عيونك ..... سر جمالك

صفحة 1 من اصل 3 1, 2, 3  الصفحة التالية

استعرض الموضوع السابق استعرض الموضوع التالي اذهب الى الأسفل

avatar
monaalunaa
اميره فضيه
اميره  فضيه
رقم عضويتك : 18255
عدد المساهمات : 3881
الاوسمه :

مُساهمةmonaalunaa

العيون دائماً ما تحمل السحر الخاص بكل فتاة وده لأن جمال العين له تأثير خاص جداً في إظهار جمال الوجه....

وهنا يأتي دور الماكياج لكي يساعد في إبراز هذا الجمال والسحر

ولأن الاعتدال والبساطة هما أفضل شيء في الماكياج وبالذات ماكياج العيون.. قررت أني أتكلم في كل أسبوع
عن أداة من أدوات ماكياج العيون وكل اللي عليكوا أنكوا تتابعونا كل أسبوع..

قلم الكحل من أهم أدوات الماكياح المستخدمة في ماكياج العيون، لأنه من أكتر الحاجات اللي بتبين جمال العين، وكمان فيه بنات كتير بتكتفي بالكحل وهي خارجة رايحة الجامعة أو الشغل...

إزاي تشتري قلم كحل كويس؟!

بصي يا ستي من أهم مواصفات قلم الكحل الكويس إنه يكون طري جدا؛ لأنه بيكون داخل عينيكي وفوق عينيكي ودي مناطق حساسة جداً، علشان كده يا ريت إنك تجربيه على إيديكي قبل ما تشتريه، لأن أحسن نوع كحل كويس هو اللي بيكون طري وبيعمل لون تقيل على الإيد، ويا ريت كمان إنك تشتريه من مكان مضمون وموثوق

أقلام الكحل بألوان متعددة

دلوقتي بقى فيه أقلام كحل بألوان كثيرة أوي غير الأسود والبني؛ فممكن إنك تلاقي ألوان زي الأخضر والموف والفضي والذهبي، يا ريت تحرصي إن الألوان دي تكون موجودة عندك، وده لأنك ممكن تحتاجي ليها علشان ترسمي عينيكي بألوان مناسبة لألوان ملابسك، وخدي بالك إنك تحطي الألوان الغامقة فوق عينيكي لإن الألوان الفاتحة بتخلي العين تظهر بشكل باهت.

إزاي ترسمي عينيكي بالكحل؟!

فيه بنات كتير أوي بتلاقي صعوبة في رسم عينيها بقلم الكحل مع إنه سهل جداً، والطريقة الصحيحة والسهلة علشان ترسمي عينيكي بالكحل هي إنك تحطي مراية صغيرة تحت عينيكي علشان تقدري تشوفي رسمة العين من فوق، وتمشي بالقلم من أول العين لآخرها ويا ريت تدخلي بيه كمان على خط الرموش لإن أحياناً بيكون أسفل خط الرموش فاتح، وده بيعمل شكل مش حلو، ومش لازم تحددي عينيكي كلها يعني من فوق بتحدديها كاملة ومن تحت على حسب شكل عينيكي.

وعلى فكرة كل عين ولها رسمة معينة تظهر جمالها؛ فمثلا لو...

* عينيكي صغيرة

يبقى تحدديها من فوق كلها بالكحل ومن تحت بتحدديها بخط رفيع جداً يبدأ من نص العين إلى الخارج، وممكن ترسمي داخل عينيكي بلون فاتح زي الأبيض أو الرمادي أو الأوف وايت، والطريقة دي بتدي شكل أوسع للعين.

* عينيكي واسعة

يبقى تحطي الكحل من فوق وعلى الرموش وداخل العين، وكمان ممكن تحطي تحت الرموش خط أسود أو رمادي ،والطريقة دي هي أحسن طريقة علشان تعالجي مشكلة العين الواسعة أو البارزة.

وفيه ناس كتير مش بيحبوا إنهم يحطوا كحل تحت العين؛ لكني بانصحهم بإنهم يحطوا الكحل تحت وداخل العين لإن ده بيدي نظرة عميقة ومشرقة وبيوسع العين، وكمان ممكن تستخدمي فرشاة صغيرة مع قلم الكحل علشان تحصلي على الشكل الدخاني، وده بيخلي العين شكلها حلو أوي وبيعمل نظرة جذابة للعين وشكله مش بيكون باين إنه قلم صريح.

وفي النهاية أحب أقول لك إنك ممكن تتغلبي على مشكلة إن الكحل بيسيح بإنك تحطي كونسيلر أو كريم أساس أو بودرة مضغوطة تحت الرموش على طول، وبعدين ترسمي عينيكي بقلم الكحل، وبعد كده تسيّحي البودرة بفرشاة علشان شكلها ما يبقاش صريح أوي ودي أحسن طريقة علشان تحطي الكحل من غير ما يسيح.[center]

التقييم بليز يا اميرات

صفحة 1 من اصل 3 1, 2, 3  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
عيونك ..... سر جمالك :: تعاليق
avatar
lolla samir
اميره خياليه
اميره خياليه
رقم عضويتك : 19779
عدد المساهمات : 830
الاوسمه :
العمل/الترفيه : في شركة سياحة

مُساهمة في 19.05.11 19:55 من طرف lolla samir

حلو اوي
soma yousif
اميره نشيطه
اميره نشيطه
عدد المساهمات : 220
الاوسمه :

مُساهمة في 21.05.11 15:38 من طرف soma yousif

تسلم ايدك ياجميل
avatar
ساالى
اميره خياليه
اميره خياليه
رقم عضويتك : 11204
عدد المساهمات : 585
الاوسمه :

مُساهمة في 21.05.11 16:09 من طرف ساالى

تسلمى يا قمرايه انا بعشق حاجه اسمها كحل بجد بيخلى العيون جميله جدا جدا جدا بس فعلا ساعات بيسيح ودا مشكله بس هحاول اعمل الكونسيلر دا ان شاء الله ويبقى تمام
avatar
monaalunaa
اميره فضيه
اميره  فضيه
رقم عضويتك : 18255
عدد المساهمات : 3881
الاوسمه :

مُساهمة في 22.05.11 0:40 من طرف monaalunaa

ميرسي يا بنات

صفحة 1 من اصل 3 1, 2, 3  الصفحة التالية

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى