اسهل كيكه اسفنجيه عن تجربه والله ومضمونه جدااااااا

صفحة 4 من اصل 4 الصفحة السابقة  1, 2, 3, 4

استعرض الموضوع السابق استعرض الموضوع التالي اذهب الى الأسفل

avatar
hoba mohamed
رقم عضويتك : 8504
عدد المساهمات : 822
الاوسمه :
العمل/الترفيه : النت/التطريز/الطبخ/القراءه

مُساهمةhoba mohamed

ازيكوا يا احلى بنوتات وحشتونى اوى اوى
انا جيبالكوا طريقه كيكه اسفنجيه سهله اوى ومضمونه عن تجربتى الشخصيه هى كانت اول مره ليا اعملها بعد بحثى فى المنتديات ومع نصايح ماما طلعت ما شاء الله جميله جدا وزى اللى فى محلات الحلويات انا هقولكوا ع الطريقه والمقادير بس تمشوا عليها بالظبط ومش تفوتوا اى خطوه او تنسوا حاجه

اولا المقادير

1/ كوب دقيق ( ولو عاوزبنها بالشيكولاته يبقى كوب الا ربع دقيق وربع كوب كاكاو ساده

2/ ربع كوب نشا

3/ معلقه ونص اكل ممسوحه بيكنج بودر

4/ معلقه شاى فانيليا

6/ بيضات

7/ كوب الا ربع سكر ناعم

8/ نص فنجان قهوه صغير جدا ميه دافيه

ملحوظه ( الكوب ايه الى هنكيل بيها المكونات تبقى نفسها لكل المقادير


الطريقه


(قبل اى خطوه نشغل الفرن ع درجه متوسطه 180 ونسيبه يسخن )
1/ نجيب الدقيق مع النشا مع البيكنج بودر ونقلبهم كويس مع بعض وننخلهم ونسيبهم ع جنب
2/نجيب طبق غويط ونحط فيه البيض وعليه الفانيليا ونضربهم دقيقتين بالمضرب الكهربائى لحد ما تعمل رغاوى نحط السكر كله ونفضل نضرب بالمضرب باستمرار وشويه كده ونضيف نص فنجان الميه الدافيه ونضرب باستمرار بقى حوالى نص ساعه فى اتجاه واحد عشان الهوا ميخرجش منها ولحد ما يبقى الخليط زى الكريمه بالظبط وعلت اوى بتبقى 3 اضعاف حجم البيض وعشان تتاكدوا انها بقت تمام اختبروها ترفعوا اسلاك المضرب عن الخليط هينزل منها الخليط عامل خط واحد وتقيل مش خفيف
3/ نضيف الدقيق شويه بشويه صغيرين يعنى ع خمس مرات كده وببطء شديد ونقلب بمعلقه خشب او بلاستيك الخليط فى اتجاه المضرب عشان مش نخرج الهوا اوعوا تقلبوها بالمضرب بمعلقه خشب او بلاستيك انا بأكد اهو

4/ نجيب صينيه حجمها مناسب للخليط متبقاش كبيره ولا صغيره يعنى هقولكوا الصنيه الى عملت فيها المقادير دى انا قيستها عشان تبقى المعلومه صح قطرها 25 سم وارتفاعها 7 سم وكانت تمام اوى ومظبوطه
5/ ندخلها الفرن ومش نيجى جمب الفرن خالص ولا نفتحه ولا نهزه لمده 40 دقيقه وبعدها نشوفها لو نضجت خالص نطفى الفرن ونسيها فيه ربع ساعه لحد ما تهدى مش نخرجها ع طول عشان الهوا البارد فجاه بيهبطها من النص وبتبوظ

6/ تتساب لحد ما تبرد خالص وندخلها التلاجه ونزينها تانى يوم لاما لو مستعجلين نسيبها 3 ساعات فى التلاجه

صفحة 4 من اصل 4 الصفحة السابقة  1, 2, 3, 4

استعرض الموضوع السابق استعرض الموضوع التالي الرجوع الى أعلى الصفحة

مُشاطرة هذه المقالة على: Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking
اسهل كيكه اسفنجيه عن تجربه والله ومضمونه جدااااااا :: تعاليق
Mai Hasan
اميره نشيطه
اميره نشيطه
عدد المساهمات : 176
الاوسمه :

مُساهمة في 25.02.11 21:05 من طرف Mai Hasan

تسلم ايديكى يا هبه و زيدينا من الحاجات الجميله و السهله دى.
بصى يا فاطمه انا ماليش اوى فى الحلويات بس اللى اعرفه انه ما ينفعش انك تعملى كيكه من غير عامل مساعد فى التخمر يعنى بيكنج باودر او خميره و فى كمان كيكات بتتعمل بالزبادى او بعصير البرتقال عشان يساعد البيض على نفخ الكيكه كويس بس يمكن تكون المعلقه اللى عايرتى بيها حجمها كان كبير شويه عشان مش كل المعالق الصغيره حجم واحد او يمكن يكون البيكنج باودر اللى استخدمتيه حامى شويه بس البيض لوحده مش كفايه انه ينفخ الكيكه كويس وده على حسب معلوماتى البسيطه بس كل حاجه بتيجى بالتجربه عشان هى خير برهان زى ما بيقولو و ربنا يكرم و يوفق الجميع ان شاءالله و تسلم الايادى يا اميرات
avatar
فاطمة الزهراء
اميره فضيه
اميره  فضيه
رقم عضويتك : 2609
عدد المساهمات : 4841
الاوسمه :

مُساهمة في 26.02.11 22:16 من طرف فاطمة الزهراء

شكرا ليكى يا أميره جدا على ردك ربنا يكرمك بس انا علطول بعمل الكيكه الأسفنجيه من غير بيكنج بودر ولا اى سوائل وبتهيش جدا انتى اهم حاجه تضربى البيض مع السكر كويس وتكونى حريصه وانتى بتضيفى الدقيق انك ما تضيعيش الهيشان ده

صفحة 4 من اصل 4 الصفحة السابقة  1, 2, 3, 4

للمشاركة انت بحاجه الى تسجيل الدخول او التسجيل

يجب ان تعرف نفسك بتسجيل الدخول او بالاشتراك معنا للمشاركة

التسجيل

انضم الينا لن يستغرق منك الا ثوانى معدودة!


أنشئ حساب جديد

تسجيل الدخول

ليس لديك عضويه ؟ بضع ثوانى فقط لتسجيل حساب


تسجيل الدخول

 
صلاحيات هذا المنتدى:
لاتستطيع الرد على المواضيع في هذا المنتدى