استعرض الموضوع السابقاستعرض الموضوع التالي
31032011
بسم الله

بصو بقى الوجبة دى انا بعشقها جدا جدا جدا وان شاء الله هتعجبكو

المقادير :

1- وراك فراخ ( طبعا حسب الكمية الى انتى عيزاها بس المقادير الى انا كتباها على النص كيلو )

2- 2 علبة زبادى بلدى

3- 2 بصلة كبيرة

4- 2 طماطم كبيرة

5- 2 فلفل اخضر او حار حسب رغبتك

6- توابل ( ملح - فلفل اسود - بهارات )

الطريقة بقى يا اميرات

1- بتغسلى الوراك كويس جدا وتحطيهم فى صينية ويكونو كلهم مرتاحين مش فوق بعض علشان يتتبلو كويس

2-تقطعى الطماطم والبصل والفلفل شرايح

3- تحطيهم فى الخلاط وتضربيهم بحبة مية صغيرة

4- افتحى الخلاط وحطى علبتين الزبادى والتوابل واضربيهم كلهم مع بعض مرة كمان
وطبعا تدوقى التوابل والى ناقص تزوديه لغاية مايطلع الطعم مظبوط

5- هيطلعلك الصوص دا حطيه على الفراخ فى الصينية ودخليها التلاجة ساعة او 2 على حسب مانتى عايزة

6- حطيهم بعد كدا على النار عالية لغاية ماتغلى وبعدين هدى النار عليها علشان تستوى

7- اول ماتلاقى الفراخ استوت والصوص كمان وبقت لونها محمر افتحى الفرن بتاعك وحطيها 5-10 دقايق عشان وشها يحمر

8- والفراخ فى الفرن تولعى على فحم واول ماتخرجيها حطى الفحمة فيها وغطيها عشان تاخد اكبر كمية من الفحم

9- جهزى طبق التقديم بتااعك وحطى الفراخ والصوص وكلى وادعيلى

بجد هتعجب كل الى هيعملها وهياكلها

طبعا فى انتظار ردودكم يا حلوات وياريت تجربوها وتقولولى طلعت معاكم ازا
ى

:جعا
نه :


geek
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

avatar
تسلم ايديكى يا قمر حلوه اوى
avatar
شكلها جامدة خالص انشالله حاجربها
انا لسه مجربتهاش بس شكلها هتبقى حلو قوى تسلم ايديك
avatar
انا الليلة جربتها وطلعت حلوة خالص
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى