اللى زعلانه مع جوزها تدخل وانا اظبطها.......ومش حتندم

استعرض الموضوع السابق استعرض الموضوع التالي اذهب الى الأسفل

emmy khaled
اميره نشيطه
اميره نشيطه
عدد المساهمات : 153
الاوسمه :

مُساهمةemmy khaled

انا هدخل فى الموضوع على طول

بس فى الاول


خلينا نتفق على حاجتين مهمين:
------------------


اولا: مفيش بيت بيخلى من المشاكل:
--------------------

واللى يقلك غيركده بيضحك عليكى

اوعى تصدقيه

كل الابواب اللى انتى شيفاها مقفوله ديه

وراها مشاكل يتعمل منها افلام



ثانيا: فى شيطان موكل بالازواج:
--------------------

والكلام ده انا سمعته من الشيخ خالد الجندى

وطبعا ده كل شغلته اشعال النار بين الازواج

واحنا بادينا بنديله الطرق اللى يدخلنا منها

يبقى هو بقى ليه ما يشفش شغله

رزق وجايله لحده

صح ولا ايه



خلاص اتفقناعلى الحاجتين دول
-------------------


طيب بما اننا اتفقنا ليه بقى نسمع كلام الشيطان

اللى هو كل شغلته فى الدنيا انه ينكد علينا

ومن اقل مشكله

يكبرلك الدنيا

اوعى تسمعيله او تديله ودنك

اوعى يضحك عليكى بكلمة

ليه انا؟

كل الناس مرتاحه؟

مين قالك

انتى شوفتى الناس جوه بيوتها شكلها ايه

كل واحد ربنا عالم بيه

المهم ماتفسديش حياتك

وتحوليها لهم وغم


وبما ان رمضان خلا ص دخل يبقى ديه فرصتنا

كلنا عارفين ان فى رمضان مفيش شياطين

طيب ايه رايكم

نخليه اجمل شهور السنه

بس فى الاول

عايزين نتعاتب

علشان نصفى قلوبنا من كل اللى فات

وندخل بنيه صالحه وسليمه

ايه رايكم فى الفكره
-----------

طيب هقولكم على حاجه


انا وجوزى اديلنا حوالى 10 ايام

الوضع على غير مايرام

اه مفيش خناق

بس تحسى كده القلوب فيها حاجه

من غير سبب

والله

بس كل واحد واخد جنب وساكت

واختكم بقى

الشيطان ظبطها

وهى اديتله ودنها

وقالها اوعى تساليه مالك؟

انتى ما زعلتيهوش؟

هو طبعه كده

خلاص المعامله بالمثل

والبادى اظلم

وانا سمعت الكلام

لحد ما لقيت نفسى

نفسيتى مدمره

وبحلم باحلام وحشه جدااااااااااااا

وبتحصلى حاجات غريبه

وانا نايمه

بحس انى بتخنق

ومش قادره اتنفس



ومن هنا بقى

وما كدبتش خبر

وقلت لازم احط حد للموضوع ده

شوفى بقى عملت ايه
----------

جيتلك تانى يوم

وكنت عارف ان جوزى هياخر بره

كان عنده فرح زميله

وقمت روقت البيت

وظبطت حته عشوه كده

انما ايه

وطبعا

ظبطت نفسى من الاخر

لدرجة انه مكنش مصدق نفسه

وخصوصا اننا الجو بينا متوتر

واول ما دخل

قولتله حمد الله على سلامتك

وقلتله خدلك دش

على بال ما اجهز الاكل

عقبال ماخرج

كنت جهزت الاكل على التربيزه

زى الفنادق ال 5 نجوم

وشموع وطفيت النور

طلع لقى الدنيا ضلمه

اخدته من ايده لحد التربيزه

وقلتله اصلى عزماك على العشا

وبعد الاكل

والعصير

قولتله

عايزه اتكلم معاك شويه


وابتديت اساله ايه اللى مغيرك

عاجبه حالنا اللى وصلناله

شوفت عيشتنا بقت ازاى

وعاتيته باللى مضايقنى منه

وهو كمان عاتبنى

واتصافينا

والجو راق

ورجع كل شى لقواعده سالما

الحمد لله


ايه رايكم بقى

فى الفكره



يالايا بنات

ابعدوا الشيطان عن حياتكم

اوعوا تسيبوه يضحك عليكم

اضحكوا انتم عليه

وجددوا حياتكم

ورجعوا الحب ليها



انا فى انتظار تعليقاتكم

وارائكم

ولو حد عنده افكار تانيه

علشان نستفيد كلنا




إذا موضوعى يستحق التقييم فقيمونى
وإذا لايستحق فعلقوا ولا تحرجونى



اوعوا ما تردوش عليه

احسن




بحبكم فى الله Question

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
اللى زعلانه مع جوزها تدخل وانا اظبطها.......ومش حتندم :: تعاليق
avatar
كليوباترا
ملكه المنتدى
ملكه المنتدى
رقم عضويتك : 1
عدد المساهمات : 71622
الاوسمه :
العمل/الترفيه : طبيبه اسنان

مُساهمة في 15.03.11 19:58 من طرف كليوباترا

ديما مواضيعك هايله يا احلي ايمى تسلمي ياا قمر في الجوووون

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى