منتدى وصفات كليوباترا
بسم الله الرحمن الرحيم
عزيزتى الزائرة يرجى التكرم بتسجيل الدخول اذا كنت عضوه معنا
أو التسجيل لو لم تكونى عضوه و ترغبى الانضمام لأسرة منتدى وصفات كليوباترا


سنتشرف بتسجيلك
شكراً
أدارة المنتدى
تحذير!!!! تنويه هام سيتم حذف اي موضوع بروابط خارجيه بالموضوع او بالصور نرجو الانتباه هذا يضر بالمنتدي
المواضيع الأخيرة
المتواجدون الآن ؟
ككل هناك 32 عُضو متصل حالياً :: 1 أعضاء, 0 عُضو مُختفي و 31 زائر :: 2 عناكب الفهرسة في محركات البحث

ديانا دودو 100

استعرض الموضوع السابقاستعرض الموضوع التالي
20022011
ازيكوا يا احلى بنوتات وحشتونى اوى اوى
انا جيبالكوا طريقه كيكه اسفنجيه سهله اوى ومضمونه عن تجربتى الشخصيه هى كانت اول مره ليا اعملها بعد بحثى فى المنتديات ومع نصايح ماما طلعت ما شاء الله جميله جدا وزى اللى فى محلات الحلويات انا هقولكوا ع الطريقه والمقادير بس تمشوا عليها بالظبط ومش تفوتوا اى خطوه او تنسوا حاجه

اولا المقادير

1/ كوب دقيق ( ولو عاوزبنها بالشيكولاته يبقى كوب الا ربع دقيق وربع كوب كاكاو ساده

2/ ربع كوب نشا

3/ معلقه ونص اكل ممسوحه بيكنج بودر

4/ معلقه شاى فانيليا

6/ بيضات

7/ كوب الا ربع سكر ناعم

8/ نص فنجان قهوه صغير جدا ميه دافيه

ملحوظه ( الكوب ايه الى هنكيل بيها المكونات تبقى نفسها لكل المقادير


الطريقه


(قبل اى خطوه نشغل الفرن ع درجه متوسطه 180 ونسيبه يسخن )
1/ نجيب الدقيق مع النشا مع البيكنج بودر ونقلبهم كويس مع بعض وننخلهم ونسيبهم ع جنب
2/نجيب طبق غويط ونحط فيه البيض وعليه الفانيليا ونضربهم دقيقتين بالمضرب الكهربائى لحد ما تعمل رغاوى نحط السكر كله ونفضل نضرب بالمضرب باستمرار وشويه كده ونضيف نص فنجان الميه الدافيه ونضرب باستمرار بقى حوالى نص ساعه فى اتجاه واحد عشان الهوا ميخرجش منها ولحد ما يبقى الخليط زى الكريمه بالظبط وعلت اوى بتبقى 3 اضعاف حجم البيض وعشان تتاكدوا انها بقت تمام اختبروها ترفعوا اسلاك المضرب عن الخليط هينزل منها الخليط عامل خط واحد وتقيل مش خفيف
3/ نضيف الدقيق شويه بشويه صغيرين يعنى ع خمس مرات كده وببطء شديد ونقلب بمعلقه خشب او بلاستيك الخليط فى اتجاه المضرب عشان مش نخرج الهوا اوعوا تقلبوها بالمضرب بمعلقه خشب او بلاستيك انا بأكد اهو

4/ نجيب صينيه حجمها مناسب للخليط متبقاش كبيره ولا صغيره يعنى هقولكوا الصنيه الى عملت فيها المقادير دى انا قيستها عشان تبقى المعلومه صح قطرها 25 سم وارتفاعها 7 سم وكانت تمام اوى ومظبوطه
5/ ندخلها الفرن ومش نيجى جمب الفرن خالص ولا نفتحه ولا نهزه لمده 40 دقيقه وبعدها نشوفها لو نضجت خالص نطفى الفرن ونسيها فيه ربع ساعه لحد ما تهدى مش نخرجها ع طول عشان الهوا البارد فجاه بيهبطها من النص وبتبوظ

6/ تتساب لحد ما تبرد خالص وندخلها التلاجه ونزينها تانى يوم لاما لو مستعجلين نسيبها 3 ساعات فى التلاجه
مُشاطرة هذه المقالة على:Excite BookmarksDiggRedditDel.icio.usGoogleLiveSlashdotNetscapeTechnoratiStumbleUponNewsvineFurlYahooSmarking

تعاليق

يا جااااااااااااامد يا بيبو تسلم ايدك
avatar
ميرسى يا قمر شكرا على الرد
avatar
اول مره اشوف الطريقه دى ان شاء الله اجربها شكرا ليكى جدا
avatar
ماشاء الله تسلم ايديكِ والله
شجعتيني اجرب اعمل تورة فى البيت
انا ليا سؤالين بعد إذنك :
1- انا لما بحط الدقيق تدريجيا بقلب بمضرب سلك يدوي مش كهرباء عشان بخاف ان الدقيق يتكتل زي لما بيحصل فى الباشميل
وحضرتك بتقولي مانستخدمش المضرب فهل تقصدي مضرب الكهرباء ولا ايييه ؟؟
2- مدة تقليب كل المكونات بعد اضافة الدقيق تقريبا اد ايه
لاني واضح اني بقلب كتييير لاني لما بعمل كيكة بلاقيها مكتومة شوية ؟

جزاكِ الله خيرا وادخل على قلبك السعادة والفرح والطمأنينة يارب العالمين
avatar
لوسمحتيلى يا هوبه ارد على الاميره ده بعد اذنك طبعا
انا إلى اعرفه انك لازم تقلبيها بمعلقه خشب او شوكه بشويش ما اعرفش حكاية المضرب السلك دى بتأثر ولا لا لكن الافضل انك تعمليها زى ما هوبه قالت كده ويكون التقليب بشويش من فوق لتحت وعشان الدقيق ما يتكتلش وانتى بتضفيه للكيكه على مراحل طبعا حاولى ترشيه على العجينه مش تضيفيه فى مكان واحد
والوقت من اول ما تضيفى الدقيق يكون حوالى دقيقه او اتنين يعنى تحاولى تخلصى بسرعه ما تقلبيش كتير لان الخطوه دى ممكن تضيعلك الهيشان بتاع الكيكه

لو سمحتيلى مره كمان ياهوبه احكى تجربتى مع الوصفه دى لانى جربتها وعايزه اقول رايي
انا كنت بعملها بنفس خطواتك حتى موضوع الكريمه ده ودى خطوات رائعه شكرا ليكى جدا وجزاكى الله خير انك شرحتيها بالتفصيل لان موضوع الكيكه الاسفنجيه ده مشكله عند معظم البنات لكن الاختلاف كان فى المقادير بالنسبه للدقيق والبيكنج بودر انا كنت بحط كوب و نص دقيق و ما كنتش بحط بيكنج بودر ولا نشا
فعلا الكيكه طلعت تحفه بس اعتقد ان موضوع البيكنج بودر ده ما لوش داعى هى بتعتمد على انك تضربى البيض مع السكر كويس وتحافظى على الهيشان ده وانتى بتضيفى الدقيق
انا لما حطيت البيكنج بودر هاشت منى قوى فى الفرن وبعدين نزلت شويه لما طلعتها عن ما كانت فى الفرن بس ما هبطتش خالص بس شويه صغيرين والى اعرفه ان السبب فى كده بيكون زيادة البيكنج بودر مع انى اضفت كميه اقل من الى انتى قلتيها
اصلا لو حفظت على الخطوات اللى انتى قلتيها حتهيش من غير بيكنج بودر
معلش يا هوبا لو كنت تقلت عليكى
ربنا يجعله فى ميزان حسناتك يارب
استعرض الموضوع السابقاستعرض الموضوع التالي
صلاحيات هذا المنتدى:
لاتستطيع الرد على المواضيع في هذا المنتدى