وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
منتدي وصفات كليوباترا


أهلا وسهلا بك إلى وصفات كليوباترا .
أهلا وسهلا بك ضيفنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمات، بالضغط هنا.كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، وفي حال رغبت بقراءة المواضيع والإطلاع فتفضل بزيارة القسم الذي ترغب أدناه.
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 تجربتك فى تعويد طفلك الاستغناء عن الحفاظ ( البامبرز )

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4  الصفحة التالية
كاتب الموضوعرسالة
09052011
مُساهمةتجربتك فى تعويد طفلك الاستغناء عن الحفاظ ( البامبرز )


الموضوع ده مش سهل وفى امهات كتير بتسأل فيه عشان كده فكرت انى اعرض تجربتى وبعض تجارب اصدقائى والناس المحيطين بيا وكل ام تحكى تجربتها مع اولادها عشان الامهات الجداد يستفيدو منها

ازى نعود اطفالنا يتعود على البوتى او القصريه

اولا مهم انك تعودى طفلك على انه يقعد عليها من سن صغير عشان لما تيجى تقعديه عليها لما يكبر حيكون الموضوع صعب لكن انا معرفش بالتحديد ايه العمر الى ممكن تعوديه فيه انه يقعد عليها فى ناس بتبتدى من شهرين او 4 او 6بس يفضل مش اكتر من كده

بس فى المرحله دى بتعوديه بس انه يقعد عليها يعنى مش حتبتدى تعوديه انه يستغنى عن البامبرز لان سنه صغير

يعنى حنلبسه البامبرز مثلا واحنا خارجين او واحنا فى البيت لكن اخلى فى مواعيد ثابته اقعده فيها عليها عشان يسهل علينا لما نبتدى نعوده انه يستغنى عن البامبرز

انا اعرف من الدكتور انك ممكن تبتدى تعوديه على انه يستغنى عن البامبرز من سن سنه و3 شهور

لكن لازم نعرف حاجه مهمه جداااااااااااااااااااااااااااااا

ان الاطفال بيختلفو عن بعض فى حاجه زى دى جدا

يعنى فى ناس بتتعود بسرعه فى سن صغير وفى ناس بتاخد وقت وفى ناس مابتتعودش غير لما تكبر شويه

بس الكلام الاكيد وده كلام دكتور اطفال متخصص فى التبول اللاارادى كنت اخدت أستشارته لان بنتى كانت اتأخرت عن باقى الاطفال الى اعرفهم وده غلط كبير جدا كنت بعمله وهو انى اقارن بينها وبين باقى الاطفال

الدكتور بقى بيقول ايه

بيقول ان الاطفال ممكن مايقدروش يتحكمو فى البول لسن 4 سنين وان ده طبيعى جدا لان الجسم قبل كده مابيكونش لسه اتعود انه يتحكم فى الموضوع فسيولوجيا لكن انتى الى بتبتدى تعودى عقل الطفل

وانك مهم جدا انك ماتضربهوش نهائى على حاجه زى دى قبل مايتم 4 سنين

وانا بصراحه لاحظت انى لما كنت بستعمل اسلوب الضرب مع بنتى كان بيدى نتيجه عكسيه

ومعظم مشاكل التبول اللاارادى بيكون اسبابه نفسيه وبتتحل بالحنان

اما لو الطفل عدى 4 سنوات ولسه مابيقدرش يتحكم فيها فلازم تاخدى اجراء وهو اننا نتأكد ان السبب مش فسيولوجى ولو فعلا مافيش سبب فسيولوجى يبقى لازم تاخدى موقف حاسم معاه وتبتدى تعاقبى

طيب بالنسبه لقبل السن ده لازم يكون التعليم بالتشجيع لان ده مهم جدا ولازم تلغى العقاب من الموضوع ده حسسيه بس انك زعلانه وان دى حاجه مش كويسه

لكن للامانه انا اعرف ناس استعملت الضرب ونفع بس مش كتير لكن انا رأيي ان بلاش ضرب فى الغالب حيدى نتيجه عكسيه

لما تاخدى القرار انك حتبتدى تعوديه يستغنى عن البامبرز نهائى يفضل انه يكون فى الصيف وحتشيلى البامبرز نهائى طول ماهو صاحى يعنى مش تلبسيه حتى وانتى خارجه لان كده بيحصله لخبطه وتقعديه عليها كل ساعتين
فى الاول ممكن يعمل مره اه ومره لا وبعدين حيتعود وانتى حتعرفى مواعيده

ولازم تستعينى بربنا ويكون عندك اراده اوعى تزهقى بسرعه

فى اطفال بتاخد اسبوعين او اقل وبعدها بيتعلمو بس اسبوعين مابيلبسش فيهم البامبرز خالص وكل شويه تقعديه عليها عشان مايعملهاش على نفسه وفى اطفال بتاخد شهور وشهور لحد ماتتعلم لكن لازم يكون عندك صبر

انا بنتى كنت بعودها تقعد عليها من وهى صغيره جدا وابتديت اعودها تستغنى عن البامبرز فى سن سنه ونص وتعبت جدا معاها لحد ماتعلمت قعدت 8 او 9 شهور اعلم فيها وكنت مابلبسهاش بامبرز نهائى ولحد دلوقتى ممكن بعض مرات تعملها على نفسها هى لسه ماكملتش 3 سنين

أعرف ناس ابتدت لكن ماكانش فى نتيجه خالص فرجعو لبسو البامبرز ولما الاطفال كبرو شويه كررو المحاوله وكانت اسهل والاطفال اتعلمو بسرعه

بالنسبه لانك تعوديه على انه يستغنى عن البامبرز وهو نايم فى ناس بتخليه فى نفس الوقت اللى بتعوده فيها على انه يستغنى عنه وهو صاحى بس فى اطفال بيكون سهل الموضوع ده معاها لان فى اطفال بطبيعتها مابتعملهاش وهما نايمين وفى اطفال بيحتاجو يكبرم شويه


انا بنتى لحد دلوقتى لسه بتلبس البامبرز وهى نايمه وناويه ابتدى فى الصيف ان شاء الله

لان مهم جدا انك تبتدى فى الصيف عشان لو عملها على نفسه وهو نايم مايجلهوش برد لما هدومه تتبل


الدكتور كان قالى السنه الى فاتت انها صغيره جدا على انى اعلمها تستغنى عليه وهى نايمه لكن فى اطفال بيتعلمو يستغنو عنه وهما نايمين من قبل السنتين


يعنى فى النهايه ان الموضوع اكبر حاجه بتتحكم فيه هى طبيعة طفلك انتى يعنى زى ماقلنا الموضوع ده بيختلف جدا من طفل للتانى
تانى حاجه هى ارادتك وصبرك انتى فى تعليم طفلك

وربنا يارب يقدرنا جميعا على تربيتهم
ويجعل اعملنا خالصة لوجهه تعالى
كاتب الموضوع : فاطمة الزهراء


عدل سابقا من قبل فاطمة الزهراء في 09.05.11 21:30 عدل 1 مرات
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تجربتك فى تعويد طفلك الاستغناء عن الحفاظ ( البامبرز ) :: تعاليق

@roro25285 كتب:
موضوع رائع ياجميل واخبرا عرفت اقيم الحمد لله
انا فعلا تعبانه دلوقتى خالص مع محمد لانى كنت بقعده وهو صغير قبل السنه وبعدين بقى بيكرها وبيخاف منها رغم ان شكلها كانه عربيه لعبه ولسه من كام يوم بعد ماكمل السنتين بدأ يعمل مره عشره لاه
بس انا ان شاء الله هحاول ابقى اقلعه البامبرز خالص لما اولد عشان دلوقتى انا مش حمل تنضيف خااااااااااااااالص والله المستعان على كل شئ


ربنا يقدرك يارب ويعينك على تربيته ويقومك بالسلامه يا رورو يارب
@mamy_nonna كتب:
اقولوكو انا تجربتي بقى
انا عندي بنت و وولد
البنت بديت معاها و هيه سنه و شهرين .. و دقت المر فعلا و بيتي اتبهدل بهدله و اتهد حيلي
و اتصلت بخبراء كتير و قريت كتب كتير
الغلطه كانت غلطتي انا ..الطفل قبل سن سنتين مفروض منعودوش على البوتي لان ده تضييع وقت
و فعلا مع ابني و بالرغم انهم بيقولوا تعويد البنات اسهل ,,هما اسبوعين بس
كنت بقعده على البوتي كل ساعه عمل او معملش و لما كان بيعمل كنا بنعمله هيصه و اديله ساعات بنبوني او نقعد نغنيله انا و اخته هههههههه

ماشاء الله عليكى ربنا يباركلك فيهم يارب ويحفظهم

فعلا كل طفل غير التانى والموضوع مالوش علاقه ببنت او ولد

انا فعلا بنتى التانيه مش حبتدى اقلعها البامبرز خالص غير لما تقرب تكمل السنتين ان شاء الله لكن انا الحمد لله ابتديت اعودها تقعد على البوتى هى قربت تكمل 7 شهور
ايه الجمال ده
موضوع جامد جدا ومفيد ايوه كده ادونا نصايحكم علشان نعرف نتصرف مع الجيل الجديد اللى جاى فى السكه ههههههههههههههه
وتم التقيم يا بطوطه يا عسل
تسلميلى يارب يالولو
ايوه استعدى كده عقبال يارب لما تبقى ام شاطره واحنا الى نيجى نطلب منك المشوره
 

تجربتك فى تعويد طفلك الاستغناء عن الحفاظ ( البامبرز )

استعرض الموضوع السابق استعرض الموضوع التالي الرجوع الى أعلى الصفحة 

صفحة 2 من اصل 4انتقل الى الصفحة : الصفحة السابقة  1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: قسم الأم والطفل :: الحمل والتربيه السليمه Pregnancy and children care-
انتقل الى: