استعرض الموضوع السابقاستعرض الموضوع التالي
avatar
فاطمة الزهراء
اميره فضيه
اميره  فضيه
رقم عضويتك : 2609
عدد المساهمات : 4841
الاوسمه :
09052011
الموضوع ده مش سهل وفى امهات كتير بتسأل فيه عشان كده فكرت انى اعرض تجربتى وبعض تجارب اصدقائى والناس المحيطين بيا وكل ام تحكى تجربتها مع اولادها عشان الامهات الجداد يستفيدو منها

ازى نعود اطفالنا يتعود على البوتى او القصريه

اولا مهم انك تعودى طفلك على انه يقعد عليها من سن صغير عشان لما تيجى تقعديه عليها لما يكبر حيكون الموضوع صعب لكن انا معرفش بالتحديد ايه العمر الى ممكن تعوديه فيه انه يقعد عليها فى ناس بتبتدى من شهرين او 4 او 6بس يفضل مش اكتر من كده

بس فى المرحله دى بتعوديه بس انه يقعد عليها يعنى مش حتبتدى تعوديه انه يستغنى عن البامبرز لان سنه صغير

يعنى حنلبسه البامبرز مثلا واحنا خارجين او واحنا فى البيت لكن اخلى فى مواعيد ثابته اقعده فيها عليها عشان يسهل علينا لما نبتدى نعوده انه يستغنى عن البامبرز

انا اعرف من الدكتور انك ممكن تبتدى تعوديه على انه يستغنى عن البامبرز من سن سنه و3 شهور

لكن لازم نعرف حاجه مهمه جداااااااااااااااااااااااااااااا

ان الاطفال بيختلفو عن بعض فى حاجه زى دى جدا

يعنى فى ناس بتتعود بسرعه فى سن صغير وفى ناس بتاخد وقت وفى ناس مابتتعودش غير لما تكبر شويه

بس الكلام الاكيد وده كلام دكتور اطفال متخصص فى التبول اللاارادى كنت اخدت أستشارته لان بنتى كانت اتأخرت عن باقى الاطفال الى اعرفهم وده غلط كبير جدا كنت بعمله وهو انى اقارن بينها وبين باقى الاطفال

الدكتور بقى بيقول ايه

بيقول ان الاطفال ممكن مايقدروش يتحكمو فى البول لسن 4 سنين وان ده طبيعى جدا لان الجسم قبل كده مابيكونش لسه اتعود انه يتحكم فى الموضوع فسيولوجيا لكن انتى الى بتبتدى تعودى عقل الطفل

وانك مهم جدا انك ماتضربهوش نهائى على حاجه زى دى قبل مايتم 4 سنين

وانا بصراحه لاحظت انى لما كنت بستعمل اسلوب الضرب مع بنتى كان بيدى نتيجه عكسيه

ومعظم مشاكل التبول اللاارادى بيكون اسبابه نفسيه وبتتحل بالحنان

اما لو الطفل عدى 4 سنوات ولسه مابيقدرش يتحكم فيها فلازم تاخدى اجراء وهو اننا نتأكد ان السبب مش فسيولوجى ولو فعلا مافيش سبب فسيولوجى يبقى لازم تاخدى موقف حاسم معاه وتبتدى تعاقبى

طيب بالنسبه لقبل السن ده لازم يكون التعليم بالتشجيع لان ده مهم جدا ولازم تلغى العقاب من الموضوع ده حسسيه بس انك زعلانه وان دى حاجه مش كويسه

لكن للامانه انا اعرف ناس استعملت الضرب ونفع بس مش كتير لكن انا رأيي ان بلاش ضرب فى الغالب حيدى نتيجه عكسيه

لما تاخدى القرار انك حتبتدى تعوديه يستغنى عن البامبرز نهائى يفضل انه يكون فى الصيف وحتشيلى البامبرز نهائى طول ماهو صاحى يعنى مش تلبسيه حتى وانتى خارجه لان كده بيحصله لخبطه وتقعديه عليها كل ساعتين
فى الاول ممكن يعمل مره اه ومره لا وبعدين حيتعود وانتى حتعرفى مواعيده

ولازم تستعينى بربنا ويكون عندك اراده اوعى تزهقى بسرعه

فى اطفال بتاخد اسبوعين او اقل وبعدها بيتعلمو بس اسبوعين مابيلبسش فيهم البامبرز خالص وكل شويه تقعديه عليها عشان مايعملهاش على نفسه وفى اطفال بتاخد شهور وشهور لحد ماتتعلم لكن لازم يكون عندك صبر

انا بنتى كنت بعودها تقعد عليها من وهى صغيره جدا وابتديت اعودها تستغنى عن البامبرز فى سن سنه ونص وتعبت جدا معاها لحد ماتعلمت قعدت 8 او 9 شهور اعلم فيها وكنت مابلبسهاش بامبرز نهائى ولحد دلوقتى ممكن بعض مرات تعملها على نفسها هى لسه ماكملتش 3 سنين

أعرف ناس ابتدت لكن ماكانش فى نتيجه خالص فرجعو لبسو البامبرز ولما الاطفال كبرو شويه كررو المحاوله وكانت اسهل والاطفال اتعلمو بسرعه

بالنسبه لانك تعوديه على انه يستغنى عن البامبرز وهو نايم فى ناس بتخليه فى نفس الوقت اللى بتعوده فيها على انه يستغنى عنه وهو صاحى بس فى اطفال بيكون سهل الموضوع ده معاها لان فى اطفال بطبيعتها مابتعملهاش وهما نايمين وفى اطفال بيحتاجو يكبرم شويه


انا بنتى لحد دلوقتى لسه بتلبس البامبرز وهى نايمه وناويه ابتدى فى الصيف ان شاء الله

لان مهم جدا انك تبتدى فى الصيف عشان لو عملها على نفسه وهو نايم مايجلهوش برد لما هدومه تتبل


الدكتور كان قالى السنه الى فاتت انها صغيره جدا على انى اعلمها تستغنى عليه وهى نايمه لكن فى اطفال بيتعلمو يستغنو عنه وهما نايمين من قبل السنتين


يعنى فى النهايه ان الموضوع اكبر حاجه بتتحكم فيه هى طبيعة طفلك انتى يعنى زى ماقلنا الموضوع ده بيختلف جدا من طفل للتانى
تانى حاجه هى ارادتك وصبرك انتى فى تعليم طفلك

وربنا يارب يقدرنا جميعا على تربيتهم
ويجعل اعملنا خالصة لوجهه تعالى


عدل سابقا من قبل فاطمة الزهراء في 09.05.11 21:30 عدل 1 مرات
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

فى الحقيقى الموضوع دة صعب ومرهق موووووت وانا اولادى الفرق ما بينهم سنة واحدة فكان الموضوع دة قاسى جدا عليا لانهم عاملين زى التؤام فى كل حاجة إلا اشياء بسيطة زى الموضوع دة فحولت مع ابنى الاكبر من سن صغير ولكن كان بيغير من اخوة حولت اعود اخوة كان صعب لانة صغير فبقيت فى دوامة وحلقة مغلقة لا تنتهى مش عارفة اعود الكبير وسنة بيكبر والاصغر صعب ترويضة وانتظرت حتى اصبح الكبير 3 سنوات ولكن مع محاولات مستمرة فاشلة بسبب الغيرة حتى اصبح الصغير سنتان فبدأت معهم الاثنان كحد سواء واحاول استغل الغيرة فى التشجيع ومين الافضل والله المستعان الاكبر اخد وقت اكتر من الصغير حتى ان الموضوع دة لسة منتهى وهو الان لسة تامم 4 سنوات وكل دة من الغيرة والصغير الان 3 سنوات وبرضة بعد ما انتظمنا لوقت كبير لسة بقالة يومان بدأ يعمل تانى وبرضة من الغيرة لان اخوة هيدخل المدرسة وحاسس ان فى اهتمام بية اكتر حتى لاحظت والله المستعان فبالله عليكم ادعولى لانى الله وحدة يعلم بحالى
avatar
ربنا يعينك يارب ويقدرك على تربيتهم فعلا الموضوع صعب جدا خاصة لما بيكون الفرق صغير
ان شاء الله ربنا يهديهم ليكى
avatar
ربنا يقويكى ياحبيبتى ويقوينا كلنا استعينى بالله وربنا معاكى
تسلم ايدك يا بطتى حلو اوى الموضوع ومهم جدااااااااااااااااااااااااااا
هقولك على تجربتى انا كمان هههههههههههههههههههههههههه بس مش مع ولادى انا لسة مش اتجوزت بس لما كنت مدرسة فى حضانة
مهم اوى انك تكونى قريبة من اولادك وانا كنت بتعامل مع اطفالى فى الحضانة على انهم عيالى انا وكنت فاهمة كل واحد فيهم بيفكر ازاى من قربى منهم مش كنت بتعامل على انى مدرستهم بس لاة كنت بتعامل على انى امهم كنت حابة اوى اللى انا فيه بجد
عارفين كان عندى بطوط انا اللى كنت مسمياه كدة المهم هو كان شاطر اوى وكان بيعمل بيبيه فى الحمام الدادة كانت بتاخده وتخله وبيعرف يقول هو كان عنده سنة و 9شهور وبعد ما بقى عنده سنتين ونص كدة لقيته كام يوم متغير يعنى بيعمل على نفسه فى الاول بقيت اقول جايز تعبان ومامته لاحظت قالت ممكن تعبان بس هو كان كويس مرة فى مرة بقينا نصبر عليه لحد ما مامته زهقت وبقت تعاقبه بالخصام وكدة وكانت بتنبه عليا وعلى الدادة اننا نخاصمه لو عمل بيبيه
بس انا كنت بلاحظ انه بيعيط لما بيعمل البيبيه كان بيبقى خايف وحسيت انه بيعمل على نفسه غصب عنه ومبقتش اعاقبه وازعق للدادة انها بتزعق ليه وفكرت مع نفسه وحسيت والله بجد انه عنده مشكلة نفسية قلت لمامته انتى مفيش حاجة جاية فى السكة منى لنفسى مع انى مش عندى خبرة خالص قامت قالت انا البيريود مقطوعة بقالها شهرين مش عارفة هروح اكشف قلقتلها طيب روحى اكشفى وهتلاقى نفسك حامل لان بطوط نفسيته تعبانة بسبب ده لان كنت قريت ان الطفل بيحس ان فيه بيبى فى بطن امه من قبل ما امه نفسها تعرف وفعلا طلعت حامل وبطوط حبيبى كان نفسيته متغيرة بسبب ده بقينا بالحنان انا وهى وبطلت تعاقبه وبقى الحمد لله يطلب يدخل الحمام وبقينا نديله بنبونى واخلى زمايله يصقفوا ليه ههههههههههههههههههه
وحشونى اوووووووووووووووى احلى 3 سنين فى عمرى قضيتهم مع ولادى حبايب قلبى
رغيت كتيييير مش كدة
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى