منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
avatar
monaalunaa
اميره فضيه
اميره  فضيه
رقم عضويتك : 18255
عدد المساهمات : 3881
الاوسمه :
19062011

default زوجى وكرة القدم !!!

تقييم المساهمة: 100% (1)
زوجى وكرة القدم !!! تجربة شخصية ….

من اول يوم فى زواجى عرفت ان زوجى كاغلب ازواجنا عاشق للساحرة المستديرة(كرة القدم)
ويوم الماتش او المباراة وخاصة لما
تكون مباراة مهمة بين فريقين مهمين او بين المنتخب القومى ومنتخب دولة اخرى
بيكون يوم مهم فى حياته بيحاول جاهدا _رغم انشغاله الشديد بعمله_ انه ينظم
وقته ليجد وقت متسع لمشاهدة المباراة
فى البداية كان بالنسبة لى الامر غير مهم بالمرة وخاصة ان معلوماتى عن
كرة القدم كمعلوماتى عن كيفية انشطار الذرة (انا كنت ادبى على فكرة مش علمى
هههه)
فكان يا روحى الراجل يجلس وحيدا لمشاهدة المباراة وان حصل دة ان حصل وجلست معاه فاكون مثل الاطرش والاعمى فى زفة بلدى …
ايه دة المفروض الحكم يحسبها بلنتى
يووووووه ما دخلتش
العب يا اخى شوت شوت بقى
ضربة حرة مباشرة يا مسهل
طبعا كل دة بيتقال وانا زى لامواخذة (ال…..)

الشئ الوحيد اللى كنت بافهمه..ان الكورة تدخل الشبكة وتبقى جووون ودة
باعرفه من طنطيط جوزى وفرحته وساعات من صوت الجيران اللى حوالينا اللى يصفر
واللى يغنى واللى يخلى مراته تزغرت
..مرة فى مرة ابتدى الراجل يزهق قاعد مع صنم ولعياذ بالله لانى كنت كتير بعد المباراة ما تخلص اساله هو كان بين مين ومين !!!!!
ابتدى يخرج يتفرج على المباراة عند اصحابه بيتجمعوا عشان يتفرجوا مع بعض او عند اخواته ..المهم طفش يا حبة عينى من البيت
وهنا….وقفت وقفة مع نفسى وقررت…..

اتعلم الكورة ..اكيد
مش لعبها بس على الاقل افهم اى حاجة تجبر بخاطره يعنى افهم يعنى ايه بلنتى
..يعنى ايه فويل..يعنى ايه كارت اصفر ..يعنى ايه كارت احمر..وهكذا

وفعلا ابتديت اقعد معاه واسأل السؤال مش عيب احسن من الجهل 10000مرة
ومرة فى مرة اصبح جلوسنا مع بعض للفرجة على مباراة شئ لطيف جدا ومسلى

وفعلا لاحظت فرحة جوزى بيا لما بنتفرج سوا ..حتى لما يكون مشغول فى شغله بيتابع اخبار المباراة منى انا على التليفون
رغاية انا؟؟؟

بس عايزة اقولكم ايه الدرس اللى خرجت بيه…

ان مشاركة الزوج اهتماماته شئ رائع ومهم جدا وبيقرب الزوجين من بعض
ايه العيب انك تحاولى تعرفى هواياته واهتماماته وتشاركيه حتى لو كانت اهتمامات بسيطة مادام مش حرام يبقى فين الغلط؟؟؟؟
هو مش بيفكر يشاركنى فى اى حاجة…مش بردوا راح تقولى كدة ..؟؟؟
يا ستى مش مشكلة ابتدى انتى وهو راح يتكسف ويعمل زى ما انتى بتعملى وحتى لو مش عمل زييك على الاقل يبقا عداكى العيب ولا ايه؟؟؟؟

لا تنسوا التقيم يا اميرات
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

avatar
في 14.07.11 18:56كليوباترا
اااااااااااااااااااااااااه مشكله كل الستات وبجد الست اللى بتحب الكوره ديه ربنا كرمها بنعمه مش حسه بيها انا للاسف مش بحبها خااااااااااااالص مكسوفه بارك الله فيك يا منمن بجد جيتى على الجرح
avatar
في 14.07.11 21:12فاطمة الزهراء
فعلا عندك حق فى كل كلمه يامنى انا كنت زيك كده بالظبط لدرجة ان اخواتى لما كانو بيسمعونى بتكلم عن الكوره ماكانوش بيصدقو ان انا الى بتكلم من كتر مانا ماكنتش بفهم فيها اى حاجه قبل الجواز بس بعد ماجبت البنات خلاص اتشغلت
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى