وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
وصفات كليوباترا

منتدى نسائي لكل ما يهم المراه العربيه عنايه بالبشره ,الشعر ,الجسم ,العروسه ,ديكور ,ازياء ,الحياه الزوجيه طبخ
 
الرئيسيةالرئيسية  المجلهالمجله  البوابةالبوابة  بحـثبحـث  دخولدخول  التسجيلالتسجيل  
شاطر | 
 

 اسهل كيكه اسفنجيه عن تجربه والله ومضمونه جدااااااا

استعرض الموضوع السابق استعرض الموضوع التالي اذهب الى الأسفل 
انتقل الى الصفحة : الصفحة السابقة  1, 2, 3, 4  الصفحة التالية
كاتب الموضوعرسالة
20022011
مُساهمةاسهل كيكه اسفنجيه عن تجربه والله ومضمونه جدااااااا


ازيكوا يا احلى بنوتات وحشتونى اوى اوى
انا جيبالكوا طريقه كيكه اسفنجيه سهله اوى ومضمونه عن تجربتى الشخصيه هى كانت اول مره ليا اعملها بعد بحثى فى المنتديات ومع نصايح ماما طلعت ما شاء الله جميله جدا وزى اللى فى محلات الحلويات انا هقولكوا ع الطريقه والمقادير بس تمشوا عليها بالظبط ومش تفوتوا اى خطوه او تنسوا حاجه

اولا المقادير

1/ كوب دقيق ( ولو عاوزبنها بالشيكولاته يبقى كوب الا ربع دقيق وربع كوب كاكاو ساده

2/ ربع كوب نشا

3/ معلقه ونص اكل ممسوحه بيكنج بودر

4/ معلقه شاى فانيليا

6/ بيضات

7/ كوب الا ربع سكر ناعم

8/ نص فنجان قهوه صغير جدا ميه دافيه

ملحوظه ( الكوب ايه الى هنكيل بيها المكونات تبقى نفسها لكل المقادير


الطريقه


(قبل اى خطوه نشغل الفرن ع درجه متوسطه 180 ونسيبه يسخن )
1/ نجيب الدقيق مع النشا مع البيكنج بودر ونقلبهم كويس مع بعض وننخلهم ونسيبهم ع جنب
2/نجيب طبق غويط ونحط فيه البيض وعليه الفانيليا ونضربهم دقيقتين بالمضرب الكهربائى لحد ما تعمل رغاوى نحط السكر كله ونفضل نضرب بالمضرب باستمرار وشويه كده ونضيف نص فنجان الميه الدافيه ونضرب باستمرار بقى حوالى نص ساعه فى اتجاه واحد عشان الهوا ميخرجش منها ولحد ما يبقى الخليط زى الكريمه بالظبط وعلت اوى بتبقى 3 اضعاف حجم البيض وعشان تتاكدوا انها بقت تمام اختبروها ترفعوا اسلاك المضرب عن الخليط هينزل منها الخليط عامل خط واحد وتقيل مش خفيف
3/ نضيف الدقيق شويه بشويه صغيرين يعنى ع خمس مرات كده وببطء شديد ونقلب بمعلقه خشب او بلاستيك الخليط فى اتجاه المضرب عشان مش نخرج الهوا اوعوا تقلبوها بالمضرب بمعلقه خشب او بلاستيك انا بأكد اهو

4/ نجيب صينيه حجمها مناسب للخليط متبقاش كبيره ولا صغيره يعنى هقولكوا الصنيه الى عملت فيها المقادير دى انا قيستها عشان تبقى المعلومه صح قطرها 25 سم وارتفاعها 7 سم وكانت تمام اوى ومظبوطه
5/ ندخلها الفرن ومش نيجى جمب الفرن خالص ولا نفتحه ولا نهزه لمده 40 دقيقه وبعدها نشوفها لو نضجت خالص نطفى الفرن ونسيها فيه ربع ساعه لحد ما تهدى مش نخرجها ع طول عشان الهوا البارد فجاه بيهبطها من النص وبتبوظ

6/ تتساب لحد ما تبرد خالص وندخلها التلاجه ونزينها تانى يوم لاما لو مستعجلين نسيبها 3 ساعات فى التلاجه
كاتب الموضوع : hoba mohamed
الرجوع الى أعلى الصفحة اذهب الى الأسفل
مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

اسهل كيكه اسفنجيه عن تجربه والله ومضمونه جدااااااا :: تعاليق

@كليوباترا كتب:
وحشتينا يا قمر تسلم ايديكى
تسلمى يا كوكى يا قمر وانتوا والله وحشتونى اوى ومرسى ع مرورك نورتينى بجد
@a.l.y.a.a كتب:
جامده جداااااا
تسلم ايدك
بس هو انتى استخدمتى النشا ليه ؟

بصى يا ستى النشا دى عشان الكيكه مش تفرول وتبقى ماسكه نفسها زى كيكه الجاتوه والتورت الى بتبقى فى المحلات بالظبط وصدقينى والله انا عملتها كده وطلعت مظبوطه جداااااااااا وزى الى فى المحلات بالظبط ونفس الطعم الجميل مش تقلقى مش هتأثر سلبى خالص بالعكس لانها كميه بسيطه جدا
نورتينى يا قمر ومرسى ع مرورك الجميل
@silverflower كتب:
معلش ياجميل .. هو كم بيضة مستخدمة؟؟
بصى الارقام اللى انتى حاطاها فى المقادير بتلخبط ,.. هى دى ارقام الخطوات ولا اعداد للمقادير
يعنى كم معلقة بيكنج وفانيليا وكدا ؟؟ معلش هنتعبك

وتسلمى يارب على مجهودك ونصايح ماما ربنا يخليهالك ياجمي
ل

بصى يا قمر ان هقولك كل المقادير تانى ولا تعب ولاحاجه خالص

كوب دقيق ولو عاوزاها بالشيكولاته هيبقى كوب الا ربع دقيق وربع كوب كاكاو ساده

ربع كوب نشا

معلقه الاكل العاديه هاخد منها معلقه ونص ممسوحين بيكنج بودر

ومعلقه الشاى هاخد منها معلقه فانليا

و 6 بيضات ولو بيض بلدى الى هو الصغير يبقى تاخدى 8

وكوب الا ربع سكر ناعم او بودره

والكوبايه الى تاخدى بيها المقادير تبقى واحده مش تغيرى الكوبايه

انتى تؤمرى يا قمر نورتينى بجد ومرسى ع مرورك الجميل
عاوزه يا قمرات اضيف نقطه بس نسيت اضيفها الكريم شاننتيه الى بنستخدمه فى التزيين من الافضل اننا نجيبه من العطار ونقوله بودره كريم شانتيه ساده لان ه اولا بنتحكم فى درجه سكره وبيتظبط جدا ومش بيسيح احسن من البواكى الف مره والربع كيلو بيكفى لتزيين تورتايه وبالنسبه لطريقه تحضيره الربع كيلو بيتضاف عليه كوب لبن كبير او المج بتاع النسكافيه كده ونحلي اللبن بدرجه السكر الى عاوزينها لاما نضيف ع بودره الكريم سكر بودره بلاش سكر خشن عشان مش يقرقش ويبان فيها ونخلطهم ع بعض ونضريهم بالمضرب الكهربائى وبعد كده نحطه فى التلاجه مش الفريزر لمده نص ساعه ونبتدى نزين بيه
بارك الله فيك
 

اسهل كيكه اسفنجيه عن تجربه والله ومضمونه جدااااااا

استعرض الموضوع السابق استعرض الموضوع التالي الرجوع الى أعلى الصفحة 

صفحة 2 من اصل 4انتقل الى الصفحة : الصفحة السابقة  1, 2, 3, 4  الصفحة التالية

صلاحيات هذا المنتدى:لاتستطيع الرد على المواضيع في هذا المنتدى
وصفات كليوباترا  :: طبخات واكلات من كل بلاد العالم :: قسم الطبخ :: الحلويات الشرقيه والغربيه-
انتقل الى: