهالكم حالا



عدل سابقا من قبل فاطمة الزهراء في 24.08.11 18:52 عدل 1 مرات
avatar
صورته اهيه

[img] [/img]
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى