منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
شاطر
استعرض الموضوع السابقاستعرض الموضوع التالي
avatar
lolla samir
اميره خياليه
اميره خياليه
رقم عضويتك : 19779
عدد المساهمات : 830
الاوسمه :
العمل/الترفيه : في شركة سياحة
12052011

default لاحظ أن كلامك جارح

تقييم المساهمة: 100% (1)
مين
فينا مش بيتحط في موقف يحس معاه بالإهانة من قريب أو بعيد؟ شخص فيه عشم
بيننا و بينه أو شخص تعاملاتنا معاه المفروض رسمية، راجل أو ست، شخص أكبر
مننا أو ند لنا و أحيانا أصغر؟




بس
يا ترى كل المواقف دي بيكون لينا حق نزعل منها؟ ولا أحيانا لما تعاتب من
أهانك تفاجأ إن رده ( انت اللي واخد الدنيا بحساسية و مزودها، أنا ما قصدتش
أهينك )



هل
مقياس الإساءة واحد؟ أجد أحيانا بعض الشباب يتبادلون الألفاظ و الشتائم
النابية التي أعجز عن الاستماع إليها فأقل وصف لها إنها خادشة للحياء و مع
ذلك يضحكون فهذا أسلوبهم في المزاح ولا غضاضة في إساءتهم لبعضهم البعض.



وأحيانا أخرى أجد شخصين يتحدثان بهدوء و صوت منخفض و يغضب أحدهم لأن نظرة الآخر أو تعبيرات وجهه جعلته يشعر بالإهانة.



هل
أصبح طبيعيا أن تعتبر رهافة الحس و عفة اللسان وسمو الأخلاق عيوب و سلبيات
في الإنسان يعرف بها عند السؤال عنه ( ده طيب و مالوش في الحوارات) .



في
أحد الأيام و أنا أجلس مع إحدى صديقاتي دخل إبنها ذو العشر سنوات و هو في
غاية الغضب لدرجة أن عينيه كانت مليئة بالدموع و إذا به يصرخ قائلا: ” أنا
اتهزأت، و من مين؟ من بنت أصغر مني و ليه علشان أنا متربي و مش عارف أشتم
ويوم ما هاشتم مش هاشتم بنت. انتي مفروض تعلميني إزاي أشتم أو على الأقل
لما اتشتم أرد إزاي” .

أسقط في يدي صديقتي و حاولت تهدئته قائلة: أنت اللي صح و الحق معاك، هي اللي بنت مش مؤدبة ، ده غير إن هي اللي هتاخد ذنوب وانت لأ.

هدأ الولد قليلا عندما ذكرته أمه أن الشتائم تكسب الذنوب و إن ظل على حنقه كلما تذكر رد فعل زملائه و سخريتهم منه.



ديننا
يحثنا على مكارم الأخلاق، و مجتمعنا للأسف تدنى مستواه في الحوار. و بين
الحيرة بين هذا و ذلك نجد أبنائنا متخبطين و نجد المجهود المطلوب مننا في
تربيتهم مضاعف و كأننا نحارب طواحين الهواء المتمثلة في مجتمع يعتبر
الفظاظة و الألفاظ النابية ملامح النضج و الاستقلالية.

مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

في 12.05.11 19:51emy ghanem
كلامك معقول وصح خالص انا والله العظيم اسوأ سنين عمرى الثانوى كنت داخلة عاملة زى الولد ده براءة بقى وهدوء وادب وطفولة قبل كل حاجة مش زى ما حنا شايفين البنات دلوقتى الاحمر والابيض والاسبنش والهزار والهيصة والضحك فى الشارع
وكنت عاملة زى القطة المغمضة والله مش بشكر فى نفسى بس انا اتربيت على كدة واتربيت ان مجتمعى تربيته نفس تربيتى وفجأة لقيت غير ما انا كنت متوقعة واتصدمت باللى حاصل والمدرسين ونفاقهم للمدير والغيرة المدمرة من زمايلهم والاصحاب اللى بيعرفوكى عشان تغششيشهم فى الامتحانات والناس اللى بوشين وغيره وغيره
واتصدمت وكانت حالتى وحشة اوى لانى مش كنت عارفة اتعامل مع الناس حاسة انى فى وادى وهما فى وادى تانى وتعبت اوى واكتئبت وكمان ايامها جدو توفى وكنت مش هقولكم على حالتى
وبعدين بقيت اتعود على الوضع احنا لحد دلوقتى بابا وماما دايما يقولوا لينا لما نحكى ليهم على موقف او حاجة مش تعاملوا الناس بمعاملتهم ربنا يهديهم دايما يقولوا كدة بس ده مش نافع فى الزمن اللى احنا فيه
تسلم ايدك ياجميل بس فعلا ده اللى حاصل وموضوعك انتى مختاراه بعناية لانه حلو اوى
ومعلشى رغيت بس انا حبيت اعلق
avatar
في 12.05.11 20:18lolla samir
اهلا بيكي حبيبتي نورتيني و اسعدني طبعا تعليقك على الموضوع
على فكرة انا كنت كده في الثانوي برضه لقيت البنات بيشتموا بالاب و الام على سبيل الهزار
و بيتكلموا في مواضيع كانت غريبة بالنسبة لي و مش عارفة بيتكلموا فيها ازاي
غصب عني اتعودت بس كنت عاملة حدود محدش يتخطاها ... يعني حاولت اتأقلم بأقل الخسائر
و عدت على خير و اصحابي اتغيروا للاحسن الحمد لله و لسه اصحاب لحد دلوقتي
رغيت انا كمان .. هههههههه
نورتيني بجد
avatar
في 12.05.11 22:21كليوباترا
عندكم حق بجد البنات بقت صعبه اوى انا بشوف البنات بحس انى انا عندي براءه اكتر منهم هههههههههههههههههههه موضوع جميل اوي يا لولا
avatar
في 13.05.11 0:10malakmohamed
تقريبا فى الزمن اللى احنا فيه البنات بقت حاجه صعبه خالص دى وصلت لان البنت هى اللى بقت تعاكس الشاب وهو ماشى بس انتو العرفين التربيه برضو عامل مهم اوى
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى