منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
المتواجدون الآن ؟
ككل هناك 26 عُضو متصل حالياً :: 0 عضو مُسجل, 0 عُضو مُختفي و 26 زائر :: 2 عناكب الفهرسة في محركات البحث

لا أحد

شاطر
استعرض الموضوع السابقاستعرض الموضوع التالي
avatar
فاطمة الزهراء
اميره فضيه
اميره  فضيه
رقم عضويتك : 2609
عدد المساهمات : 4841
الاوسمه :
02062011

default التيراميسو

تقييم المساهمة: 100% (1)
التيراميسو من اشهر الحلويات الايطاليه واكثرها انتشارا وهو سهل ولذيذ جدا والناس هنا كلها ايطاليين واجانب بيحبوه جدا وبيحبو ياكلوه سواء جاهز او معمول فى البيت

ودى طريقته من بيته

المقادير

بسكوت سافوياردى SAVOIARDI

وده بسكوت بيجى جاهز وبيكون اصابع صنع من البيض والسكر بيكون جاف وبمجرد مابيلامس الكريمه بيتشربها وبيكون طرى جدا زى الكيكه





والبسكوت ده موجود فى مصر فى السوبر ماركت

250 جبنه ماسكاربونى MASCARPONE

والجبنه دى جبنه مخصوص للتيراميسو بس انا مش متأكده هى موجوده فى مصر ولا لكن لو مش موجوده ممكن تستبدليها باى جبنه عادبه بتعملى بيها الحلويات وقوامها بيكون كريمى تقيل زى الكيرى كده







4 صفار بيض

4 معالق سكر

كريمه لبانى او كريم شانطيه

هنا بتكون عباره عن علبة قشطه مخصوصه للحلويات بتكون فيها قشطه سايله بتوضع فى الفريزر لحد ماتكون بارده جدا بس مش مجمده عشان تعرفى تضربيها بالمضرب بعد ماتحطى عليها معلقتين سكر وتضربيها بالمضرب لحد ماتتحول لكريمه

بالنسبه لمقدار الكريمه بتكون مساويه للجبنه او اكتر منها شويه


كاكاو لتغطية الوجه

فنجان قهوه سريعة الذوبان


الطريقه


الاول حتضربى صفار البيض مع السكر ولازم يكون الاناء الى بتشتغلى فيه جاف والمضرب جاف
ممكن تستعملى مضرب يدوى او مضرب كهربى
حتضربى بسرعه لحد مايصبح قوامها كريمى

بعدين تضيفى الجبنه على الصفار وتضربى كويس وبعدين تجيبى الكريمه الى انتى مجهزاها وتضربيها معاهم
لحد مايمتزجو جيدا

بعدين تجيبى صنيه مستطيله حوالى 25 او 30 سم وتجيبى القهوه والبسكوت
تحطى البسكوت فى القهوه وتشيليه بسرعه يادوبك يتشرب منها شويه صغيره مش كتير عشان مايكونش مر
وتبتدى ترصى البسكوت فى الصينيه لما تعملى اول طبقة بسكوت تحطى نص مقدار الخليط الى انتى عملتيه
وبعدين ترصى طبقه تانيه من البسكوت على الكريمه بعد ماتحطيه فى القهوه زى ماعملتى تماما فى الطبقه الاولى وبعدين تحطى النص التانى من الخليط
وبعدين بمصفى صغيره حترشى الكاكاو على الوش لحد ماتغطى الوش تماما وتحطيه فى التلاجه وتسيبيه يبات طول الليل عشان البسكوت يتشرب الكريمه كويس











وبالهنا والشفا



ماتنسوش التقييم
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
تعاليق
avatar
في 03.06.11 14:13manyensh
شكلها لذيذ جدا تفتح النفس
جزاكي الله كل خير
avatar
في 03.06.11 18:17كليوباترا
يا جامد يا فطوم يا قمر تسلمي يا رب طبعا تم التقييم ديما جيبه لينا الجديد
avatar
في 03.06.11 20:37فاطمة الزهراء
@manyensh كتب:شكلها لذيذ جدا تفتح النفس
جزاكي الله كل خير

فعلا جميله جدا والميزه ان الاطفال بيحبوها جدا وهى غنيه بالبيض ومنتجات الالبان
نورتينى يا امانى ربنا يجازيكى كل خير ياقمر
avatar
في 03.06.11 20:41فاطمة الزهراء
@كليوباترا كتب:يا جامد يا فطوم يا قمر تسلمي يا رب طبعا تم التقييم ديما جيبه لينا الجديد

ربنا يكرمك ياكليوباترا يارب ويجعله كله فى ميزان حسناتك يارب
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى