منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
avatar
آية عبد الرحمن
اميره حيويه
اميره حيويه
رقم عضويتك : 11115
عدد المساهمات : 137
الاوسمه :
16052011
طريقة عمل الريزو ( رز بالفراخ)

بصي ياستي:
1- اما تجيبي فراخ صدور جاهزة او بالفرخه كامله
عادي اللي تحبيه المهم هتقطعي الفراخ قطع متوسطه (لاكبيرة اوي ولا صغيرة اوي)
عشان كمان يبقي المنظر العام الحلو
المهم بعد تنظيفها كويس (بالملح والدقيق واللمون )
عشان ريحتها تبقي حلوة ونظيفه كده تسبيها حبه تتصفي

2- هاتي الحلة وحطي فيها معلقه زيت بس مش كبيرة اوي ومعلقه حلوة كده من زبده او سمنة زي ما تحبي وتنزلي عليهم 3 معالق سكر كبار (اه سكر متخفيش) وقلبي ومتسيبهاش عشان السكر ميتحرقش منك لحد ما السكر تلاقيه داب
و اللون يبقي بني فاتح ( بكرر فاتح مش غامق اوي) وبعدها تسقطي علي طول الفراخ القطع اللي انتي نظفتيها وقطعتيها وسيباها تصفي

3- اسقطي بعدها كوبايه مياه مليانه ولو لاقيتي محتاجه مايه زودي متخفيش

4- نزلي ( الملح - الفلفل - بهار مشكل - معلقه قرفه كبيرة من معالق الاكل - كاري )

5- قلبي سبيها شويه وروحي هاتي الرز اغسيله كويس وبعدين اسقطيه علي الفراخ وظبطي عقد الرز بتاعك

6- وتابعي بقي كل شويه ( مش تسبيه وتجري وتروحي تتفرجي علي المسلسل)
7- ويسلام بقي لو شويه مكسرات ( لوز - صنوبر )
بس خلاص لحد ما الاكل يستوي وبالهنا والشفا ويلا كده كفايه عشان جعت

ملحوظه هامة :
1- خدي بالك من السكر عشان ميتحرقش واوعي اللون يغمق اوي عشان الاكله متبوظش
لان الخطوة دي اهم حاجه في الاكل كله
2- الاكله مش هتاخد منك كتير

واللي تجرب تقولي حلو وحش تعرفني ويارب تطلع حلوة وتعجبكم والا هيبقي شكلي وحش اوي
:cry: No Very Happy
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

avatar
في 16.05.11 13:48كليوباترا
واللهي شكله جامد موت وتحفه تسلمى يارب روووووووووووعه
avatar
في 16.05.11 14:27آية عبد الرحمن
تسلمي يا حبيبتي I love you
avatar
في 16.05.11 14:32mishmisha2
هجربها واقولك
تسلم ايدك يا قمر
في 16.05.11 21:30بوسى كاات
avatar
في 16.05.11 21:42آية عبد الرحمن
شكرا لكي علي هذه المشاركة الرائعة Smile

عدل سابقا من قبل آية عبد الرحمن في 18.05.11 15:27 عدل 1 مرات
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى