7 اخطاء ابتعدى عنها لتكونى جميلة كل يوم

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي اذهب الى الأسفل

veta 5m
مشرفه عامه
مشرفه عامه
رقم عضويتك : 19427
عدد المساهمات : 5211
الاوسمه :
العمل/الترفيه : محامية

مُساهمةveta 5m


7 اخطاء ابتعدي عنها لتكوني الاجمل كل يوم
--------------------------------------------------

تعرفي معنا على مجموعة الاخطاء الشائعة توصلك الى نتائج غير متوقعة ابتعدي عنها تماما للمحافظة على جمالك و اناقتك اليوميه

1- وضع كريم الأساس على البشرة قبل جفاف كريم الترطيب
-------------------------------------------------------------------
كل خبراء التجميل بينصحوا دايمًا باستخدام كريم مرطب على البشرة قبل توزيع كريم الأساس، لكن الغلطة اللي بتقع فيها معظم البنات إنهم بيستعجلوا ويبدؤوا يوزعوا كريم الأساس قبل ما كريم الترطيب يجف تماما؛ والنتيجة بتكون إن كريم الأساس مش بيمتزج كويس مع البشرة وده اللي بيخليه يجيّر على البشرة، وكمان بيقلل من ثبات الماكياج على بشرتك.

والأفضل.. إنك تستني لغاية ما بشرتك تتشرب الكريم المرطب تماما، وبعد كده تبدئي توزعي كريم الأساس، وطبعا يُفضل إنك تختاري كريم ترطيب خفيف علشان البشرة تمتصه بسهولة، ولو كنتِ مستعجلة ومش هتقدري تستني كريم الترطيب لغاية ما ينشف، فممكن تستخدمي منديل وتربّتي به على بشرتك؛ علشان يمتص الكريم الزائد على البشرة.


يفضل إنك تحطي رشّات خفيفة من البرفان اللي بتستخدميه على البشرة مباشرة

2- استخدام العطور على الملابس
---------------------------------------
مشكلة العطور إنها بتعمل بقع على القماش، بالإضافة إلى أن نسيج الأقمشة ممكن يؤثر على رائحة العطر اللي بتستخدميه، والغلط اللي بنقع فيه إننا بنستخدم العطور على الملابس.

والأفضل.. إنك تحطي رشّات خفيفة من البرفان اللي بتستخدميه على البشرة مباشرة، وخاصة في مناطق النبض؛ زي المنطقة خلف الأذنين، والرسغين، والرقبة، بس أهم حاجة إنك ما تحطيش على الأماكن اللي بتتعرض لأشعة الشمس.

3- استخدام البلسم على جذور الشعر
-----------------------------------------------
أغلب البنات لما بتيجي تستخدم البسلم بتوزعه زي الشامبو على كل أجزاء الشعر، بداية من الجذور وحتى الأطراف، لكن الشعر عند الجذور بيكون جديد وصحي أكتر، وكل ما بنبعد عن الجذور بيكون الشعر ضعيف ومجهد.

علشان كده خبراء التجميل بينصحوا باستخدام البلسم بعيدًا عن جذور الشعر؛ لأن استخدامه على الجذور بيتسبب في تساقط الشعر، بالإضافة إلى إنه إهدار للمنتج اللي بتستخدميه؛ لأن زي ما قلنا إن الشعر عند الجذور بيكون صحي ومش محتاج لأي مستحضرات تجميلية.

والأفضل.. إنك تبدئي توزيع البلسم من عند منطقة الأذن، ولغاية أطراف الشعر، والطريقة دي هتخلي شعرك يبان أتقل.

المشكلة إن بنات كتير بتعتقد إنها لما تستخدم كريم العين هتعالج مشكلة انتفاخ العين

4- الاهتمام بالوجه وإهمال منطقة الرقبة
----------------------------------------------
معظمنا بيتوقف اهتمامه بالبشرة عند الذقن، وبينسوا تماما منطقة الرقبة، على الرغم من إن البشرة في منطقة الرقبة بتكون حساسة أكتر من بشرة الوجه، وأكثر عرضة للتجاعيد وظهور البقع.

والأفضل.. إنك تهتمي بمنطقة الرقبة زي ما بتهتمي ببشرة وجهك، يعني لما تستخدمي الصن بلوك لازم توزعيه كمان على رقبتك، وكمان أي ماسكات تعمليها لازم تهتمي إنك تحطي منها على رقبتك، علشان ما تلاقيش في النهاية إن عندك بشرة وجه رائعة، لكن تضطري إنك تداري رقبتك لأنها مش بنفس الجمال والتألق.

5- استخدام كريم العين لعلاج انتفاخ العين
-------------------------------------------------
انتفاخ العين بيحصل بسبب تجمع المَيّه في المنطقة دي، وده بيبقى بسبب كثرة تناول الأكل المالح والمخللات.

المشكلة إن بنات كتير بتعتقد إنها لما تستخدم كريم العين هتعالج المشكلة دي، ولكن ده مش حقيقي لأن المواد المرطبة اللي بتكون موجودة في الكريمات دي بتخلي البشرة تحتفظ بالمَيّه أكتر، وبالتالي عينيكي هتبان منتفخة أكتر.

والأفضل.. إن لو المنطقة حوالين العين عندك منتفخة لكن من غير احمرار ولا التهاب، ممكن تحطي عليها كمادات ثلج لمدة 10 : 15 دقيقة، وممكن تستخدمي جل للعين يكون بيحتوي على مادة الكافيين.

لكن لو الانتفاخ ده بيصاحبه احمرار أو حكة او التهاب، يبقى طبعا لازم تستشيري دكتور جلدية متخصص؛ لأن في الحالة دي احتمال يكون عندك حساسية.

بنلاقي إن بنات كتير بتبالغ في استخدام الكريمات المعالجة للحبوب

6- زيادة مدة الحمام اليومي عن 10 دقائق
------------------------------------------------
لما بنتكلم عن النظافة الشخصية والحمام اليومي؛ كتير بيعتقدوا إنهم علشان يحافظوا على جمالهم ويهتموا بنظافتهم الشخصية؛ لازم مدة الحمام اليومي تستمر لمدة نصف ساعة أو أكتر، مع استخدام مواد مقشّرة، وفرك الجسم بالليفة لمدة طويلة.

لكن خبراء التجميل بيقولوا إن لما مدة الحمام بتطوّل مع استخدام المنظّفات ومقشّرات البشرة بكثرة، ده بيخلّي البشرة تفقد الزيوت والدهون الطبيعية اللي بترطب الجلد وتحافظ عليه.

والأفضل.. إن حمامك اليومي ما تزيدش مدّته عن 5 أو 10 دقائق، واستخدمي مَيّه دافية، بلاش الميه تكون سخنة أوي، واتعاملي مع بشرتك برفق وإنتِ بتستخدمي الليفة والمقشّرات.

7- الاهتمام المبالغ فيه بعلاج الحبوب
------------------------------------------
الاهتمام والعناية بالبشرة أمر ضروري لكل بنت، بس المشكلة لما الاهتمام ده ياخد شكل مرَضي، وخصوصًا في موضوع حبوب البشرة، بنلاقي إن بنات كتير بتبالغ في استخدام الكريمات المعالجة للحبوب، ومش بتصبر علشان تشوف نتيجتها، وممكن إنها تستخدم الكريم أو الدهان على الحبوب أكثر من مرة خلال ساعة واحدة.

المشكلة إن الكريمات دي بتحتوي على أحماض بتحتاج لساعات علشان تخترق نسيج البشرة، علشان كده الإفراط في استخدامها أكتر من المواعيد المحددة في النشرة بتاعتها؛ ممكن يسبب احمرار والتهاب لبشرتك ويخلّيها تقشر.

والأفضل.. إنك تلتزمي بالإرشادات الموجودة على النشرة الداخلية للكريم اللي بتستخدميه، واللي غالبا بتقول إنك تستخدمي الكريم مرة أو مرتين بالكتير خلال اليوم، وطبعا بلاش تستخدمي أي كريم طبي من غير ما تستشيري دكتور أمراض جلدية متخصص.



منقول

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
7 اخطاء ابتعدى عنها لتكونى جميلة كل يوم :: تعاليق
avatar
كليوباترا
ملكه المنتدى
ملكه المنتدى
رقم عضويتك : 1
عدد المساهمات : 71612
الاوسمه :
العمل/الترفيه : طبيبه اسنان

مُساهمة في 20.06.11 22:27 من طرف كليوباترا

فعلا بعمل منها اخطاء كتير هبطلها ربنا يكرمك يارب
shsho84
اميره جديده
اميره جديده
عدد المساهمات : 15
الاوسمه :

مُساهمة في 21.06.11 19:48 من طرف shsho84

شكرا للمعلومات المفيدة جزاكى الله خيرا
emy ghanem
اميره فضيه
اميره  فضيه
رقم عضويتك : 9301
عدد المساهمات : 4048
الاوسمه :

مُساهمة في 21.06.11 20:18 من طرف emy ghanem

وانا كمان تسلم ايدك يارب ياحبيبتى
avatar
manyensh
الاميرات المتميزات
الاميرات المتميزات
رقم عضويتك : 10508
عدد المساهمات : 4366
الاوسمه :

مُساهمة في 22.06.11 2:30 من طرف manyensh

تسلمي عي مواضيعك الرائعه
[ندعوك للتسجيل في المنتدى أو التعريف بنفسك لمعاينة هذه الصورة]

صفحة 1 من اصل 2 1, 2  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى