منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
روان
مشرفه عامه
مشرفه عامه
رقم عضويتك : 2672
عدد المساهمات : 11113
الاوسمه :
العمل/الترفيه : طالبه جامعيه
11072011
لا احلل لاي شخص كان نقل موضوعي دون ذكر المصدر واسم صاحبه الموضوع والله علي ما اقول شهيد






الاهتمام بالبشره اثناء الريجيم

هنستخدم مرطب مره الصبح ومره بليل
والمرطب الملائم لفتره الريجيم هو الزيوت
وهناك نوعين لينا حريه الاختيار بينهم
زيت اللوز الحلو أوزيت الجوجوبا
وهتستخمي ماء الورد كتونر للوجه
ولما تجي تغسلي وشك هيتغسل من تحت لفوق علشان التجاعيد متظهرش

اختيارك للصابون
اما بيكون صابون طبي او صابون قلويته قليله
علشان يحافظ علي نسبه الماء في الجلد
وبنظبط موضوع المايه في الوش باننا كل يوم نجيب
شويه ماء مقطر عليهم خل تفاح نرجهم كويس جدا
ونشطف بيهم الوجه مع الاستمرار علي ذلك يوميا
وبلاش نكتر من خل التفاح
والمايه المقطره من الصيدليه وسعرها 4 جنيه
وزجاجه كبيره هتقعد معاكي كتير

المرطب اليومي الملائم لكل انواع البشره خلال فتره الصيف
دا بيحمي البشره من الجفاف وبيظبط نسبه الدهون برده
وبنعمله من عسل ابيض
لبن حليب
زيت لوز حلو
والطريقه نعمل بالترتيب بلاش نلخبط المقادير مره واحده
هنجيب 3 معالق صغيره عسل نحل
ملعقه صغيره لبن سائل
وهبتدي اقلبهم لحد ما احس انه عامل زي الكريم شويه
وبعدين احط نص معلقه صغيره زيت لوز حلو
واقلب كويس جدا
الاستخدام هنغسل وشنا بمايه فاتره لا بارده ولا سخنه
واحطه علي الوش من تحت لفوق ومنطقه الجبهه من جوه لبرا بطول الحاجب
ويترك من ربع الي ثلث ساعه وبعدين نغسل بماء فاتر ونجفف بالمنشفه عن طريق الطبطبه
ودا مرطب للنهار والليل يعني بيستخدم مرتين

وصفه لتجاعيد العينين
زيت جنين القمح بنبل صوابعنا بالزيت ونبتدي
ندهنه بالطبطبه من بره لجوه مش من جوه لبره
من اخر الحواجب نبتدي يعني

ازاي نعرف ان الزيت دا اصلي ولا مغشوش
نجيب نقطتين منه وندهن علي كف الايد او ورا الاذن
ونسيبه 24 ساعه لو محصلش حساسيه يبقي نوعه كويس

وصفه لازاله خطوط العين والهالات السوداء
هنجيب خيار ونحطه في عصاره الجزر
ولو معندكيش عصاره جزر بتحطي الخيار بقشره مع شويه مايه صغيرين
او تديه لعصاره القصب يعصرهولك
وبعدين نصفي العصير اللي طلع منه
ونحطه في طبق زجاج ونقطع جواه قطن مدور
ونسيبه في الفريزر خمس ساعات


وصفه لازاله الماكياج

قطنه مشبعه بلبن حليب

طرق دهان اللوشن والمرطبات والماسكات بجميع انحاء الجسم
الوجه من تحت لفوق
والرجل والايد من تحت لفوق
البطن بحركات دائريه
والظهر من تحت لفوق
ويفضل استخدام اللوشن بعد الشاور
لان الطريقه دي بتقلل التجاعيد وظهورها وتخلي المستحضر اكثر فاعليه

دي فديوهات بتوضح الشرح المكتوب فوق




متجدد باستمرار تابعي بالاسفل
حصري مع وصفات كليوباترا
لو عجبكم متنسوش التقييم
روان


عدل سابقا من قبل روان في 13.07.11 1:39 عدل 3 مرات
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

غسول الشوفان

شوفان مطحون + لبن بودرة مع قليل من الماء ، لغسل الوجه بالكامل ما عدا المنطقة المحيطة بالعينين ، وعلى صاحبات البشرة الحساسة
الحذر وعدم الفرك بقوة منعاً لخدوث أي التهابات

اسكراب للجسم
اخلطي ترمس مطحون + شوفان + لبن حليب وقومي بعمل مساج للجسم كله

لعلاج تقصف الشعر
اهرسي ثمرة أفوكادوا بعد تقشيرها وامزجيها مع زيت جنين القمح لعمل ماسك على الشعر.

تراجع الشعر للخلف وتساقطه من منطقة الغرة
يمكن علاجه باستخدام زيت الجرجير ، ولكن رائحته غير مرغوب فيها ويجفف الشعر، وفاعليته تكمن فى قدرته على إنبات الشعر وزيادة كثافته ، مع الحرص على وضعه على فروة الرأس فقط لانه يجعل الشعر جاف

جل طبيعي للشعر بدون إضافات كيميائية لتفادي سقوط وجفاف الشعر
وذلك باستخدام بعض المواد
- جيلاتين من العطار (ويكون على هيئة رقائق شفافة) يذاب فى قليل من الماء مع نقطتين من الريحان ونتركه قليلاً إلى أن يغلظ قوامه ، ومن الممكن إضافة
فيتامين E ، لأنه يحافظ على الشعر ،مع مراعاة عدم الاحتفاظ به لمدة كبيرة
فى الثلاجة

للقضاء على النمش الناتج عن أشعة الشمس

استخدمي زيت اللوز الحلو على الوجه من أسفل إلى أعلي مع الإسكراب ، كما يتطلب الأمر الوقاية من أشعة الشمس أثناء وضع الكريم أو الزيوت على البشرة.

الهالات السوداء
يمكن علاجها بزيت جنين القمح ، من الخارج إلى الداخل بطريقة بحرف "د".

ينصح حسام المراغي العروس بعمل الماسكات قبل الفرح بمدة كافية للحصول على
بشرة نقية ونضرة
مؤكداً على ضرورة تجربة أى قناع على اليدين أو خلف
الأذن حتى لا يسبب حساسية للجلد ، وأهم شئ تحتاجه العروس
1 – ساونا لتفتيح المسام
2
– سكراب للجسم كله عن طريق خلط ماء الورد مع الترمس المطحون ، ويوضع على الجسم من أسفل إلى أعلي ، ويوضع على البطن والأجناب بطريقة دائرية ، ويمكن الاستعانة باللوفة المغربية ثم شطف الجسم كله بالماء، ويفضل عمل هذا قبل إزالة الشعر الزائد.

يمكنك غسل وجهك بماء النعناع أو الخس يومياً

كالفرنسيين اللذين اشتهروا باستخدام مغلي نبات الخس واستخدام منقوعة لغسل الوجه لتنقيته وتخليصه من الحبوب

تابعي معنا باستمرار
avatar
avatar
موضوعك جميل ما شاء الله تم التقيم يا روان
@دوده كتب:موضوعك جميل ما شاء الله تم التقيم يا روان

تسلم مرورك
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى