استعرض الموضوع السابقاستعرض الموضوع التالي
emy ghanem
اميره فضيه
اميره  فضيه
رقم عضويتك : 9301
عدد المساهمات : 4048
الاوسمه :
03072011
السلام عليكم


ازيكم حبايب قلبى
اوقات كتير بنجيب هدوم زى مثلا بناطيل جينز اسود او جيبة سودة وتحسى من كتر الغسيل ان لونها باهت واجرب كدة وانتى بتحبى الجيبة دى او البنطلون وبترتاحى فيها فتزعلى انها قدمت واوقات كتير يقع عليها بقعة مش تطلع ابدا وتحاولى وتكون البلوزة او البنطلون جديد وبرضه هتضطرى ترميه او هتوديه المغسلة عشان تصبغيه
انا بقى كنت كدة لحد ماعرفت اصبغ لنفسى الهدوم اللى احب انها مش تقدم ابدا او تكون جديدة ويكون وقع عليها بقعة صعبة انها تطلع خليكم معايا هقولكم المكونات اللى هتحتاجوها فى صبغ اى حاجة هى بسيطة وسهلة خالص واوفر ميت مرة من المغسلة وهما مش بقول بينضفوا زى الاول كويس ولا بيصبغوا حلو زى زمان فليه انتى هتعملى كل حاجة على ايدك

يلا بينا نبتدى


تجيبى حلة كبيرة زى الغلاية مثلا
لو هتصبغى بنطلون تجيبى ليه مثلا ب 3 جنيه صبغة سودة او ازرق او كحلى اى لون زى ما تحبى والكمية دى كفاية
تملى ايدك بس ايد واحدة زى كبشة كدة ملح
وتجيبى 2 كوب او 3 كوب خل ابيض عادى



تجيبى الحلة وتمليها ميه لحد الاخر وتسيبيها تغلى على النار تغلى جامد وبعدين تحطى الصبغة وتفضلى تقلبى ان شاء الله هاتى حتى عصاية او خشبة وقلبى بيها وبعدين حطى الملح اد كبشة ايدك كدة وقلبى كمان بس طبعا تحطيهم بعد الغليان
وبعدين تنزليها من على النار وتجيبى البنطلون طبعا لازم يكون نضيف وتحطيه فى الميه اللى بالصبغة وتفضلى تقلبى بالخشبة اللى فى ايدك وتقلبى على الجهتين وتسيبيه منقوع بس لازم تقلبيه فى كل الاتجهات وتسيبيه منقوع زى مثلا ساعتين او 3 ساعات
بعدين تكونى محضره جردل ميه وتحطى فيها الخل كوبيتين او 3 وتحطى البنطلون فيه وتسيبيه ساعيتن برضه منقوع عشان الخل يثبت لونه وميصبغشى ولا يعك ايدك فى البس بعد كدة الخل بقى هيثبت اللون فى الاول بس هينزل اللون فى اول غسلة بعد كدة خلاص
وبعد الساعتين تاخدى البنطلون وتملى جردل ميه تانى نضيفة وتغسلى البنطلون فيها كويس اوى لحد ما ينزل اللون منه ولحد ما الميه تبقى بيضة
وبعدين تاخديه وتنشريه وبعدين اتفرجى بقى هتلاقى البنطلون رجع احسن كمان من الاول
اه صحيح لما يكون فيه خرز ولا شغل فى البنطلون او الزراير حديد ابقى الزقيها بشيكرتون اللى هو اللزق البلاستيك اللى بيبقى لونه ابيض وازرق اللى بيتغلف بيه سلوك الكهرباء عشان الصبغة بتخلى الحديد يصدأ
كمان انا مش جربت اصبغ حرير او ستان بس صبغت القماش والجينز وشنطة من شنطى بس كانت النتيجة حلوة اوى

وهى دى بس الطريقة سهلة وبسيطة لو حد عايز يسأل فى اى حاجة انا معاكم اهو ولو حد عايزنى اجى اصبغها ليه من عينيا الاتنين ههههههههههههههههههه انا اصلا بفكر افتح مغسلة ومصبغة ههههههههههههههه
وبوسة لحبايب هارتىىىىىىىىىىىىىىىى

الموضوع من مجهود شخصى ولا احلل لاى شخص كان نقل موضوعى دون ذكر المصدر واسم صاحبة الموضوع




عدل سابقا من قبل emy ghanem في 26.07.11 17:29 عدل 1 مرات
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
تعاليق
روان كتب:حلوه الفكره دي

سوال يا ميس
انا جايبه طرح من بتاعت اليومين دول اللي طالع فيها شراشيب بخيط اللحاف اكيد شوفتيها

في منها ترحه ابيض في اسود وعليها شراشيب بيج من بتاع خيط اللحاف دي
شكل البيج يقرف بجد هههههههههههههه
انا بفكر افكها واصبغها
بس خايفه لما الزق الشراشيب تاني واجي اغسلها تقوم تهد عالابيض وتبوظ الدنيا
مع العلم اني هصبغها اسود

افيديني وقوليلي هتهد ولا لا
وعايزه اسم صبغه كويسه واشتريها منين وبكام
لاني لسه جديده عالكار يا ميس

منتظره ردك يا عسل
اصلي هموت عالترحه متلبستش خالص
ههههههههههههههههههههههههه اه عرفاها انا عارفة ايه ده بتبقى الطرحة حلوة ويحطولك شراشيب مش لايقة عليها اصلا هههههههههههه
بصى حبيبتى اولا انتى نورتينى اكيد ثانيا بقى الشراشيب فكيها هى تنفع القماشة بتاعتها تتصبغ بس انتى لازم تثبتى اللون فيها بالخل يعنى كترى الخل فى الميه وانقعيها شوية فيه عشان اللون يثبت بعدين اشطفيها كويس جدااااااااا لحد ما الميه اللى نازلة منها تبقى بيضة وقبل ما تخيطيها هاتى حتة قماشة لونها فاتح وحكيها كدة فى الشراشيب وشوفى هيطلع ولا لاة بس انتى لو ثبتى اللون بالخل وشطفتيها حلو مش هتبهت مش تقلقى انا جربت الصبغة كتييير
اما بقى نوع الصبغة فهى مش زى صبغة الشعر لاة انتى روحى قولى للعطار انا عايزة صبغة بكذا ب 3 جنيه او اكتر زى ما تحبى لو عيزاها تفضل عندك بزيادة يعنى كمان لازم العطار يكون انتى بتتعاملى معاه كويس لانهم حتى الصبغة بقوا بيغشوها
اريج كتب:
تسلميلى حبيبتى نورتينى
roro25285 كتب:
تسلميلى يارورو نورتينى
كليوباترا كتب:جامد جدا يا ايمى بجد فكره جديده جدا
تسلميلى يارب يا كوكيه يا حبيبتى دايما مشجعانى نورتينى
ام يوسف كتب:
تسلميلى يارب يا حبيبتى نورتينى
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى