منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
avatar
monaalunaa
اميره فضيه
اميره  فضيه
رقم عضويتك : 18255
عدد المساهمات : 3881
الاوسمه :
14062011

default بحبك ليه ؟؟؟

تقييم المساهمة: 100% (2)
بحبك لأنك راااجل مش مااان!!!

بحبك لأنك عاقل: لما بقع فى
مشكلة انت اول واحد بفكر انى ألجأ ليه وبتعرف ازاى تطلعنى من المشكلة
وتلاقيلها ألف حل ولو ملهاش حل بتعرف ازاى تهونها فى نظرى وبتفرحنى
وبتنسينى الاحزاااان.

بحبك لأنك مجنون: لما بهبل
معاك فى التيليفون واقول اى كلام عبط بتعرف تجارينى وتبقا أهبل وأعيل منى
واما اعملك بت بيئة بلاقيك ابيأ وأصيع منى..بتنجااااااان.

بحبك لأنك قوى: لما بتعلى
صوتك عليا وانت متنرفز وفى وسط خناقة بفرح وببتسم لانك بتحسسنى أد ايه انت
حمش و انى ضعيفة وبنوتة رقيقة كماااااان .

بحبك لأنك ضعيف: لما بيبقا
عندك مشكلة بتجيلى جرى تحكيلى ولما بزعلك بعرف اضحك عليك بكلمتين حلوين
وبتصفا بسرعة وانت فاهم انى بضحك عليك بكلمتين والسلااااام.

بحبك لأنك كريم: لما ببقا ماشية معاك فى الشارع وعينى تقع على حاجة بلاقيها معايا فى نفس اللحظة والأوااااان.

بحبك لأنك حريص: وبتعرف ازاى تحسب حساباتك وده سر احساسى معاك بالأماااااان.

بحبك لأنك شخصية: كلامك من
دماغك ومحدش بيعرف يأثر على رأيك ومهما يحاوالوا يقنعوك بحاجة انت مش مقتنع
بيها ياابااااى..كإن معندكش ودااااااان.

بحبك لأنك تابع: قراراتك اصلها نابع منى من رغبتى اللى هتفرحنى انا ودى اكتر حاجة بتعرفنى اد ايه انت بتموت فى حبى وولهااااان.

بحبك لأنك صبور: ومستحمل رغيي الكتير والحكايات اللى ماليها أول من اخر ومع ذلك بتسمع و مانتاش نعسااااان.

بحبك لأنك دمااااغ: عمرى ما سألتك فى حاجة ومعرفتش ترد عليا وكل أسألتى معاك ليها اجابة من غير لف ودوراااان.

بحبك لأنك قفل: وبتغير عليا من نفسك وبتعلق على لبسى لما بتشوف فيه حاجة مش عاجباك سواء بنطلون او جيبة او فستاااان.

بحبك لأنك بتفهم: لما ببقا
معاك فى محل او أدام اى حد غريب وعايزة اقولك رأيي من غير ما حد ياخد باله
.. ببصلك بس وانت بتفهم انا عايزة اقولك ايه من غير كتر كلاااااام

بحبك
طولك وبحب ارفع راسى وانا ببصلك فى عينيك السوده وانا واقفة أدامك ..
واحنا راجعين من اى خروجة بحب اتلكك عشان نشترى اى حاجة من جمب البيت عشان
ادخل الشارع اللى فى بيتى وانا ماسكة فى ايدك وكل الناس والجيران تعرف انك
خطيبى وبعشق نظرتك وضحكك عليا لما بتفهم انى بعمل كده كل مرة وانا قاصده
ومش صدفة .. بحبك لأنك مش شاب سيس لبسك محترم … بحبك لأنك اسمرانى وحليوة
ومسمسم واشجع الشجعااااان…


بحبك لأنك رااااجل مش مااااان…

ومستغربين انا “عاااااااايزة
اتجوز” ليه؟؟ بس بجد السؤال اللى هيجننى ياترى هفضل اشوف المميزات دى كلها
فيك بنفس الدرجة بعد ما اتجوزك ولا ايه النظااااام!!!

بقلم / سلمى المنصورى
لا تنسوا التقيم يا اميرات
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

avatar
في 14.06.11 13:05كليوباترا
ههههههههههههههههههههههههههه دمها خفيف جدا بجد تسلمي يا منمن روووعه Very Happy Very Happy Very Happy
avatar
في 14.06.11 13:56manyensh
جميله اكثر من رائعه
avatar
في 14.06.11 18:48monaalunaa
تسلموا يا بنات
avatar
في 14.06.11 20:37sarsora shabaan
فعلا رغم الاسلوب الكوميدي الا انها معناها رقيق جدا
مذهلة بجد
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى