وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 حكايتك مع المطبخ ايه؟

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : 1, 2, 3  الصفحة التالية
كاتب الموضوعرسالة
07062011
مُساهمةحكايتك مع المطبخ ايه؟


[ندعوك للتسجيل في المنتدى أو التعريف بنفسك لمعاينة هذه الصورة]


[ندعوك للتسجيل في المنتدى أو التعريف بنفسك لمعاينة هذه الصورة]


فكرة الموضوع عن حكايات البنات مع المطبخ
يعني البنات هتتكلم عن تاريخهم المطبخي


الكل هيحكي أمتى أول مرة دخل المطبخ
ياترى مين علّمك أسرار المطبخ
ماهى أول كارثة عملتيها فى المطبخ


قصدي أول أكله
أيه رأي الأسرة فى أكلك بشكل عام
أكتر أكله أنت ِ فيها رئيسة قسم

قصدي أول أكله[img]images/smilies/larg/36_1_19[1].gif[/img]
أيه رأي الأسرة فى أكلك بشكل عام
أكتر أكله أنت ِ فيها رئيسة قسم

القنبلة الذرية
لو متزوجة ايه رأي شريك العمر فى أكلك
هل لسه هو متعلق بأكل والدته
ياترى حماتك عملتك حاجة فى المطبخ

ولا أنتِ أشطر منها
نفسك تلاقي ايه فى مطبخ شباب ع النت
أتعلمتى من مطبخ شباب ع النت ايه
من الأخر الموضوع فضفضة مطبخية قولى اللي يعجبك على نار هاديه بدون إحراج
أتمنى الفكرة تعجبكم

[ندعوك للتسجيل في المنتدى أو التعريف بنفسك لمعاينة هذه الصورة]
كاتب الموضوع : oshi410
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

حكايتك مع المطبخ ايه؟ :: تعاليق

رد: حكايتك مع المطبخ ايه؟
مُساهمة في 07.06.11 12:56 من طرف oshi410
وانا هبدأ اللعبة
اول مرة دخلت فيها المطبخ كنت فى اعدادى
ومكنتش بحب الاجازة تيجى علشان مدخلش المطبخ
واكيد اللى علمنى اسرار المطبخ امى
ربنا يخليهالى
واول كارثة عملتها اكيد حرقت الرز واتحرت وكدة يعنى وبلاش فضايح هههههههههههه
راى الاسرة فى اكلى يجى منى
اكتر اكلة بعملها حلو صنية البطاطس
هو انا لسة مش متزوجة انا مخطوبة وبيحب المكرونة من ايدى جدا
يالا يا اميرات انتوا كمان احكوا
رد: حكايتك مع المطبخ ايه؟
مُساهمة في 07.06.11 13:06 من طرف فاطمة الزهراء
فكره جميله قووووى

عن نفسى ماكنتش بحب المطبخ خالص وانا بنت كنت بعمل حاجات بسيطه جدا وطبعا كنت بعمل كواااااااااااااااااااااارث

اول مره اعمل حاجه فى المطبخ كانت وانا فى تانيه اعدادى كنا عملنا فى المدرسه فى مادة الاقتصاد المنزلى تورته وعجبتنى جدا فروحت مصممه اعملها لوحدى فى البيت عشان ادوق ماما وبابا واخواتى
فى الاول لما عملت الكيكه لزقت فى الصينيه جيت اقلبها نصها لزق فى الصينيه والنص التانى نزل وطبعا جيت اطلع النص الى لزق فى الصينيه اتقطع وقعدت ارتب فيهم جنب بعض والكيكه طلعت بجنب
بعدين جيت ازوق بالكريمه وكانت بالشوكولاته كنا فى السعوديه والجو حر جدااااااااااااا
الكريمه كانت بتسيح على الوش وشكلها باظ خالص طبعا شكلها كان تحفه قلت اجيب فورماسيلا وارشها على الوش عشان تحسن الشكل شويه اخويا نزل جابلى حاجه شكل الفورماسيلا بس لبان وحطيتها عليها وطبعا متصورين لما جينا ناكل كانت عامله ازاى
بس كان طعمها حلو ويوم لا ينسى

ماما الى علمتنى اسرار المطبخ هى ماشاء الله عليها طباخه شاطره جدا انا بحاول اتعلم منها
لما حد هنا بيدوق اكلى وينزل يقول لماما انى شاطره ماما مابتصدقش بتقول انا ببقى فاكراهم بيتكلمو على واحده تانيه من كتر ماكنت فاشله وانا بنت
لما اتخطبت ابتديت اركز فى المطبخ وكان عندى شغف كبير جدا انى اتعلم كل حاجه خاصة انى كنت حسافر واكون لوحدى بس الكلام ده كان فى سنه واحده الحمد لله اتعلمت بس مش كل حاجه فى حاجات كتير عملتها بعد الجواز كانت ماما بتقعد معايا على النت وافتح الكاميرا واعمل قدامها وهى تقولى اعمل ايه والحمد لله عملت كل حاجه هنا
كان فى حاجات كتير ما تتظبطش وطبعا ماكانش فى غير جوزى ااكلهالو ربنا يخليه ليا يارب استحملنى كتير
حماتى ماعلمتنيش حاجه لانى ماعشتش معاها
الحمد لله جوزى بيحب اكلى جدا وماعدش بيعرف ياكل فى اى مكان تانى ومش من النوع الى متعلق باكل مامته
اكتر اكله انا شاطره فيها مش عارفه بالظبط بس انا بشكل عام والحمد لله مش شكر فى نفسى بس من رأى الى حواليا بعرف اطبخ والحمد لله

رد: حكايتك مع المطبخ ايه؟
مُساهمة في 07.06.11 13:13 من طرف فاطمة الزهراء
نسيت اقول ان انا دلوقتى بحب الطبخ جدا لانى ببقى سعيد اقوى لما اقف فى المطبخ واعمل اكله جوزى وبنتى بيحبوها واشوفهم وهما بياكلوها بالف هنا ويستمتعو بيها 7


وربنا يتملك على خير يارب يا اوشى وجوزك مايعرفش ياكل غير من ايدك
رد: حكايتك مع المطبخ ايه؟
مُساهمة في 07.06.11 14:19 من طرف emy ghanem
انا بقى اول مرة اطبخ حاجة والحمدلله وانا فى اعدادى برضه طبخت الرز اه هو كان معجن بس كان حلو وعملت سمك مقلى بس الصراحة قليته من غير دقيق انا بقيت اقلى واقول الله ماما لما بتقليه مش بيبقى شكله كدة هو ليه بات ومش متحمر وحلو زى بتاع ماما المهم حطيت لبابا لانه كان جه من الشغل بابا قالى هو من غير دقيق ولا ايه قلتله تصدق اه انا عمالة افتكر ناقص حاجة ناقص حاجة بس الحمدلله بابا دارى عليا ومش قال لماما اصلها مكنتش فى البيت وانا حبيت اعمل نفسى فلحوسة يعنى وعدى الموضوع على خير لكن انا ناو مش بطبخ لانى طول الوقت فى الشغل ولسة مش متزوجة بس بعرف اعمل المحشى وبيطلع جامد جدااااااااااااا لان انا طبخى زى ماما وماما طباخة شاطرة اووووووووى
وبعرف اعمل المكرونة بشاميل والرقاق والجلاش تقدروا تقولوا اول ما اتعلمت بجد والله الاكلات الصعبة دى اما الحاجات التانية طبخت فاصوليا وباميا وعملت برضه بسلة يعنى انا شغالة بس لسة فيه لسة مش عملته كتيييييييييييييير
بس ان شاء الله قريب هعمل ههههههههههههههههه عشان الكسل اللى انا فيه ده
الموضوع حلو اوى اوشا حبيبتى وربنا يتمم ليكى على خير ياسكر
 

حكايتك مع المطبخ ايه؟

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 3انتقل الى الصفحة : 1, 2, 3  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: قسم العروسه-
انتقل الى: