منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى

طريقه عمل الفسيخ في البيت بالصور

صفحة 3 من اصل 3 الصفحة السابقة  1, 2, 3

استعرض الموضوع السابق استعرض الموضوع التالي اذهب الى الأسفل

روان
مشرفه عامه
مشرفه عامه
رقم عضويتك : 2672
عدد المساهمات : 11113
الاوسمه :
العمل/الترفيه : طالبه جامعيه

مُساهمةروان

فيه ناس كتير بتحب تاكل الفسيخ بس بتخاف ميكونش مضمون من بره
انا شوفت الموضوع دا وعجبني قلت انقله يمكن الاميرات تستفاد


المكونات:

سمك بوري" الكيلو سمكتين"
نص كيس ملح خشن
2 معلقه كبيره شطه
و اكياس جديده
و حته قماش

الطريقه:

اول حاجه نجيب السمك طازه و حطي 100 خط علي طازه
و مانغسلوش و مانعملش فيه اي حاجه





و بعدين نجيب جرنان و نحط عليه السمك بالشكل ده



لحد مايصفي كل الدم
لمده لا تقل عن 12 ساعه
يعني تحطيه بالليل و تعمليه الصبح



وبعدين تجيبى الشطة والملح



وبعدين تفتحى خياشيم السمكة كده على الأخر
شايفاها حمرا أزاى لأنها طازه



و بعدين نحشي خياشمها دي بالملح و الشطه
تجيبي الملح و الشطه و تلخبطيهم علي بعض
و بعدين تحشي لحد ما تحسي انها هاتفرقع و تضغطي عكده بصوابعك علي الخياشيم المحشيه دي
هتلاقي الملح بيخش لجوه كده و بيتكبس
كده زي الصوره


و تعملي كده في كميه السمك اللي عاندك
و بقي شويه من الملح و الشطه دول...
هاقولك هانعمل بيهم ايه
حلو ..... حلو
تجيبي بقي كيس نايلون و تحطي فيه شويه ملح و شطه كده
بس ماتحطيش اكتر من سمكتين في الكيس الواحد

اهو الكيس فوق
تعالي بقي نحط السمك بعد ماحشيناه
واحده عكس التانيه
كده زي الصوره

و نروح رشين عليه شويه كمان من الملح و الشطه
و نربط الكيس الاولاني كويس قوي
و نلفه في كيس نايلون تاني



و بعين تلفيه في كذا كيس
يعني حوال 5 كده
و بعدين اخر حاجه نلفه في مشمع
او كيس تخين علشان مايطلعش ريحه
كده




و بعدييييييييييييييييييييييييييين بقي
نحطه في حته كده بعيد شويه
يعني في درفه مطبخ اللي تحت
او اللي عندها دولاب بلكونه
او اي حته مداريا
بصي بقي ركزي شويه معايا
احنا مش هانفتح الفسيخ خالص
اول 3 ايام.... مش هانيجي جانبه خالص
من بدايه اليوم الرابع لحد اليوم 15
كل يوم نقلبه مره
و هو ملفوف زي ماهو
يعني بنقلب اللفه كلها
الكيس كله
ازاي بقي
هو دلوقتي معدول نقوم محركينه كده كأنه نام علي الجنب الشمال
و بكره نخليه ينام علي بطنه
و بعده نخليه علي الجنب اليمين
و بعده نخليه تاني يتعدل
يعني بيلف
كل يوم حركه واحده بس
يعني اول ماتصحي الصبح حركيه و انسيه بقي لحد تاني يوم الصبح
الحركه دي مهمه قوي
لانها بتخليه يستوي
طيب هايطلع ريحه... اه هايطلع ريحه بس اول تلات ايام بس
و بعدين هايبقي فيه ريحه... اه بس خفيفه قوي
طيب خلصو ال15 يوم
تكوني بقي مجهزه القعده
بصل اخضر و عيش و ليمون و ياسلام بقي لو عودين نعناع علشان الشاي اللي بعده
و هاوريكو صورته حالا

استنوني
تعالي شمي بقي" قاصدي " شوفي الصور
ده شكله لما فتحته بعد 15 يوم
و شلت كيس ورا كيس ورا كيس
ياااااااه
كتير قوي
المهم... اهه شكله قبل ما اطلعه من اخر كيس



اهو بقي يا ستي الفسيخ
و دي بقي لما طلعتو من الكيس
بس اهم حاجه خلي بالك افرشي جرنان واعملي احتياطاتك




طبعا تجيبي سكينه و تشيلي كل القشر بتاعه
و بعدين تبلي ايدك ميه و تمسحي الفسيخه كده من برا ..
علشان تشيلي القشر اللي لازق عليها
و بعدين تقطعي راسها و ترميها
و بعدين تفتحيها كده و تشيلي بطنها
و بيبقي شكلها كده


ها ايه رأيكو

رووووووووووووووووووووووعه
شايفين اللون يا بنات
و اييييييييييييييه بقي كريمه
لحمه دايب جدا
و دي صوره كمان



مستنيه رأيكو

صفحة 3 من اصل 3 الصفحة السابقة  1, 2, 3

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

طريقه عمل الفسيخ في البيت بالصور :: تعاليق

عيون القلب
اميره خياليه
اميره خياليه
رقم عضويتك : 7424
عدد المساهمات : 605
الاوسمه :
العمل/الترفيه : كمبيوتر

مُساهمة في 17.04.11 2:07 من طرف عيون القلب

وااااااااااااااااااااااااااااااااااااااء كدة يا روان جوعتيني حرام عليكي ريقي نشف هههههههههههههه
روان
مشرفه عامه
مشرفه عامه
رقم عضويتك : 2672
عدد المساهمات : 11113
الاوسمه :
العمل/الترفيه : طالبه جامعيه

مُساهمة في 17.04.11 3:00 من طرف روان

mervat ebrahim mohamed كتب:طريقة سهلة وجميلة انا بحبة قوووووووووى ها اجربة اكيد تسلمى يا روروووووووو
بالتوفيق حبيبتي
روان
مشرفه عامه
مشرفه عامه
رقم عضويتك : 2672
عدد المساهمات : 11113
الاوسمه :
العمل/الترفيه : طالبه جامعيه

مُساهمة في 17.04.11 3:00 من طرف روان

@عيون القلب كتب:وااااااااااااااااااااااااااااااااااااااء كدة يا روان جوعتيني حرام عليكي ريقي نشف هههههههههههههه
تسلمي منوره اموله ههههههههههههه
avatar
shmandoo80
اميره حيويه
اميره حيويه
عدد المساهمات : 76
الاوسمه :

مُساهمة في 18.04.11 17:03 من طرف shmandoo80

جميل جداااااااااااااااااااا ياروان تسلم ايدك ياجميل ...دا انا بموت فى الفسيخ ده بس جوزى مش بيشجعنى فى اكله عشان هو مش بيحبه خالص ...بس انا بحبه جدااااااااا وبضرب معاه بصل كتييييييييييييييييير هههههههههههههههههههههههههههههههه
وتسلم ايدك كمان مره ياجميل وكل سنه وانتم طيبين وبخير يااااااااااااااااااارب
روان
مشرفه عامه
مشرفه عامه
رقم عضويتك : 2672
عدد المساهمات : 11113
الاوسمه :
العمل/الترفيه : طالبه جامعيه

مُساهمة في 18.04.11 18:36 من طرف روان

@shmandoo80 كتب:جميل جداااااااااااااااااااا ياروان تسلم ايدك ياجميل ...دا انا بموت فى الفسيخ ده بس جوزى مش بيشجعنى فى اكله عشان هو مش بيحبه خالص ...بس انا بحبه جدااااااااا وبضرب معاه بصل كتييييييييييييييييير هههههههههههههههههههههههههههههههه
وتسلم ايدك كمان مره ياجميل وكل سنه وانتم طيبين وبخير يااااااااااااااااااارب

تسلمي جربيه وبالهنا والشفا يا روحي
وانتي طيبه

صفحة 3 من اصل 3 الصفحة السابقة  1, 2, 3

استعرض الموضوع السابق استعرض الموضوع التالي الرجوع الى أعلى الصفحة

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى