منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى

تعالى اقولك ازاى تصبغى هدومك من غير ما تروحى للمصبغة

صفحة 4 من اصل 10 الصفحة السابقة  1, 2, 3, 4, 5, 6, 7, 8, 9, 10  الصفحة التالية

استعرض الموضوع السابق استعرض الموضوع التالي اذهب الى الأسفل

emy ghanem
اميره فضيه
اميره  فضيه
رقم عضويتك : 9301
عدد المساهمات : 4048
الاوسمه :

مُساهمةemy ghanem

السلام عليكم


ازيكم حبايب قلبى
اوقات كتير بنجيب هدوم زى مثلا بناطيل جينز اسود او جيبة سودة وتحسى من كتر الغسيل ان لونها باهت واجرب كدة وانتى بتحبى الجيبة دى او البنطلون وبترتاحى فيها فتزعلى انها قدمت واوقات كتير يقع عليها بقعة مش تطلع ابدا وتحاولى وتكون البلوزة او البنطلون جديد وبرضه هتضطرى ترميه او هتوديه المغسلة عشان تصبغيه
انا بقى كنت كدة لحد ماعرفت اصبغ لنفسى الهدوم اللى احب انها مش تقدم ابدا او تكون جديدة ويكون وقع عليها بقعة صعبة انها تطلع خليكم معايا هقولكم المكونات اللى هتحتاجوها فى صبغ اى حاجة هى بسيطة وسهلة خالص واوفر ميت مرة من المغسلة وهما مش بقول بينضفوا زى الاول كويس ولا بيصبغوا حلو زى زمان فليه انتى هتعملى كل حاجة على ايدك

يلا بينا نبتدى


تجيبى حلة كبيرة زى الغلاية مثلا
لو هتصبغى بنطلون تجيبى ليه مثلا ب 3 جنيه صبغة سودة او ازرق او كحلى اى لون زى ما تحبى والكمية دى كفاية
تملى ايدك بس ايد واحدة زى كبشة كدة ملح
وتجيبى 2 كوب او 3 كوب خل ابيض عادى



تجيبى الحلة وتمليها ميه لحد الاخر وتسيبيها تغلى على النار تغلى جامد وبعدين تحطى الصبغة وتفضلى تقلبى ان شاء الله هاتى حتى عصاية او خشبة وقلبى بيها وبعدين حطى الملح اد كبشة ايدك كدة وقلبى كمان بس طبعا تحطيهم بعد الغليان
وبعدين تنزليها من على النار وتجيبى البنطلون طبعا لازم يكون نضيف وتحطيه فى الميه اللى بالصبغة وتفضلى تقلبى بالخشبة اللى فى ايدك وتقلبى على الجهتين وتسيبيه منقوع بس لازم تقلبيه فى كل الاتجهات وتسيبيه منقوع زى مثلا ساعتين او 3 ساعات
بعدين تكونى محضره جردل ميه وتحطى فيها الخل كوبيتين او 3 وتحطى البنطلون فيه وتسيبيه ساعيتن برضه منقوع عشان الخل يثبت لونه وميصبغشى ولا يعك ايدك فى البس بعد كدة الخل بقى هيثبت اللون فى الاول بس هينزل اللون فى اول غسلة بعد كدة خلاص
وبعد الساعتين تاخدى البنطلون وتملى جردل ميه تانى نضيفة وتغسلى البنطلون فيها كويس اوى لحد ما ينزل اللون منه ولحد ما الميه تبقى بيضة
وبعدين تاخديه وتنشريه وبعدين اتفرجى بقى هتلاقى البنطلون رجع احسن كمان من الاول
اه صحيح لما يكون فيه خرز ولا شغل فى البنطلون او الزراير حديد ابقى الزقيها بشيكرتون اللى هو اللزق البلاستيك اللى بيبقى لونه ابيض وازرق اللى بيتغلف بيه سلوك الكهرباء عشان الصبغة بتخلى الحديد يصدأ
كمان انا مش جربت اصبغ حرير او ستان بس صبغت القماش والجينز وشنطة من شنطى بس كانت النتيجة حلوة اوى

وهى دى بس الطريقة سهلة وبسيطة لو حد عايز يسأل فى اى حاجة انا معاكم اهو ولو حد عايزنى اجى اصبغها ليه من عينيا الاتنين ههههههههههههههههههه انا اصلا بفكر افتح مغسلة ومصبغة ههههههههههههههه
وبوسة لحبايب هارتىىىىىىىىىىىىىىىى

الموضوع من مجهود شخصى ولا احلل لاى شخص كان نقل موضوعى دون ذكر المصدر واسم صاحبة الموضوع




عدل سابقا من قبل emy ghanem في 26.07.11 17:29 عدل 1 مرات

صفحة 4 من اصل 10 الصفحة السابقة  1, 2, 3, 4, 5, 6, 7, 8, 9, 10  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعالى اقولك ازاى تصبغى هدومك من غير ما تروحى للمصبغة :: تعاليق

emy ghanem
اميره فضيه
اميره  فضيه
رقم عضويتك : 9301
عدد المساهمات : 4048
الاوسمه :

مُساهمة في 04.07.11 17:35 من طرف emy ghanem

@ام جنة وفرحة كتب:جمييييييييييييييييل يا ايميالموضوع ده كنت بدور عليه بس في حاجة انا سمعت ان مش كل القماشات بتتصبغ ومش كل الالوان بتتشرب اللون الجديد صح وتدي اللون الجديد بالدرجة المطلوبة يبقي جميل منك لو كلمتينا عن الحكاية دي وبجد تستاهلي احلي تقييم يا قمراية
نورتينى حبيبتى ويسلملى ردك وميرسى على التقييم حبيبتى
هو فعلا مش كل القماش بيشرب اللون انا زى ما قلت فى الموضوع انا مش استعملت كلها فهمانى بس فيه ملحوظة مهم انه اللون لو غامق وجيتى تصبغيه لون فاتح يعنى افتح من اللون الاصلى مش بيصبغ اللون لاة ده بيطلعلك لون غير خالص فاهمة بيختلطوا مع بعض ويطلعوا لون غير اللى انتى كنتى عيزاها يعنى انا فى مرة صبغت شنطة لونها كان فضى فاتح بس القماشة مش هعرف اقولك اسمها بس هى حلوة ولو جيت اصبغها لون اختلطوا مع بعض طلعولى لون زيتى بس بجد بجد والله طلع تحفة ههههههههههههههههههه واكنت القماشة فيها شغل بيلمع بعد الصبغة كان روعة ههههههههههههه والله بس الاضمن والامن انك مش تصبغى حاجة لون غامق بلون فاتح يعنى افتح منها
emy ghanem
اميره فضيه
اميره  فضيه
رقم عضويتك : 9301
عدد المساهمات : 4048
الاوسمه :

مُساهمة في 04.07.11 17:36 من طرف emy ghanem

@فاطمة الزهراء كتب:موضوع جميل جدا يا ايمى وجديد جدا
وفعلا فكره روعه
ده انتى طلعتى ست بيت شاطره قوى
بجد برافو عليكى وتسلم ايدك يارب
ربنا يخليكى ليا يارب يا احلى بطة فى الدنيا وميحرمنيش منك ابدا وبعدين دانت اللى شاطر انتى اللى هتعلمينى كل حاجة ماشاء الله عليكى ربنا يحميكى لبناتك حبيبتى
روان
مشرفه عامه
مشرفه عامه
رقم عضويتك : 2672
عدد المساهمات : 11113
الاوسمه :
العمل/الترفيه : طالبه جامعيه

مُساهمة في 04.07.11 19:07 من طرف روان

هجرب يا ايمي واقلك
وتم التقييم يا قمر
emy ghanem
اميره فضيه
اميره  فضيه
رقم عضويتك : 9301
عدد المساهمات : 4048
الاوسمه :

مُساهمة في 04.07.11 19:09 من طرف emy ghanem

تسلميلى حبيبتى اونا مستنية يارب لونها يعجبك ان شاء الله
روان
مشرفه عامه
مشرفه عامه
رقم عضويتك : 2672
عدد المساهمات : 11113
الاوسمه :
العمل/الترفيه : طالبه جامعيه

مُساهمة في 04.07.11 19:11 من طرف روان

يارب

صفحة 4 من اصل 10 الصفحة السابقة  1, 2, 3, 4, 5, 6, 7, 8, 9, 10  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى