منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
المتواجدون الآن ؟
ككل هناك 44 عُضو متصل حالياً :: 1 أعضاء, 0 عُضو مُختفي و 43 زائر :: 2 عناكب الفهرسة في محركات البحث

randanagwa

أكبر عدد للأعضاء المتواجدين في هذا المنتدى في نفس الوقت كان 1001 بتاريخ 24.03.13 0:13

تعالى اقولك ازاى تصبغى هدومك من غير ما تروحى للمصبغة

صفحة 6 من اصل 10 الصفحة السابقة  1, 2, 3, 4, 5, 6, 7, 8, 9, 10  الصفحة التالية

استعرض الموضوع السابق استعرض الموضوع التالي اذهب الى الأسفل

03072011

مُساهمة 

default تعالى اقولك ازاى تصبغى هدومك من غير ما تروحى للمصبغة




السلام عليكم


ازيكم حبايب قلبى
اوقات كتير بنجيب هدوم زى مثلا بناطيل جينز اسود او جيبة سودة وتحسى من كتر الغسيل ان لونها باهت واجرب كدة وانتى بتحبى الجيبة دى او البنطلون وبترتاحى فيها فتزعلى انها قدمت واوقات كتير يقع عليها بقعة مش تطلع ابدا وتحاولى وتكون البلوزة او البنطلون جديد وبرضه هتضطرى ترميه او هتوديه المغسلة عشان تصبغيه
انا بقى كنت كدة لحد ماعرفت اصبغ لنفسى الهدوم اللى احب انها مش تقدم ابدا او تكون جديدة ويكون وقع عليها بقعة صعبة انها تطلع خليكم معايا هقولكم المكونات اللى هتحتاجوها فى صبغ اى حاجة هى بسيطة وسهلة خالص واوفر ميت مرة من المغسلة وهما مش بقول بينضفوا زى الاول كويس ولا بيصبغوا حلو زى زمان فليه انتى هتعملى كل حاجة على ايدك

يلا بينا نبتدى


تجيبى حلة كبيرة زى الغلاية مثلا
لو هتصبغى بنطلون تجيبى ليه مثلا ب 3 جنيه صبغة سودة او ازرق او كحلى اى لون زى ما تحبى والكمية دى كفاية
تملى ايدك بس ايد واحدة زى كبشة كدة ملح
وتجيبى 2 كوب او 3 كوب خل ابيض عادى



تجيبى الحلة وتمليها ميه لحد الاخر وتسيبيها تغلى على النار تغلى جامد وبعدين تحطى الصبغة وتفضلى تقلبى ان شاء الله هاتى حتى عصاية او خشبة وقلبى بيها وبعدين حطى الملح اد كبشة ايدك كدة وقلبى كمان بس طبعا تحطيهم بعد الغليان
وبعدين تنزليها من على النار وتجيبى البنطلون طبعا لازم يكون نضيف وتحطيه فى الميه اللى بالصبغة وتفضلى تقلبى بالخشبة اللى فى ايدك وتقلبى على الجهتين وتسيبيه منقوع بس لازم تقلبيه فى كل الاتجهات وتسيبيه منقوع زى مثلا ساعتين او 3 ساعات
بعدين تكونى محضره جردل ميه وتحطى فيها الخل كوبيتين او 3 وتحطى البنطلون فيه وتسيبيه ساعيتن برضه منقوع عشان الخل يثبت لونه وميصبغشى ولا يعك ايدك فى البس بعد كدة الخل بقى هيثبت اللون فى الاول بس هينزل اللون فى اول غسلة بعد كدة خلاص
وبعد الساعتين تاخدى البنطلون وتملى جردل ميه تانى نضيفة وتغسلى البنطلون فيها كويس اوى لحد ما ينزل اللون منه ولحد ما الميه تبقى بيضة
وبعدين تاخديه وتنشريه وبعدين اتفرجى بقى هتلاقى البنطلون رجع احسن كمان من الاول
اه صحيح لما يكون فيه خرز ولا شغل فى البنطلون او الزراير حديد ابقى الزقيها بشيكرتون اللى هو اللزق البلاستيك اللى بيبقى لونه ابيض وازرق اللى بيتغلف بيه سلوك الكهرباء عشان الصبغة بتخلى الحديد يصدأ
كمان انا مش جربت اصبغ حرير او ستان بس صبغت القماش والجينز وشنطة من شنطى بس كانت النتيجة حلوة اوى

وهى دى بس الطريقة سهلة وبسيطة لو حد عايز يسأل فى اى حاجة انا معاكم اهو ولو حد عايزنى اجى اصبغها ليه من عينيا الاتنين ههههههههههههههههههه انا اصلا بفكر افتح مغسلة ومصبغة ههههههههههههههه
وبوسة لحبايب هارتىىىىىىىىىىىىىىىى

الموضوع من مجهود شخصى ولا احلل لاى شخص كان نقل موضوعى دون ذكر المصدر واسم صاحبة الموضوع




عدل سابقا من قبل emy ghanem في 26.07.11 17:29 عدل 1 مرات

الرجوع الى أعلى الصفحة اذهب الى الأسفل

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعالى اقولك ازاى تصبغى هدومك من غير ما تروحى للمصبغة :: تعاليق

مُساهمة في 10.07.11 23:31 من طرف Mai Hassan

لو سمحتي ممكن تقوليلي المكان اللي أقدر أشتري منه الصبغة

الرجوع الى أعلى الصفحة اذهب الى الأسفل

مُساهمة في 11.07.11 15:23 من طرف emy ghanem

من عطار نضيف تكونى واثقة انه مش بيغش منتجاته اصل مرة جبت صبغة ومش كانت حلوة زى اللى بجيبها فأنتى خلى بالك وابقى طمنينى عملتى ايه ولو حابة تسألى فى حاجة تانى معااااااااااااااكى وتحت امرك حبيبة قلبى

الرجوع الى أعلى الصفحة اذهب الى الأسفل

مُساهمة في 11.07.11 15:38 من طرف manyensh

جزاكى الله خيرا
فكره جامده موت

الرجوع الى أعلى الصفحة اذهب الى الأسفل

مُساهمة في 11.07.11 15:40 من طرف emy ghanem

نورتينى وانا مبسوطة انها عجبتك حبيبتى ومتحرمنيش من طلتك على مواضيعى

الرجوع الى أعلى الصفحة اذهب الى الأسفل

صفحة 6 من اصل 10 الصفحة السابقة  1, 2, 3, 4, 5, 6, 7, 8, 9, 10  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى