جوزك تاعبك..وقارفك..ومش عارفة تعملى معاه ايه...ضورى على مقاس سلطنيته

emmy khaled
اميره نشيطه
عدد المساهمات : 153
الاوسمه :

مُساهمةemmy khaled

السلام عليكم ورحمة الله وبركاته


أزيكم يا بنات
فى الحقيقة بيوصلنى رسايل لا بأس بيها من المشاكل الزوجية ...وطبعا محدش يقدر ينكر أن كل بيت فيه من المشاكل ما يكفيه بس أنا عندى نظرية 100/100 هقولكم عليها ...طبعا أنا برده عندى مشاكل كتيييير زى أى بيت بس الحقيقة أن النظرية دى برده جنبتنى شوية كتير منها ... أنا فعلا كنت رديت على أخت من الأخوات بيها وبعد كدة حبيت أنى أحطها فى موضوع لوحدة لعل وعسى أنها تفيد أى واحدة منكم ويوضع سره فى أضعف خلقه ....بس الحقيقة لطول الموضوع وبدل ما أكتبه من جديد فأنا بعد أذنها هعمل منه نسخة وأحطهالكم...ولو حد جربها وجابت معاه نتيجة يبقى يقولى

نظرية السلطنية



لازم تعرفى أن الراجل بيفكر بطريقة مختلفة عن الست نهائيا...وده دايما بيكون سبب الخلاف يعنى فى حاجات ممكن تعمليها وتكون بالنسبة ليكى مهمة وشايفة أنه حاجة كبيرة ولكن هى للأسف مبيكونش ليها عنده أى أعتبار وبالعكس فى حاجات ممكن أنتى شايفاها صغيرة لكن بالنسبة ليه بتكون كبيرة ومهمة....خدى بالك من الحاجات دى كويس....وأنا بيتهيألى من كلامك أن جوزك جد شوية أو زى أحنا الستات مبنقول أنه مش رومانسى....على العكس تماما وأنت بتلبسى وتتزوقى ومستنية منه كلمة أو نظرة أوأبتسامة.......عاوزة أقولك أن 98% من البيوت فيها هذا الرجل...اللى بيروح الشغل وتطلع روحه ويتبهدل ويجى يا عينى تعبان يلاقى مراته طبقة فى زمارة رقبتوا ...عيزلها كلمتين حلوين... ماهى قعدة طول النهار فى البيت مورهاش حاجة ويجى ياعينى تعبان وجعان عاوز ينام ويرتاح...وهى لابسة ومتزوقة ومستنياه "هو ماشى فى أتجاه وهى ماشية فى أتجاه" وبعدين يآكل ويدخل علشان ينام يلاقيها جية وراه برضه ...يعنى سابلها الصالة جية وراه فى الأودة. هههههه
مع أنه بقى يا حبيبتى لو صحبوا رن عليه هتبصى تلاقيه بقى زى القرد يفط وينط وفى دقيقة تلاقيه لابس وعلى سنجة عشرة...هو هو نفسه اللى كان من خمس دقايق ميت وعاوز ينام....."بس هتقولى ايه بقى" لأ وأيه يا سلام لما يكون فيه ضيوف...ياسلام على الرقة واللطف والزوق والأبتسامة العريضة اللى من هنا لهنا تقولى بلسم ...لدرجة ان الناس تقول عليكى ظالمة ومفترية ...وأول ما يتقفل الباب تلاقى الوش الخشب رجع....يلا بلاش أوجع قلبك أكتر ما هو موجوع
المهم عوزاكى تعرفى أن كل البيوت فيها الراجل ده....بس اللى بيختلف ؟؟؟؟؟؟؟؟؟؟؟؟؟؟؟؟
الست فيه ست شاطرة تعرف طبع جوزها وتعرف أزاى تتعامل معاه..وأزاى تضحك عليه..وأمتى تسكت لما يكون السكوت مطلوب...وأمتى تتكلم... وأمتى تطلب منه طلب...وأذاى تطلب منه طلب....والطريقة اللى تطلب بيها الطلب....وبعد دا كله تلبسه السلطنية وتخليه هو اللى ينزل يشترى الطلب.وبرده لازم تعرفى كل راجل ليه مقاس سلطنية ....يعنى مينفعش سلطنية جوز أختك...تيجى على مقاس جوزك...لأن كل واحد ليه طبع...ومهم أزاى يلبس السلطنية من غير ميحس....يعنى لوهو عنيد يبقى تطلبى عكس طلبك ومش بس كدة دأنت تستميتى فى محاولة تحقيق العكس...هتلقيه بيعمل اللى أنتى عايزاه من غير ما يحس

أنا أنصحك شيلى فكرة الطلاق دى نهائى من دماغك ...لأن أنتى وأولادك اللى هيدفعوا التمن ....الفكرة دى متجيش بالك أبدا.....بس بقى ضورى على مقاس جوزك فى السلاطين.....مع شوية حنية....مع أبتسامة "مهما كان اللى فى قلبك..أو مهما كان رد فعله"...أضحكى عليه بكلمتين حتى لو بالكدب هتكسبيه....الرسول حلل الكدب لأصلاح البيوت شفتى لدرجة أيه.....قوليلو بحبك ...مقدرش أستغنى عنك ...مقدرش أعيش من غيرك...أنا من غيرك ولا حاجة....حياتى منغيرك ملهاش طعم....الرجالة دايما تحب اللى ينفخها..ثبتيه بكلمتين بس زى ما بقولك تعرفى أزاى وأمتى تقوليهم...."علشان يعنى ميركبش ويدلدل سورى يعنى" بس الكلام ده قدام شوية أحنا دلوقتى فى مرحلة الأصلاح ...الكلام الحلو أحسن ليكى دلوقتى

وبصى بقى ....قبل كل ده....
الدعااااااااااااااااااااااااااااء لله عز وجل.
ولله الدعاء دواء لكل داء

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
جوزك تاعبك..وقارفك..ومش عارفة تعملى معاه ايه...ضورى على مقاس سلطنيته :: تعاليق
avatar
كليوباترا
ملكه المنتدى
ملكه المنتدى
رقم عضويتك : 1
عدد المساهمات : 73623
الاوسمه :
العمل/الترفيه : طبيبه اسنان

مُساهمة في 15.03.11 20:07 من طرف كليوباترا

تسلم ايديكى يا ايمى موضوع رائع بس فعلا محتاجين كلنا نقيس السلطنيه مقاسها ايه هههههههههههههههههههههه علشان نرتاح Smile
doaa noah
اميره حيويه
اميره حيويه
عدد المساهمات : 89
الاوسمه :

مُساهمة في 15.03.11 21:10 من طرف doaa noah

السلطنيات مقستها كتييييييييييييييير ارف مقاسه ازى هتوه كدا ههههههههههه

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى