منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى

فاكر اول مره

صفحة 3 من اصل 4 الصفحة السابقة  1, 2, 3, 4  الصفحة التالية

استعرض الموضوع السابق استعرض الموضوع التالي اذهب الى الأسفل

avatar
roro25285
مشرفه عامه
مشرفه عامه
رقم عضويتك : 565
عدد المساهمات : 5063
الاوسمه :
العمل/الترفيه : dentist

مُساهمةroro25285

انا جسمى قشعر من الموضوع ده

وحبيت تقشعروا زىى

فجبتهولكم

عشان نبقى كلنا مقشعرييييييييين


فاكر اول مرة دخلت بيتنا دا ؟؟

كنت متخيلة اني مش هتعود عليه إلا بعد وقت كتير

بس بمجرد ما دخلته حسيت اني زي ما اكون عشت فيه عمري كله

مرتاحة أوي ، ومطمنة أوي ، فرحااااااااااااااااااااااااااااااااانة أوي








طب فاكر أول مرة صليت بيا الفجر ؟؟

يااااااااااااااااااه يومها عيطت اووووووووووووي ،

عيطت لما اكتشفت اني نسيت ولسة بدعي ربنا

"
يارب اجمعني بيه في بيت واحد .. يارب اسعدني بيه وعوضني عن كل حاجة وحشة
شوفتها في حياتي اللهم ان في قلبي مضغة تهفو إلى عبدك هذا فاجمع بيننا في
الخير "

وفوقت وانت بتقول

" الله أكــــــــــــبر " .. فوقت على صوتك ، على ان ربنا استجاب لي

وحسيت كأني عمري ما صليت صلاة بخشوع واطمئنان قد المرة دي




فاكر كمان أول مرة قرأنا قرآن سوا ؟؟

صوتك كان حلو أوووووووووووووي ، و وشك كان كله نور

ساعتها حمدت ربنا إني اخترتك أب لولادي Smile




طيب فاكر أول مرة غطيتني فيها ؟؟

لما انا نمت وانا بتفرج على التليفزيونوحاولت تصحيني ما صحيتش

فغطيتني وقعدت تجيب لي غطيان من كل حتة في الشقة

علشان خايف عليا م البرد اوي

بصراحة انا يومها ما كنتش نمت ، بس كان نفسي أوي احس الاحساس دا

احس كأني بنتك اللي بتغطيها بالليل وخايف عليها

وكنت مش عارفة اقولك ازاي كده

فعملت نفسي نمت علشان تعمل كده

عارف ساعتها كان نفسي اووووووووووي أقولك

" بحبك "





أكيييييييييييد بقى فاكر أول مرة عملت لك بإيدي أكل ... مش قادرة اوصف لك احساسي يوميها

انت عارفني بكره المطبخ اووووووي بس لما اكون واقفة في مطبخي

وبعمل أكل ليك انت .. حاجة تانية خالص

كنت حاسة زي ما اكون بعمل عمل وطني هههههههههههههه

وفضلت كل شوية رايحة جاية ع البلكونة اشوفك جيت ولا لسة

ومش عايزة اتصل بيك علشان ما تعرفش المفجأة

وياسلاااااااااااااااااااااام بقى لما جيت ودوقته وقولت لي انه حلو

كنت حاسة اني بحبني اوووووووي علشان عملت حاجة عجبتك

ألا صحيح قول لي ، هو عجبك بجد ولا كنت بتفرحني ؟؟





ياترى فاكر أول شهر تقبض مرتبك ونقعد سوا نشوف هنمشي ازاي وهنشتري ايه

ونحوش كام ولما اكتشفنا ان فاضل للترفيه خمسة جنيه بس ؟؟

ساعتها انت اتضايقت بس انا فرحت اووووووووووي

الخمسة جنيه دول هيكفونا اكيد نتمشى ع الكورنيش في عز الليل

ومش هيدخلونا سينما زي ما كنت انت عايز

لأني عايزة اكون معاك انت وبس

وعايزة اسمعك ونتكلم مش نقعد ساكتين نتفرج ع فيلم





فاكر اول ما عرفت اني حامل كنت عامل ازاي ؟؟

كنت عامل زي الطفل مزأطط وخايف وكنت بصعب عليك اوي كل ما اقول اه

وكنت بتخاف عليا بجد .. عليا انا مش على ابننا وبس

فرحت أوي ساعتها وحسيت اني لسة " حبيبتك " مش مجرد مراتك وام ولادك

ولا يوم ولادتي كنت هتتجنن وانا قعدت احاول اكتم صوتي علشان ما تتخضش

بس انت كنت حاسس بيا .. ساعتها بصراحة ما خطرش في بالي اقولك بحبك

لأني كنت بتألم اوي Smile





فاكر اول مرة شيلنا ابننا ؟؟ انا كنت مرعووووووووبة وخايفة عليه اوي
وحاسة انه صغنن خالص وخايفة اكون بوجعه
بس بعد شوية بدأت اطمن وكنت بفرح اوي لما يقعد يعيط واول ما احضنه يسكت

وانت اول مرة تشيله كان شكلك يفطس من الضحك
كنت محتاااااااااااااس خالص ومش عارف تعمل ايه
هي دي معاناه الطفل يا عيني لما يكون مامته وباباه الاتنين
آخر العنقود هههههههههههه





الله .. كل دي حاجات حلوة واحاسيس حلوة

أول مرة احسها واعيشها كان معاك .. ومافيش حد غيرك قدر يخليني اتمتع بيها

كل دا زاد ربنا بيديهولنا علشان نتحمل قسوة الايام

ولو ان مافيش حاجة في الدنيا دي تقدر تقسى عليا وانا معاك

بحبك أوي ، بحب عفويتك اللي خلت لكل الحاجات دي طعم تاني

بحبك أوي وبحب صدقك اللي مخليني دايماً مطمنة

بحب كل لحظة حلوة ومرة عشناها وعايشينها وهنعيشها

علشان معاك

ربنا يخليك ليا

منقول
بس انا حاسه انه مش منقول
هههههههههه
ماتنسوش التقيم ياقمرات

صفحة 3 من اصل 4 الصفحة السابقة  1, 2, 3, 4  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

فاكر اول مره :: تعاليق

avatar
roro25285
مشرفه عامه
مشرفه عامه
رقم عضويتك : 565
عدد المساهمات : 5063
الاوسمه :
العمل/الترفيه : dentist

مُساهمة في 15.05.11 23:31 من طرف roro25285

@ام جنة وفرحة كتب:حلوة فوي انتي صحيتي كل المشاعر الرقيقة اللي جوانا اللي ساعات بتضيع في زحمة الحياه
ودى اهم حاجه ياجميل
لازم نفكر بعض كده
يسلم مرورك
avatar
roro25285
مشرفه عامه
مشرفه عامه
رقم عضويتك : 565
عدد المساهمات : 5063
الاوسمه :
العمل/الترفيه : dentist

مُساهمة في 15.01.12 12:42 من طرف roro25285

avatar
Ranoshaa mohamed
الاميرات المتميزات
الاميرات المتميزات
رقم عضويتك : 4652
عدد المساهمات : 2685
الاوسمه :

مُساهمة في 15.01.12 16:20 من طرف Ranoshaa mohamed

الله جميل اوي اوي تسلم ايدك
avatar
roro25285
مشرفه عامه
مشرفه عامه
رقم عضويتك : 565
عدد المساهمات : 5063
الاوسمه :
العمل/الترفيه : dentist

مُساهمة في 15.01.12 16:50 من طرف roro25285

menna fathy
اميره جديده
اميره جديده
عدد المساهمات : 5
الاوسمه :

مُساهمة في 01.02.12 3:07 من طرف menna fathy

هو فعلا كأنه مش منقول وانا كنت بقرأه وكأني انا اللي بتقول الكلام ده لدرجة اني بكيت من الاحساس اللي حسيته :سلمت يداكى:

صفحة 3 من اصل 4 الصفحة السابقة  1, 2, 3, 4  الصفحة التالية

استعرض الموضوع السابق استعرض الموضوع التالي الرجوع الى أعلى الصفحة

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى